Matteyo 28

Ebuhuna Toye

(Mar 16:1-10; Luk 24:1-12; Yoa 20:1-10)

1Ihalu oloŋ Sabatto, ninyia iliaha ataŋatio motie ono Dominika, ette Maria Madalina iko Maria ebotie iwany imijuniere elume. 2Teya teya, odioto nyia olokitik onno orroho bebe, ette ajilo olo Lamonye ittuna tedou, ette ittabororo amoruo ania addi, ette itoŋo ihide honyi. 3Opipiak nyia omom honyi ihuo ahilai buo aboŋojin honyi obuori biny biny ihuo eriri. 4Inef nyia abaŋi erririak many ikikirorik, ette rahan ihuo ayaak.

5Ati ojio nyia ajilo jio aŋoruo hua jio, “Hèbaŋata, amijak ni jio ittifiati itai Yesu linyia isihoni likruce. 6Abeŋ inyi tene, itubuhuni inyi ihuo ninyia ojiari inyi. Ifuanna omijata amaji ninyia awanari inyi. 7Ihuania, ifuatta kokuak iramaniere lejifak honyi jio, ‘Itubuhuni inyi toye buo ihuania alo inyi Galilea to osiere hatai, ifuatta adi igonyuna inyi teya!’ Isi hunia erre hunne eramak ni itai.” 8Ania, ette isi iruharu kokuak telume buo abaŋi. Ati omunoi nyia isi bebe, ette iŋioron iramaniere jio lejifak. 9Oruaŋanie nyia isi iko Yesu turunyaŋ, ette inyi jiaran jihosi jio, “Ogotto.” Ofuoni nyia isi many jihonyi, ette inef eejek honyi itahabuyere inyi. 10Attati Yesu jiaran jihosi jio, “Hèbaŋata, ifuatta iramana illarak hoŋ, ijiara ofuoi Galilea, buo diya, ofuoi adi isi igonyuna ani.”

Iramani Erririak Erre hunyia Iduoŋi 'to

11Ninyia hofuoi aŋoruo hunia, acaharai nyia omuk hulo erririak ibore gala iramaniere ehumak elettaha erre 'daŋ hunyia iduoŋi 'to. 12Ottubanie nyia ehumak elettaha iko lahou, ette iwwahuna, ette isiarana agurusi arriai jio erririak, 13ette jiaran jio, “Iramana aati jio, ofuonni nyia lejifak honyi nyia arue, ette ihahalaru ahuan honyi, buo itai ijototi. 14Buo elle itaniŋu mondir eram ania, ekiana adi hohoi jihonyi. Ebeŋ adi hohoi eŋatak obo eram ottu jihatai.” 15Ania, ette isi ifuotuna agurusi hunia, ette ihanio ihuo iramani nyia jihosi, buo eram ania ette isarrahina jio aati Yudei 'daŋ many ahana.

Oleyehino Yesu jio lejifak honyi

(Mar 16:14-18; Luk 24:36-49; Yoa 20:19-23; Ehanita 1:6-8)

16 # Mat 26:32; Mar 14:28 Ofuoi nyia lejifak hula 'tomon habotie Galilea, jio adoŋe ninyia iramak Yesu jihosi ifuari. 17Ninyia igonyuni isi Yesu, ette isi itahabuyo inyi, ati okuayai nyia omuk hulosi. 18Attati Yesu ihutonia, ette jiaran jihosi jio, “Isiarani jihoŋ elohittok ettedou iko atta fau. 19#Ehanita 1:8Tania, ifuatta jio aati 'daŋ, imasik 'daŋ, ihanata isi ahejifak hoŋ, itifuotonia isi batisimo ta afure Monye iko ono Lonyi iko ono Loholio Olibo. 20Ittiyeniete buo fe isi oŋida abaŋi erre 'daŋ hunyia eramak ni itai. Awon adi ni ikatai many isidi fau.”

Currently Selected:

Matteyo 28: EA2003

Highlight

Copy