Mariko 15

Ikelo Yesu ruwaŋ Pilato

(Mat 27:1-2,11-14; Luk 23:1-5; Yoh 18:28-38)

1Odikin worwor, jotel pa jocway ri Were i wi migam, kodi jotel pa ji, kodi jondiko, kodi jopido gibe, joyiko paro kanyacel. Jotweyo Yesu gi lijegere to jotero go ruwaŋ Pilato. 2Pilato openjo go ni, “Iŋat'ibedo Kere pa Joyuda?” Yesu odwoko go ni, “Eno iwaco.” 3Jotel pa jocway ri Were i wi migam joosa Yesu gi wac mathoth swa. 4To Pilato penjo go kendo ni, “Ingoye gi radwok? Winji kweth wac ma ji jokelo kwoŋin.” 5Yesu odoko okwero dwoko kada wac acel, aka Pilato ouro tektek.

Ithumo ri Yesu banja ma tho

(Mat 27:15-26; Luk 23:13-25; Yoh 18:39—19:16)

6I ndelo madwoŋ ma kalima ma Kadho je, Pilato yado omaro gonyo jatwec moro je ma ji jokwayo. 7I hongo no jal m'ilwoŋo ni Baraba onwaŋo nitie i twec kanyacel gi jom'ogwenyere kwoŋ adhum ma joneko kiri ji i lweny pajo. 8Munyo lwak ji jocokere aka jocako kwayo Pilato ni wogonyi rijo jatwec acel paka omaro timo, 9Pilato openjo jo ni, “Wimito agony riwin Kere pa Joyuda?” 10Ato go oyido oŋeyo maber ni jotel pa jocway ri Were i wi migam ama jokelo go bonge ro nyeko pajo. 11To jotel no jocuno ji, kucel jodhiro ji ni jowokway Pilato wogonyi rijo Baraba ayino. 12Pilato odoko openjo lwak ji ni, “To wiyenyo atim aŋo gi ŋata wilwoŋo ni Kere pa Joyuda me?” 13Jokoko ni, “Gur go kwoŋ musalaba!” 14Pilato openjo jo ni, “To raco aŋo ma go otimo won?” Jomedo koko ni, “Gur go kwoŋ musalaba ayin!” 15Pilato omito kisangala lwak ji, am'omiyo ogonyo rijo Baraba. To oro jo cwado Yesu, to yeyo jo guro go kwoŋ musalaba.

Jolweny jonyero Yesu

(Mat 27:27-31; Yoh 19:2-3)

16Jolweny jotero Yesu i diedipo pa Pilato to jolwoŋo wadi gin. 17Joruko rigo nanga aywoya ma rangi ariŋo, to jodolo thac okudho to jorwako i wiye pa sangaria mar'adhum. 18Aka jom'otho go ni, “Yoga Kere pa Joyuda!” 19Jogoyo wiye gi luth, joŋulo kwoŋe law, joguro congi gin, aka joriewere rigo piny pa jomiyo go dwoŋ. 20Munyo jotieko nyero go ameno, jolunyo woko nanga ma rangi ariŋo no to joruko rigo nangin pere won. To jotero go wogur wi musalaba.

Iguro Yesu wi musalaba

(Mat 27:32-44; Luk 23:26-43; Yoh 19:17-27)

