Math 7
7
Jäny de Kɔc Kɔ̈k
(Luk 6:37-38,41-42)
1Duökï kɔc ë jɔ̈ɔ̈ny, ke we cïï bï aa jɔ̈ɔ̈ny. 2#Mak 4:24.Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya. 3Ku eeŋö woi yïn wɛ̈ɛ̈lthiin nu ë mɛnhkui nyin, ku cïï tim dït ë tïŋ tim nu ë yïnyin guöp? 4Ku bä mɛnhkui yɔ̈ɔ̈k adï an, “Tɔ ya mïït wɛ̈ɛ̈lthiin nu ë yïnyin bei, ku tïŋ, tim dït ka ë yïnyin guöp? 5Yïn ee raan deyic aguk, kɔn tim dït nu ë yïnyin bɛ̈ɛ̈i bei, na ëlë, ke yïn bï daai ëgɔk ku yïn duëër wɛ̈ɛ̈lthiin nu ë mɛnhkui nyin dap bɛ̈ɛ̈i bei.
6“Këpiɛth ɣeric duökï ee yiɛ̈n jɔ̈k, ayï waŋguurkuön tuc ë ɣööcden duökï keek ë cuat kudhuur nïïm, ke ke cïï ke bï dum ë kecök, agokï kenïïm bɛ puk, guutkï week.
Liëpë, Kɔ̈ɔ̈rë, Tɔŋ
(Luk 11:9-13)
7Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week. 8Raan ëbɛ̈n raan ë këdäŋ lip, ke yök, raan ë këdäŋ kɔɔr, ke yök, ku raan tɔŋ ɣöt thok, ke liëpë yen. 9Ee raanou në weyiic, të lipë mɛnhde kuïn tëde yen, ke bï gäm kɔɔi? 10Ku na lip rɛ̈c, ke bï gäm kërac? 11Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?
12 #
Luk 6:31. Yen tëde ka, käŋ kedhie ka kaarkï nɔn bï kɔc keek aa luöi week, ke wek aya yak ke luööi wäklë, kënë ee löŋ ku ye tït.
Thoŋ Koor
(Luk 13:24)
13Tɛ̈kkï ë kal thok, thoŋ kooric, kal adït thok, ku kueer alääuwic kueer lɔ të nu riääk, ku kɔc ee tëëk thïn ajuëckï. 14Ku kal akoor thok, ku kueer ajonyic, kueer lɔ të nu pïïr, ku kɔc ë ye yök alikï.
Tim kekë Mïthke
(Luk 6:43-44)
15Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth. 16Abäk ke ŋic në kakɛn yek kek luɔk. De kɔc ë enap yök ë kuɔɔth yiic, ku yek mïth ke ŋaap yök ë thilic? 17Yen aye tim piɛth ëbɛ̈n luɔk ë mïth piɛth, ku lok tim rac në mïth rac. 18Tim piɛth acïï duëër luɔk ë mïth rac, ayï tim rac, acïï duëër luɔk ë mïth piɛth. 19#Math 3:10; Luk 3:9. Tim ëbɛ̈n tim cie luɔk ë mïth piɛth, ke yepë piny, ku cuɛtë mɛɛc. 20#Math 12:33. Yen abä wek keek aa ŋic në kakɛn ee kek ke luɔk.
Wek Kuöc Anandï
(Luk 13:25-27)
21Acie raan ëbɛ̈n raan ee ye lueel, an, Bɛ̈nydït, Bɛ̈nydït, yen bï lɔ ë ciɛɛŋ de Nhialic, ee raan ë këde piɔ̈u ë wäär looi, wäär nu paannhial yen abï lɔ. 22Kɔc juëc abïk ɛn yɔ̈ɔ̈k ëköölë an, “Bɛ̈nydït, Bɛ̈nydït, kënku cɔ̈ɔ̈r në rinku, ku kënku jɔɔk rac cieec në rinku, ku kënku luɔi ril looi në rinku?” 23#Diɛt 6:8. Ku abä keek yɔ̈ɔ̈k an, “Wek kuöc anandï, jatkï ë yalɔ̈ɔ̈m, wek kɔc ee kërac looi.”
Kɔc Kaarou ë Yïk Ɣööt
(Luk 6:47-49)
24Yen ka, raan ëbɛ̈n raan ë wëlkiënë piŋ, ku ye ke looi, yen abä thɔ̈ɔ̈ŋ kekë raan pelnɔm, raan ë ɣönde yïk ë kuur nɔm, 25na miäk, ke deŋ lɔ piny, ku bɔ̈ amool, ku put yom dït, abïk wït ee ɣönë, go cuö wiëëk, en ë ɣönë, luɔi cï këërkëërde wec abï ɣet ë kuur nɔm.
26Ku raan ëbɛ̈n raan ë wëlkiënë piŋ, ku cïï keek ë looi, yen abä thɔ̈ɔ̈ŋ kekë raan piɔlpiɔ̈u, raan ë ɣönde yïk ë liɛɛt nɔm, 27#Mak 1:22; Luk 4:32. go deŋ lɔ piny, ku bɔ̈ amool, ku put yom dït, abïk wït ee ɣönë, ago wïïk ë wïïk dït.
Riɛl de Yecu
28Na wën, acï Yecu wëlkë thöl, ke kɔc ë ke gäi në wëëtde, 29aye keek wɛ̈ɛ̈t cït man ë raan cath ke riɛl ku cïï cït man ë kɔc ë löŋ gɔ̈ɔ̈r.
Currently Selected:
Math 7: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
