Laoidhean 33

LAOIDH 33

Mat. 6.9-14

1Athair gach dùil a bhos is shuas!

d'an dual gach diu is glòir;

A'd' làthair striochdaidh sinne sìos,

gu h‑iosal mar is còir.

2T'ainm naomhaichear 's na h‑uile àit,

is aoradh dha gach slògh;

Craobh‑sgaoil do Shoisgeul, 's thoir dha buaidh,

is luathaich rìogh'chd na glòir'.

3Deanadh gach dùil air thalamh bhos

do thoil mar ainglibh nèimh;

Dhi géilleadh iad le cridhe ait

's le giulan macant' sèimh.

4Ar n‑aran làthail deònuich dhuinn,

is cridhe taingeil leis;

Is ciod air bith a's cuibhrionn duinn,

do bheannachd biodh 'na chois.

5Maith dhuinn ar fiacha trom, a Dhé,

a réir mar mhaithear leinn,

D'ar feichnibh fèin an euceartan,

's gach beum a thug iad dhuinn.

6Na leig am buaireadh sinn, a Dhé,

ach gléidh sinn o gach lochd;

Oir rioghachd, cumhachd, agus glòir,

is leat le còir gu beachd.

Currently Selected:

Laoidhean 33: LSN1987

Highlight

Copy

Want to have your highlights saved across all your devices? Sign up or sign in

Popular Bible Verses from
Laoidhean 33