Mariko 15

Pilato arebeelesa Yezu

(Mat 27.1-2,11-14; Luk 23.1-5; Yoh 18.28-38)

1Antsye ni bwasha kumutikhinyi khu shifukhu shishelakho, basaayi bakhulu, atweela ni basakhulu, ni baleekeli be Kamakaambila ka Musa, bekhala mu lukhobo khuteesa khu lomo yino. Babowa Yezu bamuyila wa Pilato.

2Pilato wareeba Yezu ari, “Iwe niye umuyiinga uwe Bayudaaya?”

Yezu wamwilamo ari, “Iwe walomile ni shisheene.”

3Basaayi bakhulu bawabila Yezu nga bamutsuntsumilisa khu biindu bikali. 4Pilato wamureeba lundi ari, “S'ulikho ni sheesi unyala khukhwikanikhakho ta? Wawulile kimisaango kyeesi bakhuwabile.” 5Ne Yezu wasila busa nga s'elamo ta. Shino sheyaangisa Pilato.

Yezu bamukhalila kumusango kwe khufwa

(Mat 27.15-26; Luk 23.13-25; Yoh 18.39; 19.16)

6Abe busheele khu Mayiiya ke Khubirakho, Pilato alekhuula umubowe mutweela, uyo isi babaandu baaba bamusabile bari alekhuule. 7Mu khaseela akho abawo umubowe mutweela isi balaanga bari Baraba. Aba mutweela khu babowe babeera babaandu mu mbuka iye bisaayumba bibyabawo. 8Nashiryo lituuli lye babaandu lyaatsya isi Pilato, lyamuloomba liri alekhuule umubowe mutweela, nga abe n'akholatsaka.

9Pilato wabareeba ari, “Mukana imbalekhuulile Umuyiinga uwe Bayudaaya?” 10Khulwekhuba Pilato abe wamanyile ari basaayi bakhulu bawabila Yezu khulwe libuba.

11Ne basaayi bakhulu baseya babaandu khuloma Pilato bari abalekhuulile Baraba.

12Pilato wareeba lituuli ari, “Ne umuundu isi mulaanga muri Umuyiinga uwe Bayudaaya, imuyile waheena?”

13Balookhela angaaki bari, “Mutsaangilile khu musalaba.”

14Pilato wabareeba ari, “Khulwashiina? Musaango shiina kwesi akholile?”

Ne beloosela busa khulookhela angaaki bari, “Mutsaangilile khu musalaba.”

15Nashiryo, Pilato khulwe khukana khukhwikhoyesa lituuli lye babaandu, wabalekhuulila Baraba. Walakila basilikhale khunywekha Yezu tsikhoba. Ni baamala, wamuwanayo ari batsye bamutsaangilile khu musalaba.

Basilikhale boonela Yezu

(Mat 27.27-31; Yoh 19.2-3)

16Basilikhale bawamba Yezu bamuyila mu lukoba lwa Gafana mukari, shifwo shishilaangibwa Puritorio.#15.16 Abe Gafana umu Roma amenya abweene awo, nalundi abe lihe lye Baroma lili abweene awo. Balaanga basilikhale babaabawo boosi khukhwiitsa babusane. 17Bakwaarisa Yezu ingubo imbesemu, balukha lihabi lye kamawa, bamukwaarisa khu murwe. 18Bamutsekhelela nga baloma bari, “Mulembe, Umuyiinga uwe Bayudaaya!” 19Bamukhupa khu murwe ni tsimiimbo, bamufuutsakho kamare, nalundi bafukhama asi nga bekholisa bari balikho bamwisamo shiriifwa. 20Nga basilikhale bamalile khumukholisaka shiisa baryo, bamwabulamo ingubo tsana imbesemu, bamukwaarisa tsingubo tseewe tsinyene. Bamuyila khutsya khumutsaangilila khu musalaba.

Batsaangilila Yezu

(Mat 27.32-44; Luk 23.27-43; Yoh 19.17-27)

21 # Roma 16.13 Ni baaba nga bali khu ntsila batsya khutsaangilila Yezu, bakanana Simoni uwe Kurene, abe ulikhukhwaama mu shaalo nga atsya mu shiriimba. Simoni yuno aba niye paapa uwa Alekizanda ni Rufusi. Basilikhale bamuwanyiinya khusuta kumusalaba kwa Yezu. 22Bayila Yezu bamwoolisa mu shifwo shishilaangibwa shiri Gologosa, shishimanyisa shiri “Shiifwo she shihaanga.” 23Kila bamuwa iviini isi batubasilemo kamalesi kakawosawosa butsiina, ne Yezu waloba khukinywa.

24 # Zab 22.18 Batsaangilila Yezu khu musalaba. Nga bamalile, mu khukabanana tsingubo tseewe, bakhupa khakokha, nga bakana babone naanu unayila ngubo shiina. 25Imbuka yeesi batsaangililamo Yezu khu musalaba tsyaba saawa nga tsitaru tsye kumutikhinyi. 26Imurwe khu musalaba kwa Yezu barakho burone bubwokesana kumusaango kwesi bamufunaana, nga buloma buri, “Yezu Umuyiinga uwe Bayudaaya.” 27#Isay 53.12Ambi ni Yezu, basilikhale batsaangililawo khu misalaba babiifwi babili, nga mutweela ali khu mukhono kumulayi, ukuundi khu munyeletsi. 28Shino shakholikha nio bibyaronebwa bikhosefu byoolelesebwe, nga biloma biri, “Bamubalila atweela ni babafuniaka kamakaambila.”#15.28 Bibyaronebwa bikhosefu bikhale bilooselakho khanyilili khano.

