JOSUE 13
13
Ang Duta nga Panag-iyahan Pa
1Karon si Josue tigulang na kag sobol sa panuigon; kag ang Ginoo nagsiling sa iya, “Ikaw tigulang na kag sobol sa panuigon, kag may nabilin pa nga tama gid kadaku nga duta nga panag-iyahan. 2Ini amo ang duta nga nabilin pa: ang bug-os nga ginsakpan sang mga Filistinhon, kag ang bug-os nga Gesurnon 3(kutub sa Sihor, nga yara sa atubang sang Egipto, tubtub sa dulunan sang Ecron nayon sa aminhan, nga ginkabig nga sa mga Canaanhon; ang lima ka ginoo sang mga Filistinhon, ang mga Gazahanon, ang Asdodnon, ang mga Ascalonhon, ang mga Gethanon, kag ang Ecronhon), subong man ang mga Avimnon, 4sa bagatnan, ang bug-os nga duta sang mga Canaanhon, kag ang Meara nga iya sang mga Sidonhon, tubtub sa Afec, tubtub sa dulunan sang mga Amornon, 5kag ang duta sang mga Gibalnon, kag ang bug-os nga Libano, nayon sa bulutlakan sang adlaw, kutub sa Baal-gad sa ubus sang Bukid nga Hermon tubtub sa salamputan sang Hamat, 6ang bug-os nga pumuluyo sang kabakoloran kutub sa Libano tubtub sa Misrefot-maim, ang tanan nga mga Sidonhon. Sobolon ko sila gikan sa atubangan sang katawohan sang Israel; lamang pahaton mo ini sa papalad sa Israel nga sa panublion,#Num. 33:54. subong sang ginsogo ko sa imo. 7Busa karon bahinbahina ining duta nga panublion sa siam ka kabikahan kag sa katunga nga kabikahan ni Manases.”
8Upud sa katunga nga kabikahan ni Manases ang mga Rubenhon kag ang mga Gadhanon nagbaton sang ila panublion, nga ginhatag sa ila ni Moises, sa tabok sang Jordan nayon sa sidlangan, subong sang ginhatag sa ila ni Moises nga alagad sang Ginoo:#Num. 32:33; Deut. 3:12. 9kutub sa Aroer, nga yara sa kilid sang nalupyakan sang Arnon, kag ang banwa nga yara sa tunga sang nalupyakan, kag ang bug-os nga kapatagan sang Medeba tubtub sa Dibon; 10kag ang tanan nga kabanwaanan ni Sihon nga hari sang mga Amornon, nga naghari sa Hesbon, tubtub sa dulunan sang mga anak ni Amon; 11kag ang Galaad, kag ang dulunan sang mga Gesurnon kag sang mga Maacatnon, kag ang bug-os nga Bukid nga Hermon, kag ang bug-os nga Basan tubtub sa Salca; 12ang bug-os nga ginharian ni Og sa Basan, nga naghari sa Astarot kag sa Edrei (ang amo salin sang Refaimnon); kay amo ini sila ang gindaug ni Moises kag ginsobol. 13Apang wala pagsobola sang katawohan sang Israel ang mga Gesurnon ukon ang mga Maacatnon; apang si Gesur kag si Maaca nagapuyo sa tunga sang Israel tubtub sining adlaw.
Ang mga Palanublion nga Ginahatag ni Moises
14Lamang sa kabikahan ni Levi wala si Moises maghatag sing panublion; ang mga halad-tungud-sa-kalayo sa Ginoong Dios sang Israel amo ang ila panublion, subong sang ginpamolong niya sa iya.#Deut. 18:1.
15Kag si Moises naghatag sing panublion sa kabikahan sang mga anak ni Ruben sono sa ila mga panimalay. 16Gani ang ginsakpan nila kutub sa Aroer, nga yara sa kilid sang nalupyakan sang Arnon, kag ang banwa nga yara sa tunga sang nalupyakan, kag ang bug-os nga kapatagan sang Medeba; 17ang Hesbon, kag ang tanan niyang kabanwaanan nga yara sa kapatagan; ang Dibon, kag ang Bamot-baal, kag ang Bet-baalmeon, 18kag ang Jahaz, kag ang Cedemot, kag ang Mefaat, 19kag ang Kiryataim, kag ang Sibma, kag ang Seretsahar sa bukid sang nalupyakan, 20kag ang Bet-peor, kag ang mga nalubluban sang Pisga, kag ang Bet-jesimot, 21ang tanan nga kabanwaanan sang kapatagan, kag ang bug-os nga ginharian ni Sihon nga hari sang mga Amornon, nga naghari sa Hesbon, nga gindaug ni Moses pati ang mga pangolo sang Midian, si Evi kag si Requem kag si Zur kag si Hur kag si Reba ang mga principe ni Sihon nga nagpuyo sa duta. 22Si Balaam man nga anak ni Beor, ang manugpakot, ginpatay sa espada sang katawohan sang Israel upud sa iban nga pinatay nila. 23Kag ang ginsakpan sang katawohan ni Ruben amo ang Jordan kag ang iya ginsakpan. Ini amo ang panublion sang mga anak ni Ruben, sono sa ila mga panimalay lakip ang mga kabanwaanan kag ang ila mga minoro.
24Kag si Moises naghatag sing panublion sa kabikahan ni Gad, sa mga anak ni Gad, sono sa ila mga panimalay. 25Ang ginsakpan nila amo ang Jazer, kag ang tanan nga kabanwaanan sang Galaad, kag katunga sang duta sang mga anak ni Amon, tubtub sa Aroer nga yara sa atubangan sang Raba, 26kag kutub sa Hesbon tubtub sa Ramat-mizpe kag sa Betonim, kag kutub sa Mahanaim tubtub sa dulunan sang Debir, 27kag sa nalupyakan ang Bet-haram, ang Bet-nimra, ang Sucot, kag ang Zafon, ang nabilin sang ginharian ni Sihon nga hari sang Hesbon, ang Jordan iya ginsakpan, tubtub sa ukbung sang Dagat sang Cinerot sa tabok sang Jordan nayon sa sidlangan. 28Ini amo ang panublion sang mga anak ni Gad sono sa ila panimalay, ang kabanwaanan kag ang ila mga minoro.
29Kag si Moises naghatag sing panublion sa katunga nga kabikahan ni Manases; ini iya sang katunga nga kabikahan sang mga anak ni Manases sono sa ila mga panimalay. 30Ang ginsakpan nila kubtub sa Mahanaim, ang bug-os nga Basan, ang bug-os nga ginharian ni Og nga hari sang Bana, kag ang tanan nga banwa sang Jair, ng ayara sa Basan, kan-uman ka banwa, 31kag ang katunga sang Galaad, kag ang Astarot, kag ang Edrei, ang kabanwaanan sang giharian ni Og sa Basan; iya sang mga anak ni Maquir nga anak ni Manases tungud sa katunga sang mga anak ni Maquir sono sa ila mga panimalay.
32Ini amo ang mga panublion nga ginpanagtag ni Moises sa mga kapatagan sang Moab, sa tabok sang Jordan sa Jerico nayon sa sidlangan. 33Apang sa kabikahan ni Levi wala maghatag si Moises sing panublion; ang Ginoong Dios sang Israel amo ang ila panublion, subong sang ginpamolong niya sa ila.#Num. 18:20; Deut. 18:2.
Currently Selected:
JOSUE 13: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
