EZEQUIEL 24

Ang Palaanggiran nahanungud sang Kolon nga Nagabukal

1Nag-abut sa akon ang polong sang Ginoo sa ikasiam nga tuig, sa ikapulo nga bulan, sa ikapulo nga adlaw sang bulan: 2“Anak sang tawo, isulat mo ang ngalan sang adlaw, sini gid nga adlaw. Ang hari sang Babilonia nagpalapit sa Jerusalem#2 Hari 25:1; Jer. 52:4. sa sini gid nga adlaw. 3Kag magmitlang sing paanggid sa mabinatoon nga balay kag isiling sa ila, Amo ini ang ginasiling sang Ginoong Dios:

Itig-ang ang kawa, itig-ang ini,

sudlan man ini sing tubig;

4ilunud sa sini ang iya mga hiniwa,

ang tagsa ka maayo nga hiniwa, ang paa kag ang abaga;

pun-a ini sang mga tul-an nga pinili.

5Kuhaa ang ali sang panong,

tumpoka ang gatong sa idalum sini;

pabukala ini sing maayo,

lagaa man ang mga tul-an sa sulud sini.

6“Busa amo ini ang ginasiling sang Ginoong Dios: Kailo sa dugoon nga banwa, sa kawa nga ang tuktuk niya yara sa iya, kag ang iya tuktuk wala makuha sa iya! Haw-asa gikan sa iya ang tagsa ka hiwa, wala sing kapalaran nga naholog sini. 7Kay ang iya dugo yara sa tunga niya; ginbutang niya ini sa hublas nga igang, wala niya ini pag-iula sa duta sa pagtabon sini sing yab-ok. 8Agud nga mapagowa sini ang kasingkal sa pagtimalus, ginbutang ko ang iya dugo sa hublas nga igang, agud nga indi matabonan. 9Busa amo ini ang ginasiling sang Ginoong Dios: Kailo sa dugoon nga banwa! Ako man magapadaku sang tinumpok. 10Tumpoka ang gatong, painita ang kalayo, lagaa sing maayo ang unud, kag palapuyuta ang sabaw, kag ipasonog ang mga tul-an. 11Niyan ibutang ini nga wala sing sulud sa iya mga baga, agud nga mabagang, kag mabaga ang iya saway, kag nga matunaw sa iya ang iya kahigkoan, nga maupud ang iya tuktuk. 12Ginlapyo sia sa pagpangabudlay; apang ang iya tuktuk wala makuha sa iya paagi sa kalayo. 13Sa imo pagkahigko yara sa pagkaulag. Bangud nga gintinloan ko ikaw kag wala ka magtinlo, indi ka na pagtinloan gikan sa imo pagkahigko tubtub nga papahuwayon ko sa imo ang akon kasingkal. 14Ako nga Ginoo nagpamolong sini; mahanabu ini, himoon ko ini; indi ako mag-isul, indi ako magpasaylo, indi ako magkalisud; sono sa imo mga dalanon kag sono sa imo mga hinimoan hukman ka nila, nagasiling ang Ginoong Dios.”

Ang Pagkapatay sang Asawa ni Ezequiel

15Nag-abut man sa akon ang polong sang Ginoo: 16“Anak sang tawo, yari karon, kuhaon ko sa imo sa hampak ang handum sang imo mga mata; apang dili ka magkalisud ukon maghibi ukon magpailig sang imo mga luha. 17Panghayhay, apang indi mabaskug; dili maglalaw tungud sa patay. Itakud ang imo turbante sa imo, kag isul-ub sa imo mga tiil ang imo mga sapin; dili pagtaboni ang imo mga bibig, ukon magkaon sang kalan-on sang mga tawo.” 18Gani nagpamolong ako sa katawohan sa kaagahon, kag sa kahaponon napatay ang akon asawa. Kag naghimo ako sa kaagahon sono sa ginsogo sa akon.

19Kag ang katawohan nagsiling sa akon, “Indi mo bala kami pagsugiran kon ano ining mga butang sa amon, nga naghimo ka sing subong?” 20Niyan nagsiling ako sa ila, “Ang polong sang Ginoo nag-abut sa akon: 21‘Ipamolong sa panimalay sang Israel, Amo ini ang ginasiling sang Ginoong Dios: Yari karon, pasipalahan ko ang akon santuario, ang bugal sang inyo gahum, ang handum sang inyo mga mata, kag ang ginakaawaan sang inyo kalag; kag ang inyo mga anak nga lalaki kag ang inyo mga anak nga babayi nga inyo ginbilin sa olihi mapukan sa espada. 22Kag himoon ninyo subong sang nahimo ko; dili kamo magtabon sang inyo mga bibig, ukon magkaon sang kalan-on sang mga tawo. 23Ang inyo mga turbante sa inyo mga olo kag ang inyo mga sapin sa inyo mga tiil; dili kamo magkalisud ukon maghibi, kondi magakag-as kamo sa inyo mga kalautan kag maganguynguy sa isa kag isa. 24Sa sini si Ezequiel mangintanda sa inyo; sono sa tanan nga ginhimo niya maghimo kamo. Kon mag-abut ini, niyan makilala ninyo nga Ako amo ang Ginoong Dios.’

25“Kag ikaw, anak sang tawo, sa adlaw nga kuhaon ko sa ila ang ila kusug, ang ila kalipay kag himaya, ang handum sang ila mga mata kag ang ginalangutan sang ila tagiposoon, ang ila mga anak nga lalaki kag ang ila mga anak nga babayi, 26sa sadtong adlaw ang nakapalagyo magakadto sa imo, sa pagpabati sa imo sini sa imo idulungug. 27Sa sadtong adlaw pabukaon ang imo baba sa iya nga nakapalagyo, kag magapamolong ka kag indi na mag-apa. Sa amo mangintanda ka sa ila; kag makilala nila nga Ako amo ang Ginoo.”

Currently Selected:

EZEQUIEL 24: ABHIL82

Highlight

Copy