Zekaria 11
11
Podho pa jombaka
1Yaw thigin perin, Awi Lebanon,
ŋey mac wowaŋ woko yen sida perin!
2Goy ndur, Awi yen lwiyo, kole yen sida jotieko podho,
kole yen matek jotieko podho!
Goy ndur, Awi olwa ma Basan,
kole otoŋ piny lul m'oyukino!
3Winji derino ma ywak pa jokwath rombo,
kole onyeki woko ŋono pajo!
Winji kihola pa simbwore,
kole onyeki woko yukino ma Yordan!
Jokwath rombo ario
4Rwoth Were paran waco ama: Bedi jakwath rombo pa mwendi ma joripo athumo. 5Jono ma jonyewo jo jothumo to jokadho m'ongoye gir'acula, aka jono ma jotana jo jowaco ni, “Rwoth wopak, atieko ŋaŋo; aka jokwath pajo jongoye gi wor kwoŋ jo.”
6“Kole akilamako wor gi ji ma piny me kendo, Rwoth waco. To neni, alaweyo kisi dhano i cingi jager pere, kodi i cingi kere pere, jolaŋinyo piny, aka ongoye ŋata bino botho wok i cingi jo.”
7Akwayo mwendi ma ripo athumo, riameno jolimo litho. Akwanyo ludhe ario, acel alwoŋo ni Nema, aka man alwoŋo ni Riwirok; t'akwayo mwendi. 8Asika woko jokwath rombo adek i dwe acel, akibedo moth gi jo, aka bende jodakan. 9Ameno awaco ni, “Akilabedo jakwath rombo mewin, ma tho weyi wotho, m'orey woko weyi worere, aka weyi ma joboth jowocami delkwoŋ wadi jo. 10Akwanyo luth paran ma Nema, aturo woko, ma turo woko cikirok m'atimo gi ji je. 11I ndelo no, maluth otur'iye, mwendi m'oyido jolimo litho, m'oyido joŋiyan, joŋeyo nike oyido obedo wac pa Rwoth. 12#Mat 27:9-10; Mat 26:15Awaco rijo ni, ka ber ruwaŋ win, miyan win cul paran, to ka be, weyi win.” Ameno jopima cul paran feza piero adek.
13Rwoth owaco ran ni, “Bol i kakan ri jacwey degi, cul ma dicwe ma joculan. Ameno atero feza piero adek, t'abolo i Ot pa Rwoth. 14Aturo luth mar'ario, ma Riwirok, ma turo wat i dier Yuda kodi Isiraili.”
15Rwoth owaco ran kendo ni, “Kwany iloki aperin, gigipiny pa jakwath rombo mamiŋ. 16Kole ee, acegin tiŋo malo jakwath rombo i piny, ma kidew kwoŋ m'ireyo woko, k'orangi ma jokedhere, k'ocangi ma jotur, kosa k'opidhi ma joboth. To go lacamo woko riŋo pa ma jocwe, aka layeco woko lwet jo.”
17“Kidamba ri jakwath rombo ma bukony,
ma jwango mwendi!
Abor lacwowo cinge kodi waŋe maracuc!
Cinge lathwo kicutho,
waŋe maracuc latho kicutho!”
Currently Selected:
Zekaria 11: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
