Luka KHUKHWAANTSULA
KHUKHWAANTSULA
Kamakhuuwa kamalayi nga ni kaaronebwa ni Luka kakhwokesa nga Yesu n'ali Umuwonesi wa Isiraeli uwasuubisibwa khaale naluundi nga n'ali Umuwonesi we shiibala shoosi. Luka akhuronela ari, Yesu alaangiwa n'Umwoyo w'Omukasya “Khuboolela bataambi Kamakhuuwa Kamalayi.” (4.18)
Kamakhuuwa kano khufuurisa kalimo khutsiinikhanila babaandu be tsisaambo tsitsikhali ndweela ta. Naluundi mulimo bibiindu bibireera kumwikhoyo ni khuminyisa mu suula tsitsinyoowa tsitsikanikha khu khusaalikha khwa Yesu, ni bumalilisi, nga Yesu n'aniina mwikulu. Ni bibiindi bibiwaamba khu khutsowa ni khu khubalaayisibwa khwe Kamakhuuwa Kamalayi lwanyuma lwa Yesu khuniinisibwa mu ngaaki, byoosi byaronebwa n'umuroni mweene niye mutweela mu Buuraambi bwe Baarume.
Mu shitabo shino mulimo bisiintsa bibili bibiilimo bilomo bibinyoolikhana mu shitabo sha Luka mwonyene, nitso tsisuula 1.1—2.52, ni 9.1—19.48. Mu byeene bino nimwo mumulimo kimyeenya kye bamalayika, khukhwiitsa khwe babaayi be kamasheese esi Yesu asaalikhila, Yesu nga ali mu Lisaayilo Likhulu, ni tsisimo tsino: lw'Omusamariya umulayi, ni lw'omwaana uwakoraana.
Mu shitabo shino shoosi Luka akhwokesa bibiindu bikhulu nga; Khuloomba, Umwoyo Umukhosefu, bibiindu bikhulu byeesi bakhasi baakhola mu buraambi bwa Yesu, ni saambo isi Wele eyakhilamo bibyoonako.
Inoondekhana iye bibiilimo
Khukhwaantsula (1.1-4)
Khuusaalikha, ni khuutsowa khwa Yokana Umubatisa ni khwa Yesu (1.5—2.52)
Buuraambi bwa Yokana Umubatisa (3.1-20)
Khuubatisibwa ni khuukhakibwa khwa Yesu (3.21—4.13)
Buuraambi bwa Yesu bwa lubuula (4.14—9.50)
Khukhwaama i Galilaaya khuutsya i Yerusalemu (9.51—19.27)
I sabiiti iyakamayo Yesu nga ali aambi ni Yerusalemu (19.28—23.56)
Khuulamukha, khuubonekha ni khuuniina mu ngaaki khw'Omukasya (24.1-53)
Currently Selected:
Luka KHUKHWAANTSULA: LPE
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.