Lucas 2

Tsi' yila pañimil Jesús

(Mt 1.18-25)

1Ti jim bʌ ora tsi' cha'le mandar Augusto César#2.1 Augusto César: Jiñʌch juntiquil ñuc bʌ yumʌl ti Roma, tsa' bʌ i mele i ye'tel che' ti ja'bil 27 che' maxto tilemic Cristo c'ʌlʌl ti ja'bil 14 che' tilemix Cristo. cha'añ mi' tsijquelob#2.1 Mi' tsijquelob: Cha'añ mi' cha'leñob tojoñel. wiñicob ti pejtelel lum am bʌ ti' wenta Roma. 2Jiñi ñaxan bʌ i tsicol wiñicob tsa' ujti che' woli' cha'len i ye'tel ti gobernador Cirenio ya' ti Siria. 3Ti pejtelelob tsa' majliyob ti' tejclum tac ba' chucbilob i c'aba' i tat i ña' cha'añ mi' ts'ijbuntelob i c'aba' ti juñ.

4Tsa' loq'ui José ti Nazaret am bʌ ti' wenta Galilea. Tsa' majli ti Judea ti' tejclum David i c'aba' Belén, come José loq'uem ti' p'olbal David. 5Cha'añ mi' ts'ijbun i c'aba' ti juñ temel yic'ot i yijñam i c'aba' María c'ajtibil bʌ i cha'añ. Cʌntʌbil i cha'añ alʌl. 6Che' bʌ ya'añob ti Belén, tsa' c'oti i yorajlel cha'añ mi' yilan pañimil i yalobil. 7Tsi' yʌc'ʌ ti pañimil ñaxan bʌ ch'itoñ bʌ i yalobil, tsi' bʌc'ʌ ti' majts, tsi' ñolchoco ti' buc'ujib alʌc'ʌl, come ma'añic tsi' taja i yajñib ti' yotlel wʌyibʌl.

Jiñi ángelob yic'ot xcʌnta tʌñʌme'ob

8Ti jiñi jach bʌ lum añ xcʌnta tʌñʌme'ob ti jamil, woli' cʌntañob i tʌñʌme' ti ac'ʌlel.#2.8 Jiñi ñaxan bʌ tsa' bʌ yu'biyob cha'añ tsa'ix i yila pañimil Jesús, jiñobʌch jiñi xcʌnta tʌñʌme'ob. Che' bajche' mi laj q'uel ti yan tac bʌ wen t'añ, jiñi tsa' bʌ yajcʌntiyob cha'añ mi' yu'bin jiñi wen t'añ jiñobʌch jiñi p'ump'uño' bʌ yic'ot jiñi pec' bʌ mi' melob i bʌ. Q'uele 4.18-19; 6.20-26. 9Awilan, tsa' tsictiyi juntiquil i yÁngel lac Yum ba'añob. I ñuclel Dios tsi' yʌc'ʌ i c'ʌc'al ti' joytʌlelob. Tsa' cajiyob ti ca'bʌl bʌq'uen. 10Jiñi ángel tsi' su'beyob:

—Mach mi la' cha'len bʌq'uen come tsa' c ch'ʌmbeyetla tilel wen t'añ cha'añ pejtelel wiñicob x'ixicob, mu' bʌ caj i yʌq'ueñetla ca'bʌl i tijicñʌyel la' pusic'al.#Lc 4.18,43; 7.22; 8.1; 20.1; Hch 5.42; 8.4,25,35; 10.36 11Come sajmʌl ti' tejclum David tsi' yila pañimil la' waj Coltaya, jiñʌch Cristo lac Yum. 12Mi caj la' cʌn che' bajche' iliyi: Mi caj la' taj jiñi alʌl bʌc'ʌl ti majts, ñolol ti' buc'ujib alʌc'ʌl, che'en jiñi ángel.

13Ti jiñi jach bʌ ora tsa' tsictiyi bajc'ʌl ángelob ch'oyolo' bʌ ti panchan, woli i su'bob i ñuclel Dios. Tsi' yʌlʌyob:

14¡La' sujbic i ñuclel Dios ya' ti panchan.

Wʌ' ti pañimil woli' yʌq'ueñtelob i ñʌch'tʌlel i pusic'al

wiñicob x'ixicob mu' bʌ i q'uejlelob ti uts'at ti Dios!

15Che' bʌ tsa' cha' majliyob ángelob ti panchan, jiñi xcʌnta tʌñʌme'ob tsi' su'beyob i bʌ:

—Coñixla ti Belén cha'añ mi laj q'uel ili tsa' bʌ ujti, tsa' bʌ su'bentiyonla cha'añ lac Yum.

16Tsa' majliyob ti ora. Tsi' tajayob María yic'ot José yic'ot jiñi alʌl ñolol ti' buc'ujib alʌc'ʌl. 17Che' bʌ tsi' q'ueleyob, tsa' caji i tsictesañob che' bajche' tsa' su'bentiyob cha'añ i cuxtʌlel jiñi alʌl. 18Pejtelel tsa' bʌ i yu'biyob jiñi t'añ tsa' toj sajtiyob i pusic'al cha'añ chuqui tac tsa' su'bentiyob jiñi xcʌnta tʌñʌme'ob. 19Pero María chʌn lotol ti' pusic'al pejtelel jiñi t'añ. Tsa' jach i chʌn ña'ta ti' pusic'al pejtelel chuqui tsi' yu'bi.

