MIQUEAS 2
2
Kailo sa mga Nagapigus sang Imol
1Kailo sa mga nagapahito sing kalautan
kag nagahikot sing malaut sa ila mga higdaan!
Kon ang kaagahon magsanag, ginabuhat nila ini,
bangud nga ini yara sa gahum sang ila kamut.
2Nagakaibog sila sing mga latagon, kag ginaagaw sila;
kag sang mga balay, kag ginakuha sila;
ginapigus nila ang tawo kag ang iya puluy-an,
ang tawo kag ang iya panublion.
3Busa amo ini ang ginasiling sang Ginoo:
Yari karon, ako nagapahito sing malaut batok sini nga panimalay,
nga sa iya indi ninyo mahukas ang inyo mga liog;
kag indi ninyo mapalabilabihan,
kay ini tion nga malaut.
4Sa sadto nga adlaw uligyaton kamo nila,
kag magapanalabiton sing makahanoklog nga panalabiton,
kag magsiling, “Nalaglag kita sing bug-os;
iya ginabaylohan ang bahin sang akon katawohan;
daw ano ang pagkuha niya sa akon sini!
Sa mga malalison ginabahinbahin niya ang amon mga latagon.”
5Busa wala ka sing maglatid paagi sa papalad
sa katilingban sang Ginoo.
6“Dili kamo magtagna”—amo ini ang ginatagna nila—
“dili sila magtagna sa sini nga mga butang;
ang mga pagpakahuya indi magtaliwan.”
7Isiling bala ini, O panimalay ni Jacob?
Ginapalip-ot bala ang Espiritu sang Ginoo?
Amo ini bala ang iya mga hinimoan?
Wala bala nagahimo sing maayo ang akon mga polong
sa nagalakat sing matadlong?
8Apang sa wala pa lamang madugay ang akon katawohan nagtindug subong nga kaaway;
ginahuklas ninyo ang kunup gikan sa panapton,
sang mga nagaligad sing malinong
subong nga mga tawo nga kasumpung sa inaway.
9Ang mga babayi sa akon katawohan ginsobol ninyo
gikan sa mga balay nila nga matahum;
gikan sa ila linghud nga kabataan ginkuha ninyo
ang akon himaya sing dayon.
10Tindug kamo kag magtaliwan,
kay indi ini duug nga palahuwayan ninyo;
bangud sang pagkadimatinlo nga nagalaglag
sa tama nga kalaglagan.
11Kon ang tawo nga nagalakat sa pagkadimatuud magbutig,
nga nagasiling, “Ako magatagna sa imo sang alak kag sang masingkal nga ilimnon,”
sia gid ang manginmanalagna sini nga katawohan!
12Tiponon ko sa pagkamatuud ang tanan nimo, O Jacob,
tiponon ko ang nabilin sang Israel;
tingbon ko sila
subong sang mga carnero sang Bozra,
subong sang panong sa tunga sang ila halalban, magagahud sila bangud sang kadamuon sang mga tawo.
13Ang manuggahit nagtaklad una sa ila;
nakatapus sila kag nag-agi sa gawang,
nga nagagowa didto.
Ang ila hari nag-una sa ila,
ang Ginoo sa una nila.
Currently Selected:
MIQUEAS 2: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
