Piilimka 36

1Iisɔ buuni ale nna, Edom ale la. 2Iisɔ jam faari wa pooma nyini ka Keenan nipooma po. Ba jam le Ada, Elon Yit denɔwa lie ale Oyolibama Anaya liewa wa jam ka Zibeon Yivi denɔwa ŋaaŋ. 3Wanyi mɛ jam le Basemat, Ismael lie ale chim Nebaiot toa.

4Ada yaa jam biak Elifaz a te Iisɔ, ate Basemat a yaa jam biak Areuel 5ate Oyolibama a biak Jeus ale Jalam ale Koora. Iisɔ nidoabilisaŋa a jam le nna ate wa biak Keenan tɛŋka po.

6Iisɔ yaa pai wa pooma ale wa nidoabilisaŋa ale wa liema ale duŋ yoŋsa meena ale wa kɔlima meena ate wa paari Keenan la, a yaa torisi cheŋ jigi yoŋ ale ge wa suoku Jekob. 7Ba ŋantaŋa ate ba paari la a jam zuak ka yega ale ba ale bo ale chaab. Tɛŋ kaai ate ba jam boro la an jam baga a maari ba nɔi bayewa, ba wuuni ŋantaŋa nyiŋ. 8Dila nyiŋ Iisɔ, Edom ale la a jam kali moata Seir ale bo guutaŋa la.

9Iisɔ buuni ale nna. Wa jam ka Edom demma koa ale jam kali moata Seir guuku la.

10Iisɔ nidoabilisaŋa yue ale nna. Elifaz Iisɔ powa Ada nidoabili ale Areuel Iisɔ powa Basemat nidoabili.

11Elifaz nidoabilisaŋa ale nna. Teman ale Omar ale Zefo ale Gatam ale Kenaz. 12Iisɔ nidoabinni Elifaz mɛ jam ta ka nɔŋ pokbili wa yuei le Timna ate wa biak Amalek te wa. Bade jam ka Iisɔ powa Ada ŋaaŋsa.

13Areuel nidoabilisaŋa jam ale nna. Nayat ale Zera ale Sammaya ale Mizza. Bade jam ka Iisɔ powa Basemat ŋaaŋsa.

14Iisɔ powa Oyolibama Anaya liewa a chim Zibeon ŋaaŋ la, ale jam biak nidoabili sii a te Iisɔ la ale nna. Jeus ale Jalam ale Koora.

15Nalima ŋaai ale jam bo Iisɔ buuni po la ale nna. Iisɔ bikpagni Elifaz nidoabilisaŋa. Teman ale Omar ale Zefo ale Kenaz ale 16Koora ale Gatam ale Amalek. Nalima ŋaai ale nyini Elifaz po a bo Edom la ale la. Ba jam ka Ada ŋaaŋsa.

17Iisɔ nidoabinni Areuel nidoabilisaŋa ale nna. Nayat ale Zera ale Sammaya ale Mizza jam ka nalima a nyini Areuel po a bo Edom la. Ba jam ka Iisɔ powa Basemat ŋaaŋsa.

18Iisɔ powa Oyolibama nidoabilisaŋa ale nna. Jeus ale Jalam ale Koora jam ka nalima a nyini Iisɔ powa Oyolibama waai ale ka Anaya lie la. 19Iisɔ nidoabilisaŋa jam ale la. Ba nalimaŋa mɛ ale la.

20Yori denɔwa Seir nidoabilisaŋa jam le nna. Ba jam bo ka tɛŋka po. Ba le Lotan ale Sobal ale Zibeon ale Anaya ale 21Dison ale Ezer ale Disan. Seir bisaŋa dɛ ale jam nyini Edom la jam ka Yori demma nalima.

22Lotan nidoabilisaŋa jam le nna. Yori ale Yeman. Timna jam ka Lotan toa.

23Sobal nidoabilisaŋa jam le nna. Alvan ale Manahat ale Ebal ale Sefo ale Onam.

24Zibeon nidoabilisaŋa jam le nna. Aiaya ale Anaya. Anaya wa dɛ ale jam nya buli tuilisaŋa gɔnni po wa le jam a nya wa kowa Zibeon bonsaŋa zuk ate si a dɛ la.

25Anaya bisaŋa jam le nna. Dison ale Oyolibama Anaya liewa.

26Dison nidoabilisaŋa jam le nna. Yemdan ale Esban ale Itran ale Cheran.

27Ezer nidoabilisaŋa jam le nna. Bilyan ale Zaavan ale Akan.

28Disan nidoabilisaŋa jam le nna. Uz ale Aran.

29Yori demma nalimaŋa jam le nna. Lotan ale Sobal ale Zibeon ale Anaya ale 30Dison ale Ezer ale Disan. Yori demma nalimaŋa jam ale la a va chaab ale ba poori dii Seir tɛŋka po la.

31Nalimaŋa de ale jam dɛ naam Edom alege ate Izirali naab a dɛ la ale nna. 32Biio biika Bela ale jam chim Edom naab. Wa tɛŋka ba jam te ka yuei ka Dinyaba. 33Bela ale kpi la, Jobab waai ale ka Zera ko a nyini Bozra la ale dɛ naam. 34Jobab ale kpi la, Yusam ale nyini Teman demma tɛŋka la ale dɛ naam.

35Yusam ale kpi la, Bedad nidoabinni Yadad ate wa jam nak dɛ Midian tɛŋka ale bo Moab po la ale dɛ naamu. Wa tɛŋka ba jam te ka yuei ayen ka Avit. 36Yadad ale kpi la, Samla ale nyini Masreka la ale dɛ naamu. 37Samla ale kpi la, Sɛyaul ale nyini Areyobot ate ka bo Benni nɔi la ale dɛ naamu.

38Sɛyaul ale kpi la, Baal Yanan, Achbor nidoabinni ale dɛ naamu. 39Baal Yanan, Achbor nidoabinni ale kpi la, Yadar ale dɛ naamu. Wa tɛŋka ba jam te ka yuei ayen ka Pau. Wa powa yuei jam le Meyetabel. Wa jam ka Matred lie. Matred mɛ jam ka Mezayab lie.

40Nalima ŋaai ale jam nyini Iisɔ buuni po ale ba yue a va chaab ale ba diina ale ba tɛŋsa ale nna. Timna ale Alva ale Jetet ale 41Oyolibama ale Elaya ale Pinon ale 42Kenaz ale Teman ale Mibzar ale 43Magdiel ale Iram. Edom nalimaŋa ale la a va chaab ale ba ale kali dii tɛŋ kaai ate ba jam boro la. Wade jam ka Iisɔ Edom demma kowa.

Currently Selected:

Piilimka 36: BWU

Highlight

Copy