Mt 18
18
Á Men ɑ Ti Döng?
(Mk 9.33-37; Lk 9.46-48)
1 #
Lk 22.24
Bøli kenyɑni ɑ ɑ́bëën jøbɑng Yëso yïe, kɑ ge ópëjjø kinni, “Á men ɑ ti döng kì Pödhi Jwøk?”
2Acwøøl nyɑ nyel me thiinh yi Yëso, kɑ gø cuunge kì dïdyëri gen. 3#Mk 10.15; Lk 18.17 Akööbe kinni, “Yɑ köbb-ɑ wun kidyër kinni, keløg ri wun pɑ løg yi wun, kɑ wu obëëdø ni othønhø, wu pɑ wöl kedhi Pödhi Jwøk. 4De ngɑn-ɑ ódwöög ree cyɑ̈n, kɑ obëëdø ni othinh men, bene en ɑ ying mɑl kì Pödhi Jwøk. 5O ngɑn-ɑ ókwɑny othinh ɑ́kyel ni men ki nyingɑ, ɑ́kwɑny-ɑ yɑn thyew.
Thɑɑb Be Orøg
(Mk 9.42-48; Lk 17.1-2)
6“De ngɑn peej othinh ni men yij orøg, lɑ̈w keløg pil me dwøng di twööj mune, kɑ di luudh dïnɑm. 7Cyën ying-ɑ kömi piny kì bɑng gïg-ɑ nyi peej ji yij orøg. Mɑ́ ge bɑ møg bï ceth, de cyën ying-ɑ kömi ngɑn-ɑ ókɑ̈ɑ̈l gen.
8 #
Mt 5.30
“Keløg yï kïdh-ɑ yij orøg yi cingí wɑlɑ̀ tyelí, ngul wɑ̈g kɑ weddí. Mɑ́ e lɑ̈w ke kedhí yethi nënnì, yï bɑ ngwøl, wɑlɑ̀ ɑ́cingikyel, kibøli kɑ̀ bëëd yïí dɑ cing ɑ́ryew kí tyel ɑ́ryew, kɑ yï leeng mɑc men pɑ thøw. 9#Mt 5.29 O keløg yï kïdh-ɑ yij orøg yi wɑngí, gööl wɑ̈g kɑ weddí. Mɑ́ e lɑ̈w ke kedhí yethi nënnì ki wɑng ɑ́kyel, kibøli ke di leeng yïn mɑc, e yïí dɑ nying ɑ́ryew.
Gɑ́ji Dyel-ɑ Áwɑ̈ɑ̈ny
(Lk 15.3-7)
10“Ko di ngɑn benyi othønhø kì kelli wun, mɑ́ yɑ köbb-ɑ wun kinni, wëywöddi gen nyi bëëd ɑ buti Wïyɑ ngɑn ɑ ying mɑl. 11Mɑ́ Nyɑɑr Dhɑnhø ɑ́bï-ɑ be yieli tyëng-ɑ ɑ́lɑ̈ɑ̈ny.
12“De wu rum ɑ dï? Keløg jɑl megø yïe dɑ dyëg miyø, kɑ ɑ́kyel ówɑ̈ɑ̈nyø kì kelli gen, pyɑ̈r ɑ́bïngwen wïdɑ́bïngwen pɑ wiye piny, kɑ kedh-ɑ be yɑbi men-ɑ ɑ́wɑ̈ɑ̈ny? 13Yɑ köbb-ɑ wun kidyër kinni, keløg e óyod yi en, pyëwe ceg-ɑ mïnø ki dyelɑni, ki me lod medi pyëwe ki dyëg-ɑ kyeelø gɑ pyɑ̈r ɑ́bïngwen wïdɑ́bïngwen møg-ɑ nuti wɑ̈ɑ̈nyø. 14Bëëd ɑ nøw kì yï Wïyi wun ɑ ying mɑl. Pɑ dwɑddi kinni o nget ɑ́kyel lɑ̈ɑ̈nye kì kelli møg-ɑ thønhø.
Ómïø Wɑlɑ̀ Nyimïø Men Røngø
15 #
Lk 17.3
“Keløg yï ogöggø yi ómyëw ki gïnrɑj, kedhí yïe, kɑ wu kööb wun keti wun, kɑ nyudhí gïn-ɑ ɑ́bɑ̈ɑ̈n. Keløg kwøbbí ólïnge, ómyëw ɑ́yiel yi yïn. 16#Jølø 19.15 De keløg kwøbbí pɑ lïnge, cwöddí ki dhɑnhø ɑ́kyel wɑlɑ̀ ji ɑ́ryew, o møgɑni lïngi yi gen, mɑ́ kwøbbi dhøggi ji ɑ́ryew ócuggø yïëyø. 17De keløg mø gen óbɑny yi en, ngɑ̈j kɑnïsɑ̀ ki møgɑni. O keløg kwøbbi kɑnïsɑ̀ óbɑny yi en thyew, wiy bëëde kì yïí e nɑ ngɑn nuti yïëyø wɑlɑ̀ ngeti gwɑ̈j.
