Mga Salmo 111
111
Pagdayaw sa Ginoo
1Dayawa ang Ginoo!
Sa bug-os ko nga tagipusoon magapasalamat ako sa Ginoo,
sa pagtilipon sang iya mga tawo.
2Daw ano ka makatilingala sang mga butang nga ginahimo sang Ginoo!
Ang tanan nga nalipay sang iya mga binuhatan naluyag maghangop sini.
3Ang tanan nga iya ginahimo puno sang kadungganan kag pagkahalangdon,
ang iya pagkamatarong wala sing katapusan.
4Ang Ginoo nagapadumdom sa aton sang iya makatilingala nga mga binuhatan,
maayo sia kag maluloy-on.
5Nagahatag sia sing kalan-on sa mga nagapasidungog sa iya,
wala sia nagakalipat sang iya kasugtanan.
6Ginpakita niya ang iya gahom sa iya mga tawo,
paagi sa paghatag sa ila sang mga duta sang mga dumoluong.
7Matutom sia kag matarong sa tanan nga iya ginahimo,
masaligan ang tanan niya nga mga sugo.
8Nagapadayon ini sa tanan nga panahon,
ginhatag ini suno sa kamatuoran kag katarungan.
9Ginluwas niya ang iya mga tawo,
kag naghimo sia sing walay katapusan nga kasugtanan sa ila.
Balaan kag gamhanan sia!
10Ang#Job 28:28; Hulo. 1:7; 9:10. pagtahod sa Ginoo amo ang paagi nga magmaalam ang tawo, #111:10 Ang pagtahod…ang tawo: ukon Ang labing importante nga bahin sang kaalam amo ang pagtahod sa Ginoo.
nagahatag sia sing husto nga paghukom sa tanan nga nagatuman sang iya mga sugo.
Dapat sia dayawon sa walay katapusan!
Currently Selected:
Mga Salmo 111: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
