HOSEA 12
12
Ang Israel ug ang Juda Gihukman
1Ang Efraim nagdakop sa hangin
ug naggukod sa hangin sa silangan sa tibuok adlaw;
sila nagpadaghan sa kabakakan ug sa kabangis;
sila nakigsabot sa Asiria,
ug ang lana gidala ngadto sa Ehipto.
2Ang Ginoo adunay mulo batok sa Juda,
ug magsilot kang Jacob sumala sa iyang mga pamaagi,
ug magbalos kaniya sumala sa iyang mga binuhatan.
3 #
Gen. 25:26. Diha sa tagoangkan gikuha niya ang iyang igsoong lalaki pinaagi sa kiting,
ug sa iyang kusog siya nakigbisog sa Dios.
4 #
Gen. 32:24-26. Siya nakigbisog sa anghel ug midaog,
siya mihilak ug nangaliyupo sa iyang kaayo.
Gikatagbo niya ang Dios didto sa Betel
ug didto nakigsulti siya kaniya,#12:4 kaniya: Sa Hebreo, kanato. #Gen. 28:10-22.
5Ang Ginoo, ang Dios sa mga panon,
Yahweh mao ang iyang ngalan!
6Busa ikaw, balik sa imong Dios,
hupti ang gugma ug hustisya
ug paghulat nga mapadayonon alang sa imong Dios.
7Ang usa ka tigpatigayon, nga sa iyang mga kamot anaa ang limbongan nga timbangan,
nahigugma sa pagdaogdaog.
8Ang Efraim miingon, “Apan dato ako,
ako nakaangkon ug katigayonan alang sa akong kaugalingon”;
apan ang iyang katigayonan dili makahulip
sa sala nga iyang nabuhat.#12:8 apan…nabuhat: Ang Hebreo niini lisod sabton.
9 #
Lev. 23:42-43. Ako mao ang Ginoo nga imong Dios
gikan sa yuta sa Ehipto;
papuy-on ko na usab ikaw sa mga tolda,
ingon sa mga adlaw sa gitakdang kasaulogan.
10Nakigsulti ako sa mga propeta;
ako ang nagpadaghan sa mga panan-awon,
ug pinaagi sa mga propeta naghatag ako ug mga sambingay.
11Ang Gilead adunay sala,
sila mosangpot gayod sa pagkawalay pulos.
Kon didto sa Gilgal naghalad sila ug mga laking baka,
ang ilang mga halaran usab mahisama sa mga tinapok nga bato
didto sa mga tudling sa kaumahan.
12 #
Gen. 29:1-20. Si Jacob mikagiw ngadto sa yuta sa Aram,
didto si Israel nag-alagad aron makapangasawa,
ug aron makapangasawa nag-atiman siya sa mga karnero.
13 #
Ex. 12:50-51. Pinaagi sa usa ka propeta gidala sa Ginoo si Israel gikan sa Ehipto,
ug pinaagi sa usa ka propeta siya giluwas.
14Ang Efraim naghatag ug hilabihan nga pagpasuko,
busa ang iyang Ginoo magbilin sa sala sa dugo nganha kaniya
ug magpabalik nganha kaniya sa iyang kaulawan.
Currently Selected:
HOSEA 12: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
