sēkarāya 11
11
1yotēkotā kit iskwātēma kiya lēpinan, iskotēw kita mēstikaswāt ki māsikiskātikoma. 2mawimokē kiya oskātik, cikēmā kawipayiw māsikiskātik, ayis kā miyosicik nisiwanātisiwak; mawimokēk, kiyawāw pēsān maskawātikwak, cikēmā kā sokāskwēyāk kawipayiw. 3pēhtākwan ē matwē mawimokēcik okanawimāyatihkwēwak! cikēmā o kistēyitākosiwiniwāw nisiwanātaniyiw; pēhtākosiwak ē pitikwatāmocik oskimistakēsiwak! cikēmā kā ki isi kistēyitamihk cārtan nisiwanātan.
4omisi itwēw kā tipēyihcikēt ni kisēmanitom; asamikok māyatihkwak kē nipaihcik; 5kā nipahikocik anihi kā ayāwikocik, ēkosi ēkā ē macātisiwakēyimisoyit; ēkosi anihi kā atāwākātikocik itwēyiwa, kita wi nanāskomāw kā tipēyihcikēt wiya ē wēyotisiyān; mina wiyawāw okanawimāyatihkwēmiwāwa namawiya kitimākinākwak. 6cikēmā namawiya awasimē ni ka kitimākinawāwak kā ot ihtāwinicik ota askihk, itwēw kā tipēyihcikēt māka mātika, ni ka pakitināwak ayisiyiniwak ētasicik wiciayisiyiniwa ocihciyihk, mina o kihci okimāma ocihciyihk; ēkosi kita pakamaamwak aski, ocihciyihk māka namawiya ni ka paspihāwak. 7mina ni ka asamāwak māyatihkwak kā wanipaihcik, kiyawāw oti kā kitimākisiyēk kanawēyimākanak. ni ki otinēn māka niso saskaonātikwa; anima pēyak katawāsisiwin, ni ki isiyihkātēn, ēkosi anima kotak tāhkopicikana ni ki isiyihkātēn; ni ki asamāwak māka kanawēyimākanak. 8nisto māka okanawimāyatihkwēwak ni ki kiskiwēpawāwak pēyak pisim; cikēmā ni ki sikatēyitamiikwak, ēkosi wiyawāw ni ki pakwātikwak. 9ēkwa māka ni ki itwān, namawiya ki ka asamitināwāw; ana kā wi nipit kiyām kