Mateo 17

Ang Pagbalhin sang Dagway ni Jesus

(Mar. 9:2-13; Luc. 9:28-36)

1Sang#2 Ped. 1:17-18. makaligad ang anom ka adlaw, gin-upod ni Jesus si Pedro kag ang mag-utod nga si Santiago kag si Juan, kag nagtaklad sila sa isa ka mataas nga bukid nga silahanon lang. 2Samtang nagatulok sila, nagbalhin ang dagway ni Jesus. Ang iya guya nagsilak subong sang adlaw, kag ang iya bayu nanginmakasililaw nga kaputi. 3Dayon nakita sang tatlo ka mga gintuton-an si Moises kag si Elias nga nagapakighambal kay Jesus. 4Gani si Pedro nagsiling kay Jesus, “Ginoo, maayo gid nga yari kita diri. Kon luyag mo, mahimo ako sing tatlo ka tolda, isa para sa imo, isa para kay Moises, kag ang isa para kay Elias.”

5Sang#Gen. 22:2; Sal. 2:7; Isa. 42:1; Mat. 3:17; 12:18; Mar. 1:11; Luc. 3:22; Deut. 18:15. nagahambal pa sia, ginlikupan sila sang nagasiga nga panganod, kag gikan sa panganod may isa ka tingog nga nagasiling, “Ini amo ang akon hinigugma nga Anak nga nahamut-an ko gid. Pamatii ninyo sia!”

6Sang pagkabati sini sang mga gintuton-an, hinadlukan gid sila kag naghapa sila sa duta. 7Ginpalapitan sila ni Jesus kag gintandog nga nagasiling, “Tindog kamo kag indi magkahadlok!” 8Sang pagtangla nila, wala sila sing iban nga nakita didto, kundi si Jesus lamang.

9Sang pagdulhog nila sa bukid, ginmanduan sila ni Jesus, “Indi kamo magpanugid bisan kay sin-o sang inyo nakita, tubtob nga ang Anak sang Tawo mabanhaw.”

10Dayon#Mal. 4:5. nagpamangkot ang mga gintuton-an sa iya, “Ngaa bala nagasiling ang mga manunodlo sang Kasugoan nga si Elias magauna sa pag-abot?”

11Si#Sir. 48:10. Jesus nagsabat, “Matuod gid nga si Elias magaabot sing una kag magaaman sang tanan nga mga butang. 12Pero#Mat. 11:14. nagasiling ako sa inyo nga si Elias nag-abot na, ugaling kay ang mga tawo wala makakilala sa iya, kundi ginhimo nila sa iya ang tanan nga luyag nila. Sa amo man nga paagi ang Anak sang Tawo pagapaantuson nila.”

13Dayon nahangpan sang mga gintuton-an nga nagahambal sia sa ila nahanungod kay Juan nga manugbautiso.

Gin-ayo ni Jesus ang Bata nga Ginagamhan sang Demonyo

(Mar. 9:14-29; Luc. 9:37-43a)

14Sang pagbalik nila sa madamo nga mga tawo, may isa ka tawo nga nagpalapit kay Jesus, kag nagluhod sa iya atubang 15nga nagasiling, “Sir, kaluoyi ang akon anak nga lalaki. Kuyapon sia kag tama gid ang iya pag-antos sa bagay nga pirme sia nagakatumba sa kalayo ukon sa tubig. 16Gindala ko sia sa imo mga gintuton-an, pero indi sila makaayo sa iya.”

17Si Jesus nagsabat, “Daw ano ka di-matinuohon kag kabalingag sa inyo nga mga tawo! Tubtob san-o pa bala nga magaupod ako sa inyo? Tubtob san-o pa bala ako magabatas sa inyo? Dalha ang bata diri sa akon!” 18Ginmanduan ni Jesus ang demonyo kag naggwa ini sa bata kag sa sadto gid nga tion nag-ayo ang bata.

19Dayon nagpalapit kay Jesus ang mga gintuton-an sang silahanon lang kag nagpamangkot sa iya, “Ngaa indi kami makatabog sang demonyo sa bata?”

20Si#Mat. 21:21; Mar. 11:23; 1 Cor. 13:2. Jesus nagsabat, “Ina tungod kay kulang ang inyo pagtuo. Dumdoma ninyo ini! Kon may pagtuo kamo subong kadako sang liso sang mustasa sarang kamo makasiling sa sini nga bukid, ‘Saylo ka didto!’ kag ini magasaylo. Wala sing butang nga indi ninyo mahimo!#17:20 Ang iban nga mga manuskrito nagadugang sang bersikulo 21: Pero ang pangamuyo kag ang pagpuasa amo lamang ang makatabog sini ang sahi sang demonyo kag wala na gid sing iban(tan-awa ang Mar. 9:29).”

Si Jesus Naghambal liwat Nahanungod sang Iya Kamatayon

(Mar. 9:30-32; Luc. 9:43b-45)

22Sang pagtilipon sang mga gintuton-an sa Galilea, nagsiling si Jesus sa ila, “Ang Anak sang Tawo madali na lang itugyan sa kamot sang mga tawo 23nga magapatay sa iya, pero sa ikatlo nga adlaw pagabanhawon sia.”

Ang mga gintuton-an nagkasubo gid.

Ang Pagbayad sang Buhis sa Templo

24Sang#Exo. 30:13; 38:26. pag-abot ni Jesus kag sang iya mga gintuton-an sa Capernaum, ang mga manugsukot sang buhis sang templo nagpalapit kay Pedro kag nagpamangkot, “Nagabayad man bala ang inyo manunodlo sang buhis sa templo?”

25Nagsabat si Pedro, “Huo, e!”

Sang pagsulod ni Pedro sa balay, nag-una si Jesus hambal, “Sa imo abi, Simon, sin-o bala ang nagabayad sang arkabala ukon buhis sa mga hari sini nga kalibutan? Ang mga pumoluyo bala sang pungsod ukon mga dumoluong?”

26Nagsabat si Pedro, “Ang mga dumoluong.”

Si Jesus nagsiling, “Kon amo nagakahulogan ina nga indi kinahanglan magbayad ang mga pumoluyo. 27Ugaling agod indi sila masaklaw sa aton, kadto ka sa linaw kag magpamunit. Ang una nga isda nga imo mahulik, sa iya baba makita mo ang kwarta nga metal nga tuman ibayad sang imo kag sang akon buhis sa templo. Kuhaa kag ibayad para sa aton buhis.”

Currently Selected:

Mateo 17: MBBHIL12

Highlight

Copy