LUCAS 10

Ang Kapitoan Gipadala

1Human niini ang Ginoo nagpili ug lain pang kapitoan,#10:1 kapitoan: Sa ubang karaang sinulat, kapitoan ug duha. ug gisugo sila sa pag-una kaniya nga nagtinagurha ngadto sa tanang lungsod ug dapit nga iyang adtoon. 2#Mat. 9:37-38. Ug siya miingon kanila, “Daghan ang anihonon apan diyotay ra ang mga mangangani busa pag-ampo kamo sa Ginoo sa anihonon nga magpadala unta siya ug mga mangangani ngadto sa iyang anihonon. 3#Mat. 10:16. Panglakaw kamo. Paadtoon ko kamo nga daw mga nating karnero taliwala sa mga lobo. 4#Mat. 10:7-14; Mar. 6:8-11; Luc. 9:3-5. Ayaw kamo pagdala ug sudlanan sa salapi o bag, o mga sandalyas, ug ayaw kamo paghunong aron sa pagtagad kang bisan kinsa diha sa dalan. 5Ngadto sa bisan unsang balay nga inyong sudlan, ingna una ninyo, ‘Ang kalinaw maania niining balaya!’ 6Ug kon anaa may anak sa kalinaw, ang inyong kalinaw magpabilin diha kaniya apan kon wala man, kini mobalik ra kaninyo. 7#1 Cor. 9:14; 1 Tim. 5:18. Ug pabilin kamo sa mao gihapon nga balay nga mokaon ug moinom sa ilang ihatag kaninyo, kay ang mamumoo angay gayod sa pagdawat sa iyang suhol. Ug ayaw kamo pagbalhinbalhin ug balay. 8Sa diha nga mosulod kamo ug usa ka lungsod ug sila modawat kaninyo, kaon kamo sa bisan unsa nga ilang idulot kaninyo. 9Ayoha ninyo ang mga masakiton didto ug ingna sila, ‘Ang gingharian sa Dios nagkaduol na#10:9 nagkaduol na o anaa na. kaninyo.’ 10#Buh. 13:51. Apan sa diha nga mosulod kamo sa usa ka lungsod ug sila dili modawat kaninyo, adto kamo sa kadalanan niini ug ingna ninyo, 11‘Bisan pa ang abog sa inyong lungsod nga mitapot sa among mga tiil, kini among paphaon batok kaninyo. Apan hibaloi kini, nga ang gingharian sa Dios nagkaduol na.”#10:11 nagkaduol na o ania na. 12#Gen. 19:24-28; Mat. 11:24; Mat. 10:15. Sultihan ko kamo nga arang-arang pa unya niadtong adlawa alang sa Sodoma kay sa maong lungsod.

Mga Panghimaraot Batok sa mga Siyudad nga Dili Mahinulsolon

(Mat. 11:20-24)

13 # Isa. 23:1-18; Ezek. 26:1–28:26; Joel 3:4-8; Amos 1:9-10; Zac. 9:2-4. “Alaot ka, Corazin! Alaot ka, Betsaida! Kay kon ang mga milagro nga nangahimo diha kaninyo nahimo pa didto sa Tiro ug sa Sidon, dugay ra unta silang naghinulsol, ug naglingkod nga nagsul-ob ug sako ug nagbubo ug abo. 14Apan sa adlaw sa paghukom, arang-arang pa unya ang kahimtang sa Tiro ug sa Sidon kay kaninyo. 15#Isa. 14:13-15. Ug ikaw, Capernaum,

ituboy ka ba ngadto sa langit?

Manaog#10:15 Manaog: Sa ubang karaang sinulat, Itambog. ka hinuon ngadto sa Hades.

16 # Mat. 10:40; Mar. 9:37; Luc. 9:48; Juan 13:20. “Ang namati kaninyo namati kanako, ug ang nagsalikway kaninyo nagsalikway kanako, ug ang nagsalikway kanako nagsalikway kaniya nga nagpadala kanako.”

Ang Pagbalik sa Kapitoan

17Unya ang 70#10:17 70: Sa ubang karaang sinulat, 72. mibalik nga malipayon, nga nag-ingon, “Ginoo, bisan pa gani ang mga demonyo mipatuo kanamo tungod sa imong ngalan!” 18Ug si Jesus miingon kanila, “Nakita nako si Satanas nga nahulog sama sa kilat gikan sa langit. 19#Sal. 91:13. Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo. 20Apan ayaw kamo paglipay niini nga ang mga espiritu mipatuo kaninyo, ikalipay hinuon ninyo nga ang inyong mga ngalan nasulat sa kalangitan.”

