Mateo 16

Ang Pagpangayo sang Isa ka Milagro

(Mar. 8:11-13; Luc. 12:54-56)

1May#Mat. 12:38; Luc. 11:16. mga Fariseo kag mga Saduceo nga nagpalapit kay Jesus. Buot nila tilawan sia, gani nagpangayo sila sa iya nga maghimo sia sang isa ka milagro sa pagpakita nga may gahom sia halin sa Dios. 2Pero si Jesus nagsabat, “Kon magtunod ang adlaw nagasiling kamo, ‘Magaayo ang tiyempo, tungod kay ang langit mapula.’ 3Kag kon aga nagasiling kamo, ‘Magaulan, tungod kay ang langit mapula kag magal-om.’ Sa inyo pagtan-aw sa langit makahibalo kamo sang magaabot nga tiempo, pero indi kamo makahangop sang mga tanda nahanungod sini nga mga panahon.#16:3 Ang iban nga mga manuskrito wala sang mga pulong ni Jesus sa mga bersikulo 2-3. 4Daw#Mat. 12:38; Luc. 11:29. ano kalaut kag ka di-diosnon sang mga tawo sa sini nga mga inadlaw! Nagapangayo bala kamo sa akon sing milagro? Wala sing milagro nga ihatag sa inyo luas sa milagro nga natabo kay Jonas.”

Gani naglakat sia kag ginbayaan sila.

Ang Lebadora sang mga Fariseo kag mga Saduceo

(Mar. 8:14-21)

5Sang pagtabok sang mga gintuton-an sa pihak sang linaw, nalipat sila sa pagdala sing tinapay. 6Nagsiling#Luc. 12:1. si Jesus sa ila, “Mag-andam kag magbantay kamo batok sa lebadora sang mga Fariseo kag mga Saduceo.”

7Kag nagbinaisay sila nga nagasiling, “Naghambal sia sini tungod kay wala kita makadala sing tinapay.”

8Si Jesus nga nakahibalo sang ila ginabaisan, nagpamangkot sa ila, “Ngaa bala nagabinaisay kamo tungod kay wala kamo sing tinapay? Kadiutay sang inyo pagtuo! 9Wala#Mat. 14:17-21. pa bala kamo makahangop? Wala bala kamo makadumdom sang lima ka tinapay nga akon ginpamihakpihak para sa 5,000 ka mga tawo? Pila bala ka alat ang inyo ginpuno? 10Kag#Mat. 15:34-38. yadtong pito ka tinapay para sa 4,000 ka mga tawo? Pila bala ka mga alat ang inyo ginpuno? 11Paano bala nga wala kamo makahangop nga indi nahanungod sa tinapay ang ginhambal ko sa inyo? Mag-andam kamo sa lebadora sang mga Fariseo kag mga Saduceo!”

12Dayon nahangpan sang mga gintuton-an nga wala sia magpaandam sa ila nga magbantay sang ila kaugalingon sa lebadora nga ginagamit sa tinapay, kundi sa pagtulon-an sang mga Fariseo kag mga Saduceo.

Ang Ginpabutyag ni Pedro Nahanungod kay Jesus

(Mar. 8:27-30; Luc. 9:18-21)

13Nagkadto si Jesus sa kadutaan nga malapit sa banwa sang Cesarea Filipo, sa diin nagpamangkot sia sa iya mga gintuton-an, “Sin-o bala ang Anak sang Tawo suno sa mga tawo?”

14Nagsabat#Mat. 14:1-2; Mar. 6:14-15; Luc. 9:7-8. sila, “May nagasiling nga si Juan nga manugbautiso. May iban nga nagasiling nga si Elias, kag may iban pa gid nga nagasiling nga si Jeremias ukon iban nga mga propeta.”

15Nagpamangkot sia sa ila, “Pero sa inyo iya, sin-o bala ako?”

16Si#Juan 6:68-69. Simon Pedro nagsabat, “Ikaw ang Cristo, ang Anak sang Dios nga buhi.”

17Si Jesus nagsabat, “Malipayon ka, Simon nga anak ni Juan! Kay ini nga kamatuoran wala ginpahayag sa imo sang tawo, kundi sang akon Amay sa langit. 18Kag ako nagasiling sa imo, ikaw si Pedro, kag sa sini nga bato pagatukoron ko ang akon iglesia. Bisan ang gahom sang kamatayon indi makadaog sini. 19Ihatag#Mat. 18:18; Juan 20:23. ko sa imo ang mga yabi sang Ginharian sang langit, kag kon ano ang imo ginadumilian sa duta pagadumilian man sa langit, kag kon ano ang imo ginatugotan sa duta pagatugotan man sa langit.”

20Dayon ginmanduan ni Jesus ang iya mga gintuton-an nga indi nila pag-isugid sa kay bisan sin-o nga sia amo ang Cristo.

Si Jesus Naghambal Nahanungod sang Iya Pag-antos kag Kamatayon

(Mar. 8:31–9:1; Luc. 9:22-27)

21Sugod sadto nga tion naghambal si Jesus sing maathag sa iya mga gintuton-an, “Dapat ako magkadto sa Jerusalem kag mag-antos sing tuman sa mga katigulangan sang mga Judio, sa pangulo nga mga pari, kag sa mga manunodlo sang Kasugoan. Pagapatyon ako, pero sa ikatlo nga adlaw pagabanhawon ako.”

22Gindala sia ni Pedro sa ulounhan kag ginsaway nga nagasiling, “Ginoo, ang Dios indi magtugot sini! Indi ina dapat mahanabo sa imo!”

23Nagliso si Jesus kay Pedro kag ginsingganan sia, “Palayo ka sa akon, Satanas! Ginabalabagan mo ang akon alagyan, tungod kay ang imo mga panghunahuna iya sang tawo, kag indi iya sang Dios.”

24Dayon#Mat. 10:38; Luc. 14:27. si Jesus nagsiling sa iya mga gintuton-an, “Ang bisan sin-o nga luyag magsunod sa akon, dapat niya kalimtan ang iya kaugalingon, magpas-an sang iya krus kag magsunod sa akon. 25Kay#Mat. 10:39; Luc. 17:33; Juan 12:25. ang bisan sin-o nga buot magluwas sang iya kaugalingon nga kabuhi madula niya ini, pero ang bisan sin-o nga nagadula sang iya kabuhi bangod sa akon makita niya ini. 26Ano bala ang makuha sang tawo kon maangkon niya ang bug-os nga kalibutan kag madula niya ang iya kabuhi? Wala gid! Wala sing sarang mahatag ang tawo agod mabawi niya ang iya kabuhi. 27Kay#Mat. 25:31; Sal. 62:12; Rom. 2:6. ang Anak sang Tawo madali na lang mag-abot sa daku nga gahom sang iya Amay kaupod sang iya mga anghel, kag dayon magahatag sia sing balos sa tagsa ka tawo suno sa iya mga binuhatan. 28Dumdoma ninyo ini! May iban diri sa inyo nga indi mapatay tubtob nga makita nila ang Anak sang Tawo nga nagaabot subong Hari.”

Currently Selected:

Mateo 16: MBBHIL12

Highlight

Copy