MATEO 5

Nagwali si Jesus Didto sa Bungtod

(Luc. 6:20-23)

1Sa pagkakita niya sa mga panon sa katawhan, mitungas siya sa bungtod, ug sa nakalingkod na siya, ang iyang mga tinun-an miduol kaniya. 2Unya misugod siya sa pagtudlo kanila nga nag-ingon:

3“Bulahan ang mga kabos sa espiritu kay ila ang gingharian sa langit.

4 # Isa. 61:2. “Bulahan ang mga masulob-on kay sila lipayon.

5 # Sal. 37:11. “Bulahan ang mga maaghop kay maila ang yuta.

6 # Isa. 55:1-2. “Bulahan ang mga gigutom ug giuhaw sa katarong kay sila tagbawon.

7“Bulahan ang mga maluluy-on kay sila kaluy-an.

8 # Sal. 24:3-4. “Bulahan ang mga putli ug kasingkasing kay makakita sila sa Dios.

9“Bulahan ang mga naninguha nga adunay pakigdait, kay sila tawgon nga mga anak sa Dios.

10 # 1 Ped. 3:14. “Bulahan ang mga gilutos tungod sa pagkamatarong kay ila ang gingharian sa langit.

11 # 1 Ped. 4:14. “Bulahan kamo sa diha nga panamastamasan kamo sa mga tawo, lutoson ug butangbutangan sa tanang matang sa kadaotan tungod kanako. 12#2 Cron. 36:16; Buh. 7:52. Pagmaya ug paglipay kamo kay dako ang inyong ganti didto sa langit, kay sa ingon niini gilutos sa mga tawo ang mga propeta nga nag-una kaninyo.

Asin ug Kahayag

13 # Mar. 9:50; Luc. 14:34-35. “Kamo mao ang asin sa yuta apan kon ang asin kawad-an sa iyang lami, unsaon pa man sa pagpabalik sa kaparat niini? Kini wala na gayoy kapuslanan ug angay na lang kining isalibay sa gawas aron tunobtunoban sa mga tawo.

14 # Juan 8:12; 9:5. “Kamo mao ang kahayag sa kalibotan. Ang siyudad nga mahimutang sa ibabaw sa bungtod dili gayod matago. 15#Mar. 4:21; Luc. 8:16; 11:33. Ang mga tawo dili usab magdagkot ug suga aron ibutang kini sa ilalom sa gantangan kondili sa ibabaw sa tungtonganan ug kini moiwag kanilang tanan nga anaa sa sulod sa balay. 16#1 Ped. 2:12. Busa pasigaa ang inyong kahayag sa atubangan sa mga tawo aron makita nila ang inyong mga maayong buhat ug dayegon nila ang inyong Amahan nga atua sa langit.

Pagtulun-an Mahitungod sa Balaod

17“Ayaw kamo paghunahuna nga mianhi ako aron sa pagsalikway sa Balaod o sa mga Propeta. Wala ako moanhi sa pagsalikway kondili sa pagtuman niini. 18#Luc. 16:17. Kay sa pagkatinuod, sultihan ko kamo, hangtod nga mahanaw ang langit ug ang yuta, wala gayoy bisan usa na lang ka kudlit o usa ka tulbok nga sayloan diha sa Balaod hangtod nga ang tanan matuman. 19Tungod niini, si bisan kinsa nga maglapas bisan sa labing gamay niining mga sugo ug magtudlo sa mga tawo sa pagbuhat sa ingon, kini siya isipon nga iwit didto sa gingharian sa langit apan si bisan kinsa nga magbuhat ug magtudlo niini, siya isipon nga dako didto sa gingharian sa langit. 20Kay sultihan ko kamo, kon ang inyong pagkamatarong dili molabaw sa ila sa mga eskriba ug sa mga Pariseo, dili gayod kamo makasulod sa gingharian sa langit.

Pagtulun-an Mahitungod sa Kasuko

(Luc. 12:57-59)

21 # Ex. 20:13; Deut. 5:17. “Kamo nakadungog nga ang mga tawo sa kanhang panahon giingnan, ‘Ayaw pagpatay ug si bisan kinsa nga makapatay mahiagom sa hukom.’ 22Apan sultihan ko kamo nga si bisan kinsa nga masuko batok sa iyang igsoon,#5:22 igsoon: Ang ubang karaang sinulat nagdugang ug, bisan walay hinungdan. mahiagom sa hukom, ug si bisan kinsa nga moingon, ‘Kuwanggol ka!’ manubag ngadto sa Sanhedrin, ug si bisan kinsa nga moingon, ‘Buang ka!’ mahiagom sa kalayo sa imperno. 23Busa kon ikaw magdala sa imong halad ngadto sa halaran, ug didto mahinumdom ikaw nga ang imong igsoon may kasuko batok kanimo, 24biyai ang imong halad sa atubangan sa halaran, unya adtoa una ang imong igsoon ug pakig-uli kaniya, unya balik ug ihalad ang imong halad. 25Pakighigala dayon sa imong magsusumbong samtang nagkuyog pa kamo sa dalan kay tingali unya ug itugyan ikaw sa imong magsusumbong ngadto sa maghuhukom ug ang maghuhukom magtugyan kanimo ngadto sa bantay ug bilanggoon ikaw. 26Sa pagkatinuod, sultihan ko ikaw nga dili ka gayod makagula gikan didto hangtod nga mabayran na nimo ang kataposang sensilyo.#5:26 SENSILYO: Sa Grego, kodrantes. Kini mibili ug 1/64 sa usa ka adlawng suhol sa usa ka mamumuo.

