Popular Bible Verses from Math 7

Share

Yak lip, ke we bï miɔɔc, yak köör, ku abäk yök, yak ɣöt tɔɔŋ thok, ku abï liëp week.

Raan ëbɛ̈n raan ë këdäŋ lip, ke yök, raan ë këdäŋ kɔɔr, ke yök, ku raan tɔŋ ɣöt thok, ke liëpë yen.

Yen ka, raan ëbɛ̈n raan ë wëlkiënë piŋ, ku ye ke looi, yen abä thɔ̈ɔ̈ŋ kekë raan pelnɔm, raan ë ɣönde yïk ë kuur nɔm

Yen tëde ka, käŋ kedhie ka kaarkï nɔn bï kɔc keek aa luöi week, ke wek aya yak ke luööi wäklë, kënë ee löŋ ku ye tït.

Ku kal akoor thok, ku kueer ajonyic, kueer lɔ të nu pïïr, ku kɔc ë ye yök alikï.

Tɛ̈kkï ë kal thok, thoŋ kooric, kal adït thok, ku kueer alääuwic kueer lɔ të nu riääk, ku kɔc ee tëëk thïn ajuëckï.

Ku të ŋiɛc wek mïthkun miɔɔc ë kapiɛth, ku wek rac, ku na wuöörduön nu paannhial cïï kɔc lip en bï miɔɔc në kapiɛth awär week arëët?

Duökï kɔc ë jɔ̈ɔ̈ny, ke we cïï bï aa jɔ̈ɔ̈ny. Jäny aa we kɔc jɔ̈ɔ̈ny, yen abï wek aa jɔ̈ɔ̈ny aya, ku thëm aa wek käŋ them, yen, abï week aa them aya.

Ku raan ëbɛ̈n raan ë wëlkiënë piŋ, ku cïï keek ë looi, yen abä thɔ̈ɔ̈ŋ kekë raan piɔlpiɔ̈u, raan ë ɣönde yïk ë liɛɛt nɔm

Ku eeŋö woi yïn wɛ̈ɛ̈lthiin nu ë mɛnhkui nyin, ku cïï tim dït ë tïŋ tim nu ë yïnyin guöp? Ku bä mɛnhkui yɔ̈ɔ̈k adï an, “Tɔ ya mïït wɛ̈ɛ̈lthiin nu ë yïnyin bei, ku tïŋ, tim dït ka ë yïnyin guöp?

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth. Abäk ke ŋic në kakɛn yek kek luɔk. De kɔc ë enap yök ë kuɔɔth yiic, ku yek mïth ke ŋaap yök ë thilic?

Yen aye tim piɛth ëbɛ̈n luɔk ë mïth piɛth, ku lok tim rac në mïth rac.

Tim piɛth acïï duëër luɔk ë mïth rac, ayï tim rac, acïï duëër luɔk ë mïth piɛth.

Tim ëbɛ̈n tim cie luɔk ë mïth piɛth, ke yepë piny, ku cuɛtë mɛɛc.