LUCAS 3

Ang Pagwali ni Juan Bautista

(Mat. 3:1-12; Mar. 1:1-8; Juan 1:19-34)

1Sa ikapulog lima nga tuig sang paghari ni Tiberio Cesar, sang si Poncio Pilato ang pangolo-puud sang Judea, kag si Herodes ang tetrarca sang Galilea, kag si Felipe nga iya utud ang tetrarca sang ginsakpan sang Iturea kag Traconite, kag si Lisanias ang tetrarca sang Abilinia, 2sang pinakamataas nga sacerdote si Anas kag si Caifas, ang polong sang Dios nag-abut kay Juan nga anak ni Zacarias sa kamingawan; 3kag nagpanglakatan sia sa bug-os nga ginsakpan sa palibut sang Jordan, nga nagawali sang bautismo sang paghinulsul sa kapatawaran sang mga sala. 4Sono sa nasulat sa tolon-an sang mga polong ni Isaias nga manalagna,

“Ang tingug sang isa nga nagasinggit sa kamingawan:

Amana ang dalanon sang Ginoo,

tadlonga ang iya mga banas.

5Ang tagsa ka nalupyakan tampokan,

kag ang tagsa ka bukid kag bakolod panuboon,

kag ang tiko tadlongon,

kag ang mga dalanon, nga kudulkudul tapanon;

6kag ang tanan nga unud makakita sang kaluwasan sang Dios.”#Isa. 40:3-5.

7Busa nagsiling sia sa mga kadam-an nga naggowa sa pagpabautiso sa iya, “Kamo nga kaliwat sang mga man-ug!#Mat. 12:34; 23:33. Sin-o bala ang nagpaandam sa inyo sa pagpalagyo sa kaakig nga magaabut? 8Busa patubas kamo sing mga bunga nga takus sa paghinulsul, kag dili kamo magsugud sa pagsiling sa inyo kaugalingon, ‘May amay kami nga si Abraham’;#Juan 8:33. kay nagasiling ako sa inyo, nga ang Dios makabangon sing mga anak kay Abraham sa sining mga bato. 9Subong sini ang wasay nabutang na sa gamut sang mga kahoy; gani ang tagsa ka kahoy nga wala nagapatubas sing maayong bunga ginapulud kag ginadap-ung sa kalayo.#Mat. 7:19.”

10Kag nagpamangkot sa iya ang mga kadam-an, “Ano bala niyan ang dapat namon himoon?” 11Kag nagsabat sia sa ila, “Ang may duha ka bayo, maghatag sa iya nga wala; kag ang may kalan-on, maghimo sing amo man.” 12Nag-abut man ang mga manugsukot sang buhis nga pagbautisohan,#Luc. 7:29. kag nagpamangkot sila sa iya, “Manunudlo, ano bala ang dapat namon himoon?” 13Kag nagsabat sia sa ila, “Sukut kamo sing indi kapin sa ginasogo sa inyo.” 14Ang mga soldado man namangkot sa iya, “Kag kami, ano bala ang dapat namon himoon?” Kag nagsabat sia sa ila, “Dili kamo magpigus sa tawo ukon magbutangbutang sa bisan kay sin-o, kag magcontento kamo sa inyo sohol.”

15Sang nagahulat ang katawohan, kag ang tanan nga tawo nagpasibosibo sa ila mga tagiposoon nahanungud kay Juan, kon sia ayhan ang Cristo, 16si Juan nagsabat sa ila tanan, “Ako nagabautiso sa inyo sa tubig; apang may nagakari nga gamhanan pa sa akon, nga indi ako takus sa paghubad sang higot sang iya sandalias; magabautiso sia sa inyo sa Espiritu Santo kag sa kalayo. 17Ang iya inugpahangin yara sa iya kamut, sa pagtinlo sing maayo gid sang iya linasan, kag sa pagtipon sang trigo sa iya tambobo, apang ang labhang sonogon niya sa kalayo nga wala pagkapalong.”

18Busa, sa iban pa nga mga laygay nagwali sia sang maayong balita sa katawohan. 19Apang si Herodes nga tetrarca, sang ginsabdong niya bangud kay Herodias, nga asawa sang iya utud, kag sang tanan nga malaut nga butang nga nahimo ni Herodes, 20nagdugang sini man sa ila tanan, nga ginsulud niya si Juan sa bilanggoan.#Mat. 14:3-4; Mar. 6:17-18.

Si Jesus Ginabautisohan

(Mat. 3:13-17; Mar. 1:9-11)

21Karon sang nabautisohan ang tanan nga katawohan, kag si Jesus man nabautisohan kag sang nagapangamuyo, nagbukas ang langit, 22kag ang Espiritu Santo nagkunsad sa dagway nga lawasnon, subong sang salampati, sa ibabaw niya, kag naggowa ang tingug sa langit, “Ikaw hinigugma ko nga Anak; sa imo nahamuut ako.”#Isa. 42:1; Mat. 12:18; 17:5; Mar. 9:1; Luc. 9:35.

Ang Lista sang Kaliwatan ni Jesus

(Mat. 1:1-17)

23Si Jesus, sang nagsugud sia sa pagpanudlo, mga katloan ka tuig sa panuigon, nga anak (sono sa ginhunahunaan) ni Jose, ang anak ni Eli, 24ni Matat, ni Levi, ni Melqui, ni Jane, ni Jose, 25ni Matatias, ni Amos, ni Nahum, ni Esli, ni Nagge, 26ni Maat, ni Matatias, ni Semei, ni Jose, ni Joda, 27ni Joanan, ni Resa, ni Zorobabel, ni Salatiel, ni Neri, 28ni Melqui, ni Adi, ni Cosam, ni Elmadam, ni Er, 29ni Jesus, ni Eliezer, ni Jorim, ni Matat, ni Levi, 30ni Simeon, ni Judas, ni Jose, ni Jonam, ni Eliaquim, 31ni Melea, ni Mena, ni Matata, ni Natan, ni David, 32ni Jese, ni Obed, ni Booz, ni Salmon, ni Naason, 33ni Aminadab, ni Admin, ni Arni, ni Ezron, ni Fares, ni Juda, 34ni Jacob, ni Isaac, ni Abraham, ni Tera, ni Nahor, 35ni Serug, ni Reu, ni Peleg, ni Eber, ni Sela, 36ni Cainan, ni Arfaxad, ni Sem, ni Noe, ni Lamec, 37ni Metusela, ni Enoc, ni Jared, ni Mahalaleel, ni Cainan, 38ni Enos, ni Set, ni Adam, sang Dios.

Currently Selected:

LUCAS 3: ABHIL82

Highlight

Copy