Lucas 24

Ang Pagkabanhaw

(Mat. 28:1-10; Mar. 16:1-8; Juan 20:1-10)

1Aga pa gid sang nahauna nga adlaw sang simana, ang mga kababayin-an nagkadto sa lulobngan nga may dala nga mga pahamot nga ila ginhanda. 2Nakita nila nga napaligid na ang bato halin sa lulobngan. 3Gani nagsulod sila, pero wala nila makita ang bangkay ni Ginoong Jesus. 4Sang nagapalibog sila nahanungod sini, sa hinali may nagtindog sa tupad nila nga duha ka tawo nga nagasuksok sang bayu nga tama ka silaw. 5Ang mga babayi hinadlukan gid, gani nagdungok sila, samtang ang duha ka tawo nagsiling sa ila, “Ngaa ginapangita ninyo ang buhi sa tunga sang mga minatay? 6Wala#Mat. 16:21; 17:22-23; 20:18-19; Mar. 8:31; 9:31; 10:33-34; Luc. 9:22; 18:31-33. sia diri! Nabanhaw sia! Dumdoma ninyo ang ginsiling niya sa inyo sang didto pa sia sa Galilea: 7‘Ang Anak sang Tawo dapat itugyan sa mga tawo nga makasasala, ilansang nila sia sa krus, kag mabanhaw sia sa ikatlo nga adlaw.’”

8Dayon nadumdoman sang mga babayi ang mga pulong ni Jesus. 9Nagpauli sila halin sa lulobngan kag nagsugid sang tanan nga mga butang sa onse ka mga apostoles kag sa iban pa nga mga sumolunod ni Jesus. 10Ang mga babayi amo sanday Maria Magdalena, Juana, kag Maria nga iloy ni Santiago. Sila kag ang iban pa nga mga babayi nga upod nila nagsugid sining mga butang sa mga apostoles. 11Pero ang mga apostoles naghunahuna nga ang ginpanugid sang mga babayi binuang, kag wala sila magpati sa ila. 12Pero si Pedro nagtindog kag nagdalagan pakadto sa lulobngan. Nagsid-ing sia kag ang iya nakita amo lamang ang mga panapton nga lino kag wala na sing iban. Dayon nagpauli sia nga natingala gid sang nahanabo.#24:12 Ang iban nga mga manuskrito wala nagalakip sini nga bersikulo.

Sa Dalanon pa Emaus

(Mar. 16:12-13)

13Sa sadto gid nga adlaw ang duha sang mga sumolunod ni Jesus nagapakadto sa barangay nga ginatawag Emaus, mga onse ka kilometro halin sa Jerusalem, 14kag nagasugilanon sila nahanungod sang tanan nga mga butang nga nagkahanabo. 15Sang nagahambalanay sila kag nagapamangkutanay, si Jesus mismo nagpalapit kag naglakat upod sa ila. 16Nakita nila sia, pero wala nila sia makilal-i. 17Si Jesus nagpamangkot sa ila, “Ano bala ang ginahambalan ninyo samtang nagalakat kamo?”

Kag nagdulog sila nga nagapangasubo. 18Ang isa sa ila nga ginhingalanan kay Cleopas nagsabat sa iya, “Ikaw lang bala ang bisita sa Jerusalem nga wala gid makahibalo sang mga butang nga nahanabo didto sa sining mga inadlaw?”

19Nagpamangkot sia, “Ano nga mga butang?”

Nagsabat sila, “Ang mga nahanabo kay Jesus nga taga-Nazaret. Ini nga tawo propeta nga gamhanan sa pulong kag sa buhat sa atubang sang Dios kag sang tanan nga mga tawo. 20Ang amon pangulo nga mga pari kag mga manugdumala nagtugyan sa iya agod pamatbatan nga pagapatyon, kag ginlansang nila sia sa krus. 21Kag naglaom kami nga sia amo ang magahilway sang Israel. Wala labot sini tanan, karon ikatlo na nga adlaw halin sang matabo ini. 22Dugang pa sina, may kaupdanan kami nga mga babayi nga nagpatingala sa amon. Nagkadto sila sa lulobngan sing aga pa, 23pero wala nila makita ang iya bangkay. Nagbalik sila nga nagasiling nga nakakita sila sing palanan-awon sang mga anghel nga nagsugid sa ila nga buhi sia. 24May mga kaupdanan kami nga nagkadto sa lulobngan kag nakita nila ang ginsugid sang mga babayi, pero wala nila si Jesus makita.”

25Dayon si Jesus nagsiling sa ila, “Daw ano ka buangbuang sa inyo, kag daw ano kahinay sa inyo sa pagpati sang tanan nga ginhambal sang mga propeta! 26Indi bala kinahanglan nga ang Cristo mag-antos sining mga butang kag ugaling pagahimayaon sia?” 27Kag ginsaysay ni Jesus sa ila ang tanan nga ginhambal sang mga Kasulatan nahanungod sa iya, sugod sa mga libro ni Moises kag sa mga sinulat sang tanan nga mga propeta.