29 # Zab 22.7; 109.25 Mrk 14.58; Yoh 2.19 Babaandu babaaba babira abweene awo, bamufwotsola nga baraambisa tsilomo tsiimbi naabi. Basisiikha kimirwe kyabwe, nga baloma bari, “Aha! Imbo iwe weruuya uli unyala wasambula Lisaayilo Likhulu, nalundi walyombekhela mu bifukhu bitaru! 30Yiikha khukhwaama khu musalaba, wamwene wiwonese!”

31Akhaba ni basaayi bakhulu, atweela ni baleekeli be Kamakaambila ka Musa nabo bamulomela tsilomo tsiimbi. Baloma bari, “Awonesaka babaandi, ne ari umwene s'anyala khukhwiwonesa ta. 32Khayo khubone oba Kristu, Umuyiinga uwa Isiraeli, anyala khukhwaama khu musalaba wekha asi. Nio nga khwaboone shino nafwe khufukiilile.” Ni babeefwi babili beesi batsaangilila khu musalaba ambi ni Yezu, nabo bamulomela tsilomo tsiimbi.

Khuufwa khwa Yezu

(Mat 27.45-56; Luk 23.44-49; Yoh 19.28-30)

33Ni tsoola saawa tsisesaba tsye mwihangilwe, shishiilima shawamba shiibala shoosi, khukhwolisila ilala saawa sheenda. 34#Zab 22.1Khu saawa nyene iyo, Yezu wakukuula ni likono likali nga aloma ari, “Eloi, Eloi, lama sabachthani?”#15.34 Bilomo bino bili mu lulomo lu Aramaika, lulwakanikhibwa mu Palesitayini, mu biseela bya Yezu. Shishimanyisa shiri, “Wele wase, Wele wase, shiina kila undekhile senyene?”

35Batweela khu baandu babaaba bemikhile awo, kila baloma bari, “Ni muwulile, alikho alaanga Eliya.” 36#Zab 69.21Mutweela khu beene abo watima watsya wabukula shishangwe, washisanya mu viini isi batubaasilemo kamalesi kakawosawosa butsiina, washisika khu lusaala washiwa Yezu bari asusuune, nga aloma ari, “Ni muliinde khubone oba Eliya kane etse amuruse khu musalaba.” 37Ni abweene awo, Yezu walila ni likono likali, wahela kumuukha kumumaliilisi.

38 # Luky 26.31-33 Ni abweene awo, ingubo yeesi batiimba mu Lisaayilo Likhulu,#15.38 Mu Lisaayilo Likhulu mwabamo tsingubo tsibili, nga indweela abe bakitiimba mu mulyaango, ni kiindi bakitiimba khukhwawulakho shiifwo shishifuura bukhosefu. yonuukhamo bisiintsa bibili, khukhwaama khungaaki, khukhwolesa asi. 39Umuraangilisi uwe basilikhale uwaba nga wemikhile awo, nga walolelele Yezu, n'abona bino kila aloma ari, “Ilala, umuundu yuno abe ali Umwaana uwa Wele!”

40 # Luk 8.2,3 Abawo bakhasi batweela abe babemikhile ataayikho nga balolelele. Mu beene abo mwabamo Mariya Magadalena, Mariya ukuundi nga niye usaala Yakobo uwaba umukyeekhe ni yaaya weewe, ulaangibwa ari Yosese. Umukhasi ukuundi aba Salume. 41Bakhasi bano bamuloondakho khukhwaama nga n'aba i Galilaaya, nalundi bamuyeeta musaambo tsingali. Abawo ni bakhasi babaandi bakali busa babaloonda khu Yezu khukhwaama i Yerusalemu.

Khusiikhibwa khwa Yezu

(Mat 27.57-61; Luk 23.50-56; Yoh 19.38-42)

42Imbuka yoola iye angoloobe, nalundi nga Bayudaaya balikho berekekhela shifukhu shabwe shikhosefu, sha Sabato. 43Umusaani mutweela isi balaanga bari Yozefu nga ama i Alimaseya, abe ali umusaani isi babaandu besamo lukoosi. Nalundi abe niye umwene ali umuundu uwalindilila khubona Buyiinga bwa Wele. Yozefu yuno wenyindaalila watsya isi Pilato, wamusaba ari amufukiilile atsye ayile kumulaambo kwa Yezu.

44Pilato shamwiyangisa khuwulila ari Yezu wamalile khaale khufwa. Walaanga umuraangilisi we basilikhale, wamureeba oba nga Yezu wamalile khaale khufwa. 45Umuraangilisi we basilikhale yuno n'amala khuŋaŋasa ari Yezu wafwiile khaale, Pilato wawa Yozefu lukusa lwe khuyila kumulaambo.

46Yozefu watsya wakula ingubo indayi iwaanga, wahanula kumulaambo wakubowa mu ngubo iyo. Lwanyuma watsya wasiikha Yezu mu ŋani abe isi bakhoora mwibaale. N'amala, wapilingisa libaale, wekala imulyaango we ŋani iyo.

47Mariya Magadalena ni Mariya maayi uwa Yosese baabawo, babona isi Yozefu asiikha Yezu.

Currently Selected:

Mariko 15: LCE

Highlight

Copy