Kyëdø kí Yïëyø
18 #
Mt 16.19; Jn 20.23 “Yɑ köbb-ɑ wun kidyër kinni, møg-ɑ ókyer yi wun kì kömi piny, ókyer kì Pödhi Jwøk, o møg-ɑ óyïëy yi wun kì kömi piny, óyïëy kì Pödhi Jwøk.
19“De yɑ köbb-ɑ wun kidyër këti kinni, keløg ji ɑ́ryew kì kelli wun onywɑ̈gø ki kwøb kì kömi piny kipe gïn-ɑ ókwɑjji yi gen, gïnɑni ógöggi gen yi Wïyɑ ɑ ying mɑl. 20Mɑ́ keny cugi yi ji ɑ́ryew wɑlɑ̀ ɑ́dɑ̈g ki nyingɑ, yɑ nud kì kelli gen.”
Gɑ́ji Bɑ̈ng-ɑ Pyëwe Pɑ Nyi Lɑ̈ɑ̈m
21 #
Lk 17.3-4
Kɑ Pïtør bï-ɑ yïe, kɑ gø pyëje kinni, “Wuö, ɑ́ tyel ɑ́dï ɑ lɑ̈ɑ̈m pyëwɑ ki ómïɑ kenyi gögge yɑn ki gïnrɑj? Tyel ɑ́bïryew?”
22 #
Cɑ̈gø 4.24
Aköbbii yi Yëso kinni, “Pɑth ki tyel ɑ́bïryew, dɑ́ pyɑ̈r ɑ́bïryew tyel ɑ́bïryew. 23Mɑ́ Pödhi Jwøk pɑ̈r ki rɑ̈dh mɑ ɑ́dwɑddi lidhi kwɑnni gïg-ɑ gøggi yi bɑ̈ngge. 24Keny-ɑ ɑ́kwɑ̈ɑ̈n gen, ɑkɑ̈ɑ̈l bɑ̈ng ɑ́kyel yïe, cwɑgge dɑ ngyëny ɑ́tegg ɑ́lïp pyɑ̈rø. 25De kɑ ɑ́jɑde ki gïn cude, ɑkööb wɑ̈n kinni i ngeew jɑlɑni wɑ̈g geki cyëge, kí nyige, kí jɑmme bënn, o ngyënyyi gen cool kwör-ɑ köme. 26Kɑ bɑ̈ngɑni ree bøødhe piny, kɑ gø kwɑjje kinni, ‘Wuö mɑg pyëwí! Kwörɑni ócol yi yɑn bëne!’ 27Kɑ wïi bɑ̈ngɑni yije óywöngø kipere, kɑ gø gønye, kɑ kwörɑni bëne kyere kinni ko col.
28“De bɑ̈ngɑni kiree, kɑ ɑ́kedhe, ɑrwööme ki bɑ̈ng megø me cwɑgge di kwöre, mɑ ngyëny ɑ́tegg miyø. Kɑ gø mɑge kì mune, ɑköbbe gøn kinni, ‘Col ngyënyyɑ!’ 29Kɑ bɑ̈ng-ɑ kyeelø ree bøødhe piny kì bøle, kɑ gø kwɑjje kinni, ‘Mɑg pyëwí! Kwörɑni ócol yi yɑn.’ 30Kɑ okyëdø, ɑkɑ̈ɑ̈le gøn, kɑ gø leenge ød mɑg, gïti keny-ɑ óthumi kwör ki colø bëne. 31Kɑ ɑ́liidh møgɑni yi bɑ̈ngg-ɑ kyeelø, ɑrënyi pëthi gen, kɑ ge kedh-ɑ yï wïi gen, kɑ gø köbbi gen gïn-ɑ ɑ́cwöb. 32Codhe, ɑcwøøl bɑ̈ngɑni yi wɑ̈n, kɑ gø köbbe kinni, ‘Yïn ɑ bɑ̈ng rɑj, kwör men-ɑ ɑ́ying kömí ɑ́wiy yi yɑn kɑ per kɑ ɑ́kwɑjjí yɑn. 33Pɑ lɑ̈w ke di ywöngi yijí ki wɑɑd wun thyew ni kɑ ɑ́ywöngi yijɑ ki yïn?’ 34Kɑ wïi jɑlɑni owërø, kɑ gø cïbe cinggi tyëng-ɑ nyi cir ɑmɑgg, gïti keny-ɑ óthumi kwör-ɑ köme ki colø bëne.”
35Kɑ kwøbbɑni ngøl yi Yëso kinni, “Wïyɑ, ngɑn-ɑ mɑl, ógöögø kinøw thyew ki wun, keløg pëthi wun pɑ nyi lɑ̈ɑ̈m ki wɑddi wun.”
Currently Selected:
Mt 18: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