Si Jesus Nalipay

(Mat. 11:25-27; 13:16-17)

21Niadtong maong higayon si Jesus nalipay diha sa Espiritu Santo ug miingon, “Nagpasalamat ako kanimo, Amahan, Ginoo sa langit ug sa yuta, nga imong gitago kining mga butanga gikan sa mga maalamon ug sa mga hait ug salabotan, ug gipadayag nimo ngadto sa mga masusong bata. Oo, Amahan, kay kana mao ang imong maluluy-ong pagbuot. 22#Juan 3:35; Juan 10:15. Ang tanang mga butang gitugyan nganhi kanako sa akong Amahan ug walay nakaila kon si kinsa ang Anak gawas sa Amahan, o si kinsa ang Amahan gawas sa Anak ug ni bisan kinsa nga gipili sa Anak aron iyang padayagan.”

23Unya sa iyang pagliso ngadto sa mga tinun-an, siya miingon kanila nga silasila ra, “Bulahan ang mga mata nga nakakita sa inyong nakita! 24Kay sultihan ko kamo nga daghan ang mga propeta ug mga hari nga nagtinguha sa pagtan-aw unta sa inyong nakita, apan wala makakita niini, ug sa pagpamati unta sa inyong nadunggan apan wala sila makabati niini.”

Ang Maayong Samarianhon

25 # Mat. 22:35-40; Mar. 12:28-34. Unya dihay usa ka batid sa Balaod nga mitindog aron sa pagsulay kaniya nga nag-ingon, “Magtutudlo, unsa may akong buhaton aron makapanunod ako sa kinabuhing dayon?” 26Si Jesus miingon kaniya, “Unsa may nasulat diha sa Balaod? Unsa may imong nabasa?” 27#Deut. 6:5; Lev. 19:18. Ug siya mitubag, “Higugmaa ang Ginoo nga imong Dios sa tibuok nimong kasingkasing ug sa tibuok nimong kalag ug sa tibuok nimong kusog ug sa tibuok nimong hunahuna, ug ang imong silingan sama sa imong kaugalingon.” 28#Lev. 18:5. Ug si Jesus miingon kaniya, “Husto ang imong pagtubag, buhata kini ug mabuhi ka.

29Apan siya nga nagtinguha sa pagmatarong sa iyang kaugalingon, miingon kang Jesus, “Ug kinsa man ang akong silingan?” 30Si Jesus mitubag, “May usa ka tawo nga milugsong gikan sa Jerusalem paingon sa Jerico, ug nahulog ngadto sa mga kamot sa mga tulisan, nga mihubo ug mibun-og kaniya ug unya milakaw, gibiyaan siya nga himatyon. 31Ug naatol nga may pari nga miagi niadtong dalana. Ug sa iyang pagkakita sa tawo, didto siya miagi sa pikas. 32Mao man usab ang usa ka Levihanon, sa pag-abot niya sa maong dapit ug sa pagkakita sa tawo, didto usab siya moagi sa pikas. 33#2 Cron. 28:15. Apan ang usa ka Samarianhon, sa iyang pagpanaw, miabot sa nahimutangan sa tawo ug sa iyang pagkakita kaniya, naluoy siya. 34Ug siya miduol kaniya ug gibugkosan ang iyang mga samad, gibuboan ug lana ug bino, unya iyang gipasakay sa iyang hayop ug gidala siya ngadto sa usa ka balay abotanan, ug giatiman niya siya. 35Ug sa pagkasunod adlaw mikuha siya ug duha ka denario ug gihatag kini sa tag-iya sa balay abotanan ug miingon, ‘Atimana siya ug bisan pilay sobra nga imong magasto bayran ko lang unya ikaw sa akong pagbalik.’ 36Karon, sa imong paghunahuna, hain man niining tulo ang nagpakita nga silingan sa tawo nga nahulog ngadto sa mga kamot sa mga tulisan?” 37Siya mitubag, “Kadtong nagpakita ug kaluoy.” Ug si Jesus miingon kaniya, “Lakaw ug buhata usab kana.”

Miduaw si Jesus kang Marta ug Maria

38 # Juan 11:1. Sa nagpadayon sila sa ilang paglakaw, misulod siya sa usa ka balangay, ug usa ka babaye nga ginganlan ug Marta midawat kaniya sa iyang balay. 39Ug siya may igsoong babaye nga ginganlan ug Maria nga milingkod usab sa tiilan sa Ginoo ug namati sa iyang gitudlo. 40Apan si Marta nga nagkapuliki sa kadaghan sa iyang buhat sa pagsilbi miduol kang Jesus ug miingon kaniya, “Ginoo, dili ka ba lang magtagad nga ako gipasagdan sa akong igsoon nga mao ray magsilbi? Busa ingna siya nga motabang kanako.” 41Apan ang Ginoo mitubag kaniya, “Marta, Marta, naguol ug nasamok ikaw sa daghang mga butang. 42Apan usa lamang ka butang ang gikinahanglan.#10:42 Apan usa…gikinahanglan: Sa ubang karaang sinulat, Apan pipila lamang ka butang ang gikinahanglan, o usa lamang. Nakapili si Maria sa maayong bahin nga dili na makuha gikan kaniya.”

Currently Selected:

LUCAS 10: ABCEB

Highlight

Copy