20Tsa' sujtiyob xcʌnta tʌñʌme'ob. Tsi' chʌn tsictesayob i ñuclel Dios. Tsi' su'buyob i ñuclel Dios cha'añ pejtelel chuqui tsi' yu'biyob yic'ot chuqui tsi' q'ueleyob che' bajche' tsa' su'bentiyob.

Tsi' pʌyʌyob majlel alʌ Jesús ti Templo

21Che' bʌ tsa' ts'ʌctiyi waxʌcp'ejl q'uiñ cha'añ mi' tsepbentel i pʌchʌlel alʌ ch'itoñ, tsi' yotsʌbeyob i c'aba' Jesús. Jiñʌch i c'aba' tsa' bʌ i wʌn otsʌbe jiñi ángel che' maxto cʌntʌbilic.

22Che' bʌ tsa' ts'ʌctiyi i yorajlel cha'añ mi' sʌc-esañob i bʌ che' bajche' mi' yʌl ti' mandar Moisés,#Lv 12.2-4 tsi' pʌyʌyob majlel alʌ ch'itoñ ti Jerusalén cha'añ mi' yʌq'ueñob ti' wenta lac Yum. 23Che' bajche' ts'ijbubil ti' mandar lac Yum: “Mux caj la' ña'tan i cha'añʌch lac Yum pejtelel ch'itoñ ñaxan bʌ mi' yilan pañimil”.#Ex 13.2,13 24Che' ja'el tsa' majliyob cha'añ mi' yʌq'ueñob i majtañ Dios che' bajche' mi' yʌl ti' mandar lac Yum: “Aq'uen cha'cojt xpurwoc o mi cha'cojt x'ujcuts”.#2.24 Jiñʌch i yofrenda jiñi p'ump'uño' bʌ; Q'uele Lv 12.6-8.

25Añ juntiquil wiñic ti Jerusalén i c'aba' Simeón, toj bʌ i pusic'al, mu' bʌ i ch'ujutesan Dios. Woli i pijtan jiñi mu' bʌ caj i ñuq'uesʌbeñob i pusic'al israelob.#2.25 Jiñʌch i pijtʌntel jiñi Cristo (Is 40.1-2; 49.13; 57.18; 61.2; Mt 5.4). Jiñi Ch'ujul bʌ Espíritu añ ti' pusic'al. 26Jiñi Ch'ujul bʌ Espíritu tsi' su'be Simeón cha'añ ma'añic mi' caj ti chʌmel jinto che' q'uelbilix i cha'añ jiñi Yajcʌbil bʌ cha'añ lac Yum. 27Ñijcʌbil ti Espíritu tsa' majli ti Templo. I tat i ña' Jesús tsi' pʌyʌyob ochel jiñi alʌ Jesús ti Templo cha'añ mi' melbeñob bajche' mi' yʌl ti mandar. 28Simeón tsi' meq'ue jiñi alʌl. Tsi' su'bu i ñuclel Dios. Tsi' yʌlʌ:

29Wʌle c Yum, x'e'telon a cha'añ.

La'ix chʌmicon ti' ñʌch'tʌlel c pusic'al

che' bajche' tsa' wʌlʌ,

30Come wʌle tsa'ix j q'uele tic wut jiñi xColtaya

31tsa' bʌ a choco tilel ti' tojlel pejtelel wiñicob x'ixicob.#Is 40.5; 52.10

32Jiñʌch i sʌclel pañimil mu' bʌ caj i tsictiyel ti' tojlel gentilob

yic'ot i ñuclelʌch a cha'año' bʌ ti Israel,#Is 42.6; 46.13; 49.6; 52.10; 60.1-3 che'en Simeón.

33Tsa' toj sajtiyob i pusic'al José yic'ot María, i ña' Jesús, che' bʌ tsi' yu'biyob jiñi t'añ cha'añ i yalobil. 34Simeón tsi' yʌq'ueyob i yutslel i t'añ, tsi' su'be María, i ña' alʌl:

—Awilan, wa'chocobilix a walobil cha'añ ca'bʌl israelob. Lamital mi caj i yajlelob, lamital mi caj i xuc'chocontelob. Ca'bʌlob mi caj i cha'leñob t'añ ti' contra. 35Wen ch'ijiyem a pusic'al mi caj a wu'bin che' mi' tsictiyel bajche' woli' ña'tañob ti' pusic'al ca'bʌlob, che'en Simeón.

