ISAIAS 55
55
Ang Tanyag sa Ginoo
1 #
Pin. 21:6; 22:17. “Kamong tanan nga giuhaw,
dali ngari sa katubigan;
ug siya nga walay salapi,
dali, palit, ug kaon!
Dali, palit ug bino ug gatas
nga walay salapi ug walay bayad.
2Nganong maggasto man kamo sa inyong salapi alang sa dili pan,
ug sa inyong hinagoan alang niadtong dili makatagbaw?
Pamati kamo pag-ayo kanako,
ug kaona unsay maayo,
ug palipaya ang inyong kaugalingon diha sa katambok.
3 #
Buh. 13:34. Ikiling ang imong igdulungog ug ngari kanako;
pamati ug ang imong kalag mabuhi;
ug ako magbuhat ug usa ka walay kataposang kasabotan uban kaninyo,
ang akong walay paglubad ug kasaligan nga gugma alang kang David.
4Tan-awa, gihimo nako siya nga usa ka saksi ngadto sa mga katawhan,
usa ka pangulo ug tigmando alang sa mga katawhan.
5Tan-awa, ikaw magtawag ug mga nasod nga wala nimo mailhi,
ug ang mga nasod nga wala makaila kanimo modagan nganha kanimo,
tungod sa Ginoo nga imong Dios, ug tungod sa Balaan sa Israel,
kay siya naghimaya kanimo.
6“Pangitaa ang Ginoo samtang makaplagan pa siya,
sangpita siya samtang anaa pa siya sa duol;
7pabiyaa sa daotan sa iyang dalan,
ug ang tawo nga dili matarong sa iyang mga hunahuna;
ug pabalika siya sa Ginoo, aron siya maluoy kaniya,
ug sa atong Dios, kay siya mopasaylo sa madagayaon gayod.
8Kay ang akong mga hunahuna dili mao ang inyong mga hunahuna,
o ang inyong mga pamaagi akong mga pamaagi, nag-ingon ang Ginoo.
9Kay ingon nga ang kalangitan habog kay sa yuta,
mao usab ang akong mga pamaagi habog kay sa inyong mga pamaagi,
ug ang akong mga hunahuna kay sa inyong mga hunahuna.
10 #
2 Cor. 9:10. “Kay ingon nga ang ulan ug ang yelo#55:10 yelo Sa Hebreo, snow. mangahulog gikan sa langit,
ug dili na mobalik didto, apan mopatubig sa yuta,
maghimo niini nga manurok ug mamutot,
maghatag ug binhi ngadto sa mga tigpugas ug pan ngadto sa mokaon,
11mao usab ang akong pulong nga mogula gikan sa akong baba;
kini dili mobalik kanako nga kawang,
apan kini magtuman sa akong katuyoan,
ug magpauswag sa butang nga tungod niini kini akong gipadala.
12“Kay kamo manggula diha sa kalipay,
ug mandoan diha sa pakigdait;
ang kabukiran ug ang kabungtoran sa imong atubangan
manghugyaw sa pag-awit,
ug ang tanang kakahoyan sa kapatagan mopakpak sa ilang mga kamot.
13Inay mga tunok sipre ang motubo;
inay mga sampinit mirto ang motubo;
ug kini mahimong usa ka handomanan sa Ginoo, alang sa usa ka walay kataposan
nga timaan nga dili gayod mapapas.”
Currently Selected:
ISAIAS 55: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