28Sang nagahinampot sila sa barangay nga ila pagakadtuan, nagpakita si Jesus nga daw mapadayon sia sa paglakat, 29pero ginhawiran nila sia nga nagasiling, “Upod ka na lang diri sa amon, kay hapon na ini kag dugaydugay gab-i na.” Gani nagsulod sia sa balay sa pagpabilin upod sa ila. 30Nagpungko sia upod sa ila sa pagkaon, nagkuha sang tinapay, kag nagpasalamat. Dayon ginpamihakpihak niya ang tinapay kag ginhatag ini sa ila. 31Dayon nakamarasmas sila kag nakilala nila sia, pero nadula sia sa ila panulok. 32Nagsinilingay sila, “Indi bala nga nagdabdab kaangay sang kalayo ang aton balatyagon sang nagahambal sia sa aton sa dalanon kag nagsaysay sang mga Kasulatan sa aton?”

33Sa gilayon nagtindog sila kag nagbalik sa Jerusalem sa diin nakita nila ang onse ka mga apostoles nga nagatipon upod sa iban nga mga gintuton-an 34kag nagsiling, “Matuod gid nga ang Ginoo nabanhaw! Nagpakita sia kay Simon!”

35Dayon ang duha nagsaysay sa ila sang nahanabo sa dalanon, kag kon paano nga nakilala nila ang Ginoo sang pagpamihakpihak niya sang tinapay.

Si Jesus Nagpakita sa Iya mga Gintuton-an

(Mat. 28:16-20; Mar. 16:14-18; Juan 20:19-23; Bin. 1:6-8)

36Samtang ang duha nagapanugid sini nga mga butang sa ila, sa hinali nagpakita si Jesus mismo sa tunga nila nga nagatindog kag nagsiling sa ila, “Ang paghidait manginyara sa inyo.”#24:36 Ang iban nga mga manuskrito wala nagalakip sangkag nagsiling sa ila, “Ang paghidait manginyara sa inyo.”

37Hinadlukan kag kinulbaan sila, kay naghunahuna sila nga nakakita sila sang murto. 38Pero nagsiling sia sa ila, “Ngaa bala natublag kamo? Ngaa nagaabot ang pagpangduhaduha sa inyo mga hunahuna? 39Tan-awa ninyo ang akon mga kamot kag mga tiil, kay ako gid ini. Uyati ninyo ako kag mahibal-an ninyo, kay ang espiritu wala sing unod kag mga tul-an subong sang ginatan-aw ninyo nga ako may unod kag tul-an.”

40Sang pagsiling niya sini ginpakita niya sa ila ang iya mga kamot kag mga tiil.#24:40 Ang iban nga mga manuskrito wala nagalakip sini nga bersikulo. 41Napuno gid sila sang kalipay kag katingala nga indi pa gid sila makapati. Gani si Jesus nagpamangkot sa ila, “May pagkaon bala kamo diri?” 42Ginhatagan nila sia sing sinugba nga isda, 43nga iya ginkuha kag ginkaon sa atubang nila. 44Dayon nagsiling sia sa ila, “Amo ini nga mga butang ang ginsiling ko sa inyo sang kaupod pa ako ninyo: ang tanan nga nasulat nahanungod sa akon sa Kasugoan ni Moises, sa mga sinulat sang mga propeta, kag sa mga Salmo dapat nga matuman.”

45Dayon ginbuksan niya ang ila mga hunahuna sa paghangop sang mga Kasulatan. 46Nagsiling sia sa ila, “Amo ini ang nasulat: ang Cristo dapat mag-antos kag mabanhaw sa ikatlo nga adlaw, 47kag sa iya ngalan ang mensahe nahanungod sang paghinulsol kag kapatawaran sang mga sala dapat iwali sa tanan nga mga kapungsoran, sugod sa Jerusalem. 48Kamo ang mga saksi sini nga mga butang. 49Kag#Bin. 1:4. ako akon magapadala sa inyo sang ginsaad sang akon Amay. Pero maghulat kamo sa Jerusalem tubtob nga ang gahom gikan sa ibabaw mag-abot sa inyo.”

Si Jesus Gindala pa Langit

(Mar. 16:19-20; Bin. 1:9-11)

50Dayon#Bin. 1:9-11. gindala niya sila sa gwa sang siudad tubtob sa Betania sa diin ginbayaw niya ang iya mga kamot kag ginbendisyunan sila. 51#Sir. 50:20.Samtang nagabendisyon sia sa ila, nagbulag sia sa ila kag gindala sia pa langit.#24:51 Ang iban nga mga manuskrito wala nagalakip sang kag gindala sia pa langit. 52Nagsimba sila sa iya kag nagbalik sila sa Jerusalem nga puno sang daku nga kalipay, 53kag didto sila pirme sa Templo nga nagapasalamat sa Dios.

Currently Selected:

Lucas 24: MBBHIL12

Highlight

Copy