36Ya'añ x'ixic bʌ x'alt'añ ja'el i c'aba' Ana, i yalobil Fanuel, i p'olbal Aser, wen ca'bʌlix i ja'bilel; che' xch'oc to tsa' chumle yic'ot i ñoxi'al wucp'ejl ja'b. 37C'ʌlʌl me'ba'ix che' bʌ tsi' taja chʌmp'ejl i jo'c'al (84) i ja'bilel. Ma'añic tsi' wis cʌyʌ i bʌ ti Templo ba' tsi' melbe i ye'tel Dios ti q'uiñil ti ac'ʌlel yic'ot ch'ajb yic'ot oración. 38Ti jiñi jach bʌ ora tsa' tili Ana ba'añ alʌl. Tsi' su'be wocolix i yʌlʌ Dios. Tsi' su'beyob isujmlel jiñi alʌl ti' tojlel pejtelel jiñi año' bʌ ti Jerusalén woli bʌ i pijtañob i coltʌntel.

Tsa' cha' majliyob ti Nazaret

(Mt 2.19-23)

39Che' bʌ tsa' ujti i melob pejtelel chuqui tac mi' yʌl ti' mandar lac Yum, María yic'ot José tsa' sujtiyob majlel ya' ti Galilea, tsa' c'otiyob ti' lumal i c'aba' Nazaret. 40Tsa' coli jiñi alʌl, tsa' p'ʌt-a, tsa' bujt'i ti' ña'tʌbal, tsa' chʌn ajñi i yutslel i pusic'al Dios ti' tojlel.

Ch'itoñ Jesús ti Templo

41Ti jujump'ejl ja'b i tat i ña' Jesús mi' majlelob ti Jerusalén cha'añ i q'uiñilel Pascua.#Ex 12.1-27; Dt 16.1-8 42Che' añix lajchʌmp'ejl i ja'bilel Jesús, tsa' majliyob ti q'uiñijel che' bajche' i tilel mi' melob.#2.42 Q'uele Dt 16.16; 1 Sm 1.3,21; 2.19 Che' bajche' i tilel ti' tojlelob jiñi judíojob, juntiquil ch'itoñ mu' bʌ i ts'ʌctiyel lajchʌmp'ejl i ja'bilel mi' chajpan i bʌ cha'añ mi' ch'ʌjmel ti' tojlel jiñi año' bʌ i ye'tel ti templo. Mi' mero ch'ʌjmelix che' mi' ts'ʌctiyel uxlujump'ejl i ja'bilel. 43Che' bʌ tsa' ujtiyob ti q'uiñijel, tsa' cajiyob ti sujtel, pero jiñi ch'itoñ Jesús ya' tsa' cʌle ti Jerusalén che' mach yujilobic i tat i ña'. 44Tsi' lon ña'tayob woli' sujtel i yalobil yic'ot motocña bʌ i pi'ʌlob. Tsi' xʌñʌyob majlel jump'ejl q'uiñ. Tsa' caji i sʌclañob ba'añ i pi'ʌlob yic'ot ba'añ i cʌñʌyo' bʌ, 45pero ma'añic tsi' tajayob, che' jiñi tsa' cha' majliyob ti Jerusalén cha'añ mi' sʌclañob. 46Che' ñumeñix uxp'ejl q'uiñ tsi' tajayob ti Templo buchul ti' tojlel jiñi xcʌntesa mandarob, woli' ñʌch'tʌbeñob i t'añ yic'ot woli' yotsan i c'ajtibal tac ja'el. 47Pejtelel jiñi tsa' bʌ i yu'bibeyob i t'añ jiñi ch'itoñ tsa' toj sajtiyob i pusic'al come ca'bʌl i ña'tʌbal yic'ot uts'at bajche' tsi' jac'beyob i t'añ. 48Che' bʌ tsi' q'ueleyob i tat i ña', tsa' toj sajtiyob i pusic'al. I ña' Jesús tsi' su'be:

—Calobil, ¿chucoch che' tsa' melbeyon lojon bajche' iliyi? Jiñi a tat yic'ot joñon ti' ch'ijiyemlel lojon c pusic'al tsa' c sʌclayet lojon,#2.48 Woli i tech i ts'ʌctiyel jiñi t'añ tsa' bʌ i yʌlʌ Simeón (Lc 2.35). —che'en.

49Jesús tsi' su'beyob:

—¿Chucoch tsa' la' sʌclayon? ¿Mach ba la' wujilic yom mic melben i ye'tel c Tat? #Lc 4.43; 9.22; 13.33; 17.25; 22.37; 24.7,26,44 —Che'en.

50Pero ma'añic tsi' ch'ʌmbeyob isujm i t'añ Jesús tsa' bʌ i su'beyob.

51Tsa' ju'bi majlel Jesús yic'otob. Tsa' c'oti ti Nazaret. Tsi' wen jac'be i t'añ i tat i ña'. Jiñi i ña' tsi' loto ti' pusic'al pejtelel tsa' bʌ ujti.

52Tsa' p'ojli i ña'tʌbal Jesús, tsa' chañ-a yic'ot tsa' chʌn q'uejli ti uts'at ti' wut Dios yic'ot ti' wut wiñicob x'ixicob.#1 Sm 2.26; Pr 3.4; Lc 1.80

Currently Selected:

Lucas 2: NTCH

Highlight

Copy