Mga Salmo 109
109
Ang Reklamo sang Isa ka Tawo nga Yara sa Kahul-anan#TITULO SA HEBREO: Salmo ni David.
1Ginadayaw ko ikaw, O Dios,
indi ka maghipos!
2Ang malaut nga mga tawo kag mga butigon naglibak sa akon,
nga nagasugid sing kabutigan nahanungod sa akon.
3Malaut nga mga butang ang ginahambal nila batok sa akon,
ginapakalain nila ako sa walay kabangdanan.
4Ginakontra nila ako, bisan nga ginahigugma ko sila,
kag nagpangamuyo ako para sa ila.
5Ginbalusan nila sing malaut ang akon kaayo,
kag sang dumot sa baylo sang akon gugma.
6Magpili ka sing malaut nga tawo sa paghukom sa akon kaaway,
kag ipasumbong sia sa isa sang iya mga kasumpong.
7Kabay nga hukman sia kag masapwan nga nakasala,
kabay nga bisan ang iya pangamuyo kabigon nga sala!
8Kabay#Bin. 1:20. nga mapatay sia sa indi madugay,
kabay nga ang isa ka tawo magakuha sang iya palangakuan!
9Kabay nga ang iya mga kabataan mailo,
kag ang iya asawa mabalo!
10Kabay ang iya kabataan manginmanugpakilimos nga walay paulian,
kabay nga sila pagatabugon gikan#109:10 Ang isa ka dumaan nga pagbadbad pagatabugon gikan; sa Hebreo pagapangitaon. sa mga ginub-an nga ila ginaestaran!
11Kabay ang iya inutangan magbutong sang tanan niya nga mga pagkabutang,
kag ang mga dumoluong magkuha sang iya tanan nga mga pinangabudlayan.
12Kabay nga wala sing may magmaayo sa iya,
kabay nga wala sing may mag-atipan sang iya mga ilo.
13Kabay ang tanan niya nga mga kaliwat magkalamatay,
kag ang iya ngalan malimtan sa madason nga kaliwatan.
14Kabay nga dumdomon sang Ginoo ang kalautan sang iya mga katigulangan,
kag indi gid pagpatawaron ang mga sala sang iya iloy.
15Kabay nga indi pagkalimtan sang Ginoo ang ila mga sala,
pero kabay nga sila mismo malimtan sing bug-os!
16Ina nga tawo wala gid magpanumdom sa pagkaluoy,
kundi ginhingabot niya kag ginpatay
ang mga imol, ang mga nawad-an kag ang mga maluya.
17Naluyag gid sia magpakamalaut, kabay nga pakamalauton sia!
Indi sia luyag magbendisyon, kabay nga wala sing may magbendisyon sa iya!
18Sa masunson nagapakamalaut sia subong sang pagsuksok niya sang iya bayu,
kabay nga ang iya mga pagpakamalaut magapanalupsop sa iya lawas kaangay sang tubig,
kag maglatom sa iya mga tul-an kaangay sang lana!
19Kabay nga maputos sia sini kaangay sang mga bayu,
kag maglikop sa iya pirme kaangay sang paha!
20Kabay manginkaangay sini ang pagsilot sang Ginoo sang akon mga kaaway,
nga nagahambal sing malaut nga mga butang batok sa akon!
21Pero, O Ginoo nga akon Dios, buligi man ako suno sa imo ginsaad,
kag tabangi ako tungod sang kaayo sang imo gugma.
22Imol ako kag nawad-an,
nagakasakit gid ang kadadalman sang akon tagipusoon.
23Madali na lang ako mawala subong sang landong sa kahapunanon,
ginapalid ako kaangay sang sapatsapat.
24Ang akon mga tuhod maluya tungod sang kakulang sang pagkaon,
ang akon lawas maniwang.
25Kon#Mat. 27:39; Mar. 15:29. makita ako sang mga tawo, ginayaguta nila ako,
nagalungolungo sila sang ila mga ulo sa paghikay.
26Buligi ako, O Ginoo nga akon Dios,
luwasa ako tungod sang imo mapinadayunon nga gugma!
27Ipakilala sa akon mga kaaway
nga ikaw ang nagaluwas sa akon, O Ginoo.
28Ayhan pakamalauton nila ako, pero ikaw magabendisyon sa akon.
Kabay malutos ang mga nagahingabot sa akon,#109:28 Ang isa ka dumaan nga padbadbad Kabay malutos ang mga nagahingabot sa akon; sa Hebreo Ginhingabot nila ako kag nalutos sila.
kag kabay ako, nga imo alagad, magkasadya.
29Kabay maputos sang kahuloy-an ang akon mga kaaway,
kabay nga isuklob nila ang ila kahuloy-an subong sang kunop.
30Magapasalamat ako sa Ginoo sa mabaskog nga tingog,
dayawon ko sia sa tunga sang pagtilipon sang mga tawo,
31tungod kay ginaapinan niya ang makaluluoy nga tawo,
sa pagluwas sa iya sa mga nagakondenar sa iya sa kamatayon.
Currently Selected:
Mga Salmo 109: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