21 # Rom 16:13 Joromo kodi Simon i royo munyo oyido bino i tindi, to jocuko go gi tiŋo musalaba pa Yesu. (Ŋato oyido Simon ma Sireno, ba Alekizanda kodi Rufus). 22Jokelo Yesu kam'ilwoŋo ni Golgotha, dwoŋ mere ni Kabedo pa Kahanga wic. 23Jotemo miyo go vini m'oruw gi pigi yath moro maŋwe kur ma kweyo litho, to Yesu k'omadho. 24#Zab 22:19Joguro go kwoŋ musalaba, aka jopoko nangin pere gi kwir ma ŋeyo adec ma kisi dhano d'otero. 25Sawa oyido obedo odikin kapa sawa adek m'ogur'iye go wi musalaba. 26Me a wac m'ondiki yuwiye: “Kere pa Joyuda.” 27#Isa 53:12Joguro jokwo ario bende wi musalaba gi Yesu, ŋat'acel yu cinge maracuc ŋatiman yu cinge maracam. 28[Ameno ndiko maleŋ otundo i kare, ma waco ni, “Okwan go kwoŋ joreco”]. 29#Zab 22:8; 109:25; Mar 14:58; Yoh 2:19Jom'okadho i royo joyengo wiy gin aka joyeto Yesu ni, “Ha! In am'onwaŋo ikidho kedho Ot pa Were t'igero man i ndelo adek! 30Ere palor ye wi musalaba ibothere wanen!” 31Jotel pa jocway ri Were i wi migam kodi jotel pa ji kodi jondiko bende jonyero Yesu munyo joŋalo go ni, “Obotho joman, to won kinyal bothere. 32Weyi wanen paka Kristo, Kere pa Joisiraili won olori wi musalaba, aka wanoyey go.” Aka kiri jom'ogur wi musalaba gine bende joyeto go.

Tho pa Yesu

(Mat 27:45-56; Luk 23:44-49; Yoh 19:28-30)

33Odieceŋ kapa sawa aucel, piny ocol cowo hongo ma sawa adek gipi. 34#Zab 22:2I hongo ma sawa abuŋwen, Yesu okoko gi derino madwoŋ ni, “Eloy, Eloy, lama sabac thani!” Meno nyaka ni, “Were paran, Were paran raŋo ijwangan!” 35Ji megi m'oyido jonitie kenyo munyo jowinjo wac me jowaco ni, “Winji win, go dica lwoŋo Elia.” 36#Zab 69:22Ŋat'acel kwoŋ jo oringo gi cangwe, obilo i vini mawac, to ketho i dhoke gi yath mabor. Oketho i dhok Yesu gino munyo waco ni, “Weyi wanen paka Elia obin ogony go kwoŋ musalaba.” 37Yesu okoko gi derino madwoŋ to tho. 38#Wok 26:31-33Aka nanga m'oyido olier i Ot pa Were oyec wok malo kiri piny. 39Jalweny madwoŋ m'oyido ocungo cegin gi musalaba, oneno paka Yesu okoko gi derino aka otho to waco ni, “Adieri, me oyido Wod Were!” 40#Luk 8:2-3Mon moro oyido jo nikenyo jocungo gi bor bor. I dier jo oyido nitie Salome, Maria ma wok Magdala kodi Maria min Yakobo mathin kodi Yose. 41Mon me yado joluwo Yesu gi miyo go kony munyo go nitie Galili; aka onwaŋo nitie mon man bende mathoth ma jobino gine kiri i Yerusalem.

Yiko Yesu

(Mat 27:57-61; Luk 23:50-56; Yoh 19:38-42)

42Munyo piny kidho yutho, Yozefu ma wok Arimatheya otundo. Go oyido obedo ŋata nigi dwoŋ swa i kweth pa jopido, aka onwaŋo kuro bino pa Ker pa Were. Ndelo no onwaŋo obedo ndelo ma yikirok (dwoŋ mere ni, ndelo ma telo Sabato). 43Riameno Yozefu otimo miseni to kidho bongi Pilato to kwayo go delkwoŋ Yesu. 44Pilato ouro swa ni Yesu otieko tho. Olwoŋo jalweny madwoŋ to penjo go ka Yesu otieko tho adieri. 45Munyo otieko winjo bongi jalweny madwoŋ ni apaka obedo, Pilato oyeyo Yozefu kwanyo delkwoŋ Yesu. 46Yozefu ogamo delkwoŋ Yesu wi musalaba, otweyo gi suka, to ketho i kaliel m'ogor i tele. Oŋilo kidi madwoŋ to culo gine dhok kaliel. 47Maria ma wok Magdala kodi Maria min Yose onwaŋo jonitie kenyo joneno kam'oyik'iye Yesu.

Currently Selected:

Mariko 15: DHOPE

Highlight

Copy