Mga Salmo 120
120
Pangamuyo agod Buligan
1Sang yara ako sa kahul-anan, nagpanawag ako sa Ginoo,
kag ginsabat niya ako.
2Luwasa ako, O Ginoo,
sa mga butigon kag mga dayaon!
3Kamo nga mga butigon, ano bala ang himuon sang Dios sa inyo?
Paano bala ang pagsilot niya sa inyo?
4Paagi sa matalom nga mga baslay sang soldado,
kag sang nagabaga nga mga uling!
5Ang pag-estar upod sa inyo subong kalain sang pag-estar sa Mesec,
ukon upod sa mga tawo sang Kedar!#120:5 MESEC…KEDAR: Duha ka malayo nga mga lugar nga ang mga pumoluyo sini mapintas.
6Dugay na ang akon pag-estar
upod sa mga tawo nga nagapakalain sang paghidait!
7Kon maghambal ako sang paghidait,
ang ila luyag inaway.
Currently Selected:
Mga Salmo 120: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012