ISAIAS 12
12
Ambahanon sa Pagpasalamat
1Sa sadto nga adlaw magasiling ka:
“Magapasalamat ako sa imo, O Ginoo,
kay bisan naakig ka sa akon,
ang imo kaakig nadula,
kag ginalipay mo ako.
2“Yari karon, ang Dios akon kaluwasan;
magasalig ako, kag indi magkahadluk;
kay ang Ginoong Dios amo ang akon kusug kag ambahanon,
kag sia nangin-akon kaluwasan.”#Ex. 15:2; Sal. 118:14.
3Busa sa may kalipay magasag-ub kamo sing tubig sa mga bobon sang kaluwasan. 4Kag magasiling kamo sa sadto nga adlaw:
“Magpasalamat sa Ginoo,
magpanawag sa iya ngalan;
ipahayag ang iya mga binuhatan sa katawohan,
isambit nga ang iya ngalan ginapakataas.
5“Mag-amba sa Ginoo, kay naghimo sia sing mahimayaon nga mga butang;
ipakilala ini sa bug-os nga duta.
6Magsinggit, kag mag-amba sa kalipay, O pumuluyo sang Sion,
kay daku sa tunga nimo ang Balaan sang Israel.”
Currently Selected:
ISAIAS 12: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
