Dhek 12
12
Luääk de Jeruthalem Wadäŋ
1Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an, 2“Jeruthalem abä tɔ cït abïny ë mɔ̈u, ka juöör nu në yelɔ̈ɔ̈m abïk aa dek ku tuëkï cït kɔc cï wiɛɛt në mɔ̈u. Ku Juda abï gɛɛu cil, ku geeuwë Jeruthalem cil ayadäŋ. 3Në ee köölë, yɛn bï Jeruthalem tɔ thiek cït man ë kuur, ka juöör ke pinynɔm kedhie, juöör lɔ ye them në nyiɛɛi abïk röt wääth. Juöör ke pinynɔm kedhie abïk mat, ku wëlkï nɔm ater. 4Ku ëtɛ̈ɛ̈n, yɛn bï jöŋgöörken riääc. Ku ta kɔc cath në kekɔ̈ɔ̈th miɔ̈l. Yɛn bï kɔc ke Juda tiit, ku ta jöŋgöör ke kɔc de ater në keek cɔɔr. 5Ka abï dhiën ë Juda aa lɛ̈k röt kapäc an, ‘Kɔc ke Jeruthalem acï Bɛ̈nydït de rɛm Nhialicden ke gäm riɛl.
6“Ku ëtɛ̈ɛ̈n, yɛn bï dhiën ë Juda tɔ cït many dɛ̈p ë rooric, ku cït many ë kuthyui nyop rɛɛp cï luɔk. Abïk juöör rɛ̈ɛ̈r në kelɔ̈m riɔ̈ɔ̈k kedhie. Ku Jeruthalem abï döŋ ke cieŋ cït mandɛnë.
7“Ku yɛn Bɛ̈nydït, yɛn bï Juda kɔn tɔ tiam tueŋ, ke dhuëëŋ bï käu de Debid yök kekë kɔc ke Jeruthalem, ke cïï bï dït awär dhuëëŋ bïï ë kɔc ke Juda yök. 8Ku në ee köölë Bɛ̈nydït abï köt tääu ë Jeruthalem yɔu gël en kɔc ceŋ en, ayï kɔc kɔ̈c në keyiic, abïk riɛl cït man ɣɔn ril ë Debid. Abï käu de Debid ke wat cït man ë tunynhial ë Bɛ̈nydït, ku cït Nhialic guöpde. 9Ku në ee köölë, yɛn bï juöör ee Jeruthalem yiɛ̈n tɔŋ riɔ̈ɔ̈k kedhie.
10 #
Jɔn 19:37; Nyu 1:7. #Math 24:20; Nyu 1:7. “Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.
11Në ee köölë, dhiëëu abï dït arëët Jeruthalem cït man ë dhiën ë dhiëëuwë Ɣadad Rimon #12:11: ɣadad rimmon: Adhil aa rin ke Baal, yanh de wal në Kanaan ku Thiriya. Të cï wal thou ë lë ruöön thok ëbɛ̈n, aye kɔc ee yath lam lueel an cï yath thou, ku ayek thonde jɔ dhiëëu.në riaaŋ de Megido yic. 12Piny abï thiäŋ kekë dhiëëu ëbɛ̈n, baai abï aa dhiau pei yetök.
Baai de Debid abï dhiau pei yetök, ku dhiau diëërken pei kapäc. Ku baai de Nathan abï dhiau pei yetök, ku dhiau diëërken pei kapäc. 13Baai de Lebi abï dhiau pei yetök, ku dhiau diëërken pei kapäc. Baai de Cimei abï dhiau pei yetök, ku dhiau diëërken pei kapäc. 14Ku dhiën kɔ̈kkë kedhie abïk dhiau pei, ku dhiau diëërken pei kapäc.
Currently Selected:
Dhek 12: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
