Malaki 3
3
1 #
Mat 11:10; Mar 1:2; Luk 1:76; 7:27 Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.
2 #
Yowel 2:11; Meny 6:17 To ŋa m'ocir ndelo ma bino pere? Aka ŋa m'ocungi ka go onen? Go bino cal sabun ma cido cilo, kodi mac ma thedho nyweny. 3Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go. 4Kenyo nyaka mic ma Yuda gi Yerusalem jomiyo Rwoth bino kisangala go paka oyido jotimo yucen.
5Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.
Culo acel wiy apar
6Rupiri An abedo Rwoth akiwire, riameno win, wot Yakobo fodi wikirere kicutho. 7Wok i ndir ma wiketho cik paran gi thenge aka wikikuro. Dwoki win bongan, aka abino dwoko bongi win, Rwoth pa lwak jolweny waco. To wipenjo ni, “Wanodwoki nedi?” 8Nyatoro okwal Were? Kucel wikwalan. To wipenjo ni, “Wakwalin nedi?” Iy'acel ma wi apar gi mic mewin. 9Akwoŋo win rupiri wikwalan, win piny gibe. 10#Jolevi 27:30; Kwan 18:21-24; Cik 12:6; 14:22-29; Nehe 13:12Keli win acel wiy apar gikululu i ot paran ma lamo, ŋey cemo wobedi i ot paran. Teman win, Rwoth pa lwak jolweny waco, k'inen ak'oyaw dirisin ma polo riwin t'akonjo piny riwin silwany gibe. 11Akibino weyo kudin wonyeki cemo mewin, aka ndelo vini mewin bino poŋ gi nyingi vini. 12Kenyo ji ma piny je jobino lwoŋo win ni wijosilwany, rupiri piny mewin bino bedo maber kwo i iye.
Cikirok pa Were ma wor
13Wiwaco wac mareco kwoŋan, Rwoth waco. Kucel wipenjo ni, “Aŋo ma wawaco kwoŋin?” 14Witieko waco ni, “Ongoye kony tiyo ri Were? Bero aŋo timo gima go waco kosa temo nyutho Rwoth pa lwak jolweny ni warem ri gima watimo? 15Paka waneno, jokwoto ama josangala. Joreco nyaka jokitim maber, to ka jotemo Were jokwale.”
16Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki. 17Rwoth pa lwak jolweny owaco ni, “Jobino bedo ji paran won, i ndelo m'anotimi gimoro, aka abino koyo jo paka ba nyathi nyutho wor ri wode ma tiyo rigo. 18Kenyo wibino poko kwoŋ jom'otire gi jokidakana, ji ma jotiyo ri Were gi joma kitiy rigo.”
Currently Selected:
Malaki 3: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
