MATEO 16

Gipangayo ang Usa ka Ilhanan

(Mar. 8:11-13; Luc. 12:54-56)

1 # Mat. 12:38; Luc. 11:16. Unya nangabot ang mga Pariseo ug mga Saduceo, ug aron sa pagsulay kang Jesus, ilang gihangyo siya sa pagpakita kanila ug ilhanan gikan sa langit. 2Ug kanila mitubag siya nga nag-ingon, “Inigkakilomkilom kamo moingon, ‘Linaw ugma kay pula ang langit.’ 3Ug inigkabuntag kamo moingon, ‘Mounos karon kay ang langit pula ug nanag-om.’ Makamao tuod kamong mohubad sa dagway sa kalangitan apan dili kamo makahubad sa mga ilhanan sa kapanahonan.#16:2b-3 Inigkakilomkilom…kapanahonan: Ang ubang karaang sinulat wala maglakip niini. 4#Mat. 12:39; Luc. 11:29. Ang katawhan nga daotan ug maluibon sa Dios mangita gayod ug ilhanan apan walay laing ilhanan nga ihatag kanila gawas sa ilhanan nga nahitabo kang Jonas.” Ug siya mibiya kanila ug milakaw.

Ang Patubo sa Pan sa mga Pariseo ug sa mga Saduceo

(Mar. 8:14-21)

5Sa pagtabok sa mga tinun-an ngadto sa pikas nga daplin, nalimtan nila ang pagdala ug pan. 6#Luc. 12:1. Unya si Jesus miingon kanila, “Bantayi ug likayi ninyo ang patubo sa pan nga ila sa mga Pariseo ug sa mga Saduceo.” 7Ug naghisgothisgot sila niini diha sa ilang kaugalingon nga nag-ingon, “Wala kita makadala ug pan.” 8Apan si Jesus nga nahibalo niini, miingon, “O mga tawong gagmay ug pagtuo, nganong naghisgot man kamo diha sa inyong kaugalingon nga wala kamoy pan? 9#Mat. 14:17-21. Dili pa ba gihapon kamo makasabot? Wala ba kamo mahinumdom sa lima ka pan alang sa lima ka libo ug kon pila ka bukag ang mga salin nga inyong nahipos? 10#Mat. 15:34-38. O sa pito ka pan alang sa upat ka libo, ug kon pila ka bukag ang mga salin nga inyong nahipos? 11Nganong wala man kamo makasabot nga ako wala maghisgot mahitungod sa pan? Likayi ninyo ang patubo sa mga Pariseo ug sa mga Saduceo.” 12Unya nakasabot na sila nga wala diay siya magsulti kanila sa paglikay sa patubo sa pan kondili nga ilang likayan ang pagtulun-an sa mga Pariseo ug sa mga Saduceo.

Ang Pahayag ni Pedro Mahitungod kang Jesus

(Mar. 8:27-30; Luc. 9:18-21)

13Sa pag-abot ni Jesus sa kayutaan sa Cesarea Filipo, gipangutana niya ang iyang mga tinun-an nga nag-ingon, “Sumala sa sulti sa mga tawo, kinsa man ang Anak sa Tawo?” 14#Mat. 14:1-2; Mar. 6:14-15; Luc. 9:7-8. Ug sila miingon, “Ang uban nag-ingon nga si Juan nga Tigbautismo, ang uban nag-ingon nga si Elias, ug ang uban, si Jeremias o usa sa mga propeta.” 15Siya miingon kanila, “Apan kamo, unsa may inyong isulti, kinsa man ako?” 16#Juan 6:68-69. Si Simon Pedro, mitubag nga nag-ingon, “Ikaw mao ang Cristo, ang Anak sa buhing Dios.” 17Kaniya mitubag si Jesus nga nag-ingon, “Bulahan ikaw, Simon, anak ni Jonas! Kay dili unod ug dugo ang nagpadayag kanimo niini, kondili ang akong Amahan nga anaa sa langit. 18Ug sultihan ko ikaw, nga ikaw mao si Pedro#16:18 PEDRO: Sa Grego nagkahulogan ug bato. ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini. 19#Mat. 18:18; Juan 20:23. Ihatag nako kanimo ang mga yawi sa gingharian sa langit ug bisan unsay imong bugkoson dinhi sa yuta, didto sa langit ilhon kini nga binugkos ug bisan unsay imong luagan dinhi sa yuta, didto sa langit ilhon kini nga linuagan.” 20Unya sa hugot gipahimangnoan niya ang mga tinun-an nga sila dili manugilon kang bisan kinsa nga siya mao ang Cristo.

Gipasidaan ni Jesus ang Iyang Kamatayon

(Mar. 8:31–9:1; Luc. 9:22-27)

21Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon. 22Ug gidala siya ni Pedro sa daplin ug gibadlong nga nag-ingon, “Ipalayo kana, Ginoo! Dili gayod kini mahitabo kanimo.” 23Apan miliso siya ug miingon kang Pedro, “Pahawa sa akong atubangan, Satanas! Ikaw usa ka babag alang kanako kay ang imong gihunahuna dili ang mga butang nga iya sa Dios kondili ang mga butang nga iya sa mga tawo.”

24 # Mat. 10:38; Luc. 14:27. Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako. 25#Mat. 10:39; Luc. 17:33; Juan 12:25. Kay si bisan kinsa nga buot moluwas sa iyang kinabuhi, mawad-an hinuon niini ug bisan kinsa nga mawad-an sa iyang kinabuhi tungod kanako, makakaplag niini. 26Kay unsa may kapuslanan alang sa usa ka tawo kon maangkon niya ang tibuok kalibotan apan kawad-an sa iyang kinabuhi? O unsa may ikahatag sa tawo ingon nga bugti sa iyang kinabuhi? 27#Mat. 25:31; Sal. 62:12; Rom. 2:6. Kay ang Anak sa Tawo moanhi uban sa iyang mga anghel, diha sa himaya sa iyang Amahan, ug unya gantihan niya ang matag usa sumala sa iyang mga binuhatan. 28Sa pagkatinuod, sultihan ko kamo nga sa mga nagbarog karon dinhi, adunay pipila nga dili pa makatilaw sa kamatayon hangtod nga makita nila ang Anak sa Tawo nga moabot diha sa iyang gingharian.”

Currently Selected:

MATEO 16: ABCEB

Highlight

Copy