Dhek 13
13
1Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden. 2Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.
3Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en. 4Në ee köölë, tït abïk gup aa riɔ̈ɔ̈c në nyuuthden të cɔ̈ɔ̈r kek. Acïkï lupɔɔ ke tït bï bɛ aa cieŋ be kek kɔc math. 5Abïk röt aa jäi an, ‘Yɛn cie tiët, yɛn ee raan ë puɔ̈ɔ̈r ë cieŋ ë dhuöök ɛn.’ 6Na lop ë raan en an, “Ka ee tëtöök ke ŋö nu në yïguöpë?’ Abï puk nɔm an, ‘Ee tëtöök ë loi röt ɣön ë määthkï.’
Yup Tïït Athiäi Thök
7 #
Math 26:31; Mak 14:27. Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn.#13:7: tïït: Tïŋ 11:4. Yup ke thök ë ke bï thiäi. Yɛn bï kɔckï mak, 8në wuötiic në piny yic ëbɛ̈n, ku näk tëdït në keyiic. Ku yɛn bï biäk thiin cï döŋ pɔ̈l apïïr. 9Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.
Currently Selected:
Dhek 13: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