Pagtulun-an Mahitungod sa Pagpanapaw

27 # Ex. 20:14; Deut. 5:18. “Nakadungog kamo sa giingon, ‘Ayaw panapaw.’ 28Apan sultihan ko kamo nga ang tanan nga motan-aw ug babaye uban ang kaulag, nakapanapaw na kaniya diha sa sulod sa iyang kasingkasing. 29#Mat. 18:9; Mar. 9:47. Busa kon ang imong tuo nga mata mao ang makaingon sa imong pagpakasala, lugita ug isalibay kini kay maayo pa nga mawad-an ikaw ug usa ka bahin sa imong lawas kay sa ibanlod ang tibuok nimong lawas ngadto sa imperno. 30#Mat. 18:8; Mar. 9:43. Ug kon ang imong tuo nga kamot mao ang makaingon sa imong pagpakasala, putla ug isalibay kini kay maayo pa nga mawad-an ikaw ug usa ka bahin sa imong lawas kay sa itambog ang tibuok nimong lawas ngadto sa imperno.

Pagtulun-an Mahitungod sa Pakigbulag

31 # Deut. 24:1-4; Mat. 19:7; Mar. 10:4. “Giingon usab, ‘Si bisan kinsa nga mobulag sa iyang asawa, kinahanglang mohatag ug sulat sa pakigbulag.’ 32#Mat. 19:9; Mar. 10:11-12; Luc. 16:18; 1 Cor. 7:10-11. Apan sultihan ko kamo nga si bisan kinsa nga mobulag sa iyang asawa, gawas lamang kon kini nagluib kaniya, nagtukmod kaniya sa pagpanapaw, ug ang mangasawa sa usa ka babayeng binulagan nakapanapaw.

Pagtulun-an Mahitungod sa Panumpa

33 # Lev. 19:12; Num. 30:2; Deut. 23:21. “Nakadungog usab kamo nga ang mga tawo sa unang panahon giingnan, ‘Ayaw panumpa ug bakak kondili tumana ang imong gipanumpa ngadto sa Ginoo. 34#San. 5:12; Isa. 66:1; Mat. 23:22. Apan sultihan ko kamo, ayaw gayod kamo panumpa, bisan pinaagi sa langit kay kini mao ang trono sa Dios, 35#Isa. 66:1; Sal. 48:2. o bisan pinaagi sa yuta kay kini mao ang tumbanan sa iyang mga tiil, o bisan pinaagi sa Jerusalem kay kini mao ang siyudad sa dakong Hari, 36o bisan pinaagi sa imong ulo kay dili ikaw makapaputi o makapaitom sa bisan usa ka lugas nga buhok. 37Himoa nga ang inyong isulti ‘Oo’ Kon ‘Oo’, ‘Dili’ kon ‘Dili’, kay bisan unsa nga kapin niini naggikan sa daotan.

Pagtulun-an Mahitungod sa Panimalos

(Luc. 6:27-36)

38 # Ex. 21:24; Lev. 24:20; Deut. 19:21. “Nakadungog kamo nga kini giingon, ‘Mata bayrag mata ug ngipon bayrag ngipon.’ 39Apan sultihan ko kamo, ayaw ninyo balosi ang daotan. Apan kon may mosagpa kanimo sa tuo nimong aping, itaon kaniya ang pikas usab, 40ug kon may buot mokiha kanimo ug moilog sa imong bisti, ihatag pa gayod kaniya ang imong kupo, 41ug kon may mopugos kanimo sa pagpauban kaniya ug usa ka milya, ubani siya ug duha ka milya.#5:41 MILYA: Tan-awa sa Listahan sa mga Sukod. 42Hatagi ang nagpakilimos kanimo ug ayaw balibari ang buot mohulam kanimo.

Gugma Alang sa mga Kaaway

43“Nakadungog kamo nga kini giingon, ‘Higugmaa ang imong silingan ug dumti ang imong kaaway.’ 44Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo 45aron mahimo kamong mga anak sa inyong Amahan nga anaa sa langit, kay siya nagpasubang sa iyang adlaw ngadto sa mga tawong daotan ug sa mga maayo ug nagpadala siya ug ulan ngadto sa mga matarong ug sa mga dili matarong. 46Kay kon kamo nahigugma sa mga nahigugma kaninyo, unsa may ganti nga madawat ninyo? Dili ba ang mga tigpaningil ug buhis nagbuhat man sa ingon? 47Ug kon mao ray inyong yukboan ang inyong mga kaigsoonan, unsa may inyong nahimo nga labaw pa kay sa uban? Dili ba ang mga Gentil nagbuhat man sa ingon? 48#Lev. 19:2; Deut. 18:13. Busa kinahanglang magmahingpit kamo ingon nga hingpit ang inyong Amahan nga langitnon.

Currently Selected:

MATEO 5: ABCEB

Highlight

Copy