JOB 5
5
1“Panawag karon; may yara bala nga magasabat sa imo?
Sa kay sin-o bala sang mga balaan magaliso ka?
2Sa pagkamatuud ang kagamo nagapatay sa buangbuang nga tawo,
kag ang kaimon nagapatay sa kulangkulang.
3Nakita ko ang buangbuang nga nagapanggamut,
apang sa gilayon ginpakamalaut ko ang iya puluy-an.
4Ang iya mga lalaking anak malayo sa kalig-onan,
ginaipit sila sa gawang,
kag wala sing bisan sin-o nga magaluwas sa ila.
5Ang iya alanyon ginakaon sang ginagutum,
kag ginakuha niya ini bisan gikan sa mga tunuk;
kag ang si-od naganganga tungud sa ila pagkabutang.
6Kay ang kapipit-an wala nagagowa gikan sa yab-ok,
ukon ang kagamo nagatubo sa duta;
7apang ang tawo natawo sa kagamo
subong sang nagahingalayo nga mga alipalok nga nagalupad paibabaw.
8“Nahanungud sa akon, magadangup ako sa Dios,
kag sa Dios itugyan ko ang akon kahimtangan;
9nga nagahimo sing mga butang nga dalagku kag dimatungkad,
makatilingala nga mga butang nga dili maisip:
10nagahatag sia sing ulan sa duta
kag nagapadala sing mga tubig sa mga latagon;
11ginapataas niya ang mga kubus,
kag ang mga nagakasakit ginabayaw sa kalig-onan.
12Ginabungkag niya ang mga padugi sang mga malalang,
sa bagay nga ang ila mga kamut indi makatigayon sang ila buluhaton.
13Ang mga maalam ginadakup niya sa ila kaugalingon nga pagkalalang;#1 Cor. 3:19.
kag ang laygay sang malalangon ginadala sa kalaglagan.
14Nagasugata sila sing kadudulman sa adlawon,
kag nagapangapkap sa kaudtohon subong sang sa kagab-ihon.
15Apang ginaluwas niya gikan sa espada sang ila baba,
ang may kinawad-on gikan sa kamut sang gamhanan.
16Gani ang imol may paglaum,
kag ang kalautan nagatakup sang iya baba.
17“Yari karon, bulahan ang tawo nga ginasabdong sang Dios;
busa dili pagtamaya ang pagsilot sang Makaako.#Hulu. 3:11-12; Heb. 12:5-6.
18Kay nagasakit sia, kag nagabugkos;
sia nagapilas, kag ang iya mga kamut nagabolong.
19Luwason ka niya sa anum ka kalisdanan;
sa pito wala sing malaut nga magtandug sa imo.
20Sa tiggulutum tubson ka niya sa kamatayon,
kag sa inaway sa gahum sang espada.
21Lipdan ka gikan sa bunal sang dila,
kag dili ka mahadluk sang kalaglagan kon mag-abut.
22Sa kalaglagan kag sa tiggulutum magakadlaw ka;
kag dili ka mahadluk sa kasapatan sang duta.
23Kay manginkadampig ka sa mga bato sang latagon,
kag ang kasapatan sang latagon magapakighidait sa imo.
24Makilala mo nga ang imo layanglayang yara sa kalinong,
kag duawon mo ang imo toril, kag wala sing bisan ano nga makulang.
25Makilal-an mo man nga ang imo mga kaliwatan mangindaku,
kag ang imo tinubo manginsubong sang hilamon sang duta.
26Magakadto ka sa imo lulubngan sa bug-os nga panuigon,
kaangay sang linaylay sang uyas nga ginapasulud sa iya panag-on.
27Yari karon, ini nausisa namon; gani amo ini;
pamatii, kag kilalahon mo ini sa imo kaayohan.”
Currently Selected:
JOB 5: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
