Mga Salmo 112
112
Ang Kalipay sang Maayo nga Tawo
1Dayawa ang Ginoo!
Malipayon ang tawo nga nagatahod sa Ginoo,
nga nagakalipay sa pagtuman sang iya mga sugo.
2Ang iya mga kabataan mangingamhanan sa duta,
ang kaliwat sang maayo nga tawo pagabendisyunan.
3Ang iya panimalay magaayuhan kag magamanggaranon,
kag magamainuswagon sia sa walay katapusan.
4Ang kapawa nagasilak sa kadudulman para sa maayo nga mga tawo,
para sa mga maalwan, maluloy-on kag matarong.
5Malipayon ang tawo nga maalwan sa iya mga pagpahulam,
nga wala nagadaya sa iya negosyo.
6Ang maayo nga tawo indi gid mapaslawan,
indi gid sia malimtan.
7Wala sia nagakahadlok sa malain nga mga balita,
ang iya pagtuo malig-on, kag nagasalig sia sa Ginoo.
8Wala sia nagapalibog ukon nagakahadlok,
napat-od niya nga iya makita ang iya mga kaaway nga nalutos.
9Nagahatag#2 Cor. 9:9. sia sing maalwan sa mga nawad-an,
kag ang iya kaayo nagapadayon,
mangingamhanan sia kag mangintalahuron.
10Ang malaut makakita sini kag nagakaakig,
nagapabagrot sila sang ila mga ngipon sa dumot kag nagakawala;
ang ila mga paglaom nadula sing dayon.
Currently Selected:
Mga Salmo 112: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
