Mga Salmo 110
110
Ang Ginoo kag ang Iya Pinili nga Hari#TITULO SA HEBREO: Salmo ni David.
1Ang#Mat. 22:44; Mar. 12:36; Luc. 20:42-43; Bin. 2:34-35; 1 Cor. 15:25; Efe. 1:20-22; Col. 3:1; Heb. 1:13; 8:1; 10:12-13. Ginoo nagsiling sa akon Ginoo nga hari, “Pungko ka diri sa akon tuo,
tubtob mabutang ko ang imo mga kaaway sa idalom sang imo mga tiil.”
2Gikan sa Sion ang Ginoo magapasangkad sang imo harianon nga gahom.
Nagasiling sia, “Maggahom ka sa imo mga kaaway.”
3Sa adlaw nga awayon mo ang imo mga kaaway,
ang imo mga tawo magabulig sing kinabubot-on.
Kaangay sang tun-og sa kaagahon,
ang imo pamatan-on nga mga lalaki magakadto sa imo sa balaan nga mga bakulod.
4Ang#Heb. 5:6; 6:20; 7:17, 21. Ginoo nagsumpa, kag indi niya ini pagbawion:
“Manginpari ikaw sa walay katubtoban,
suno sa linya sang pagkapari ni Melquisedec.”
5Ang Ginoo yara sa imo tuo,
pagalutoson niya ang mga hari sa adlaw nga maakig sia.
6Pagahukman niya ang mga pungsod,
kag pun-on niya sing mga bangkay ang patag-awayan,
pagalutoson niya ang tanan nga mga hari sa bug-os nga kalibutan.
7Ang hari magainom sa sapa sa alagyan,
kag sa tapos maulian sia, magamadinalag-on sia.
Currently Selected:
Mga Salmo 110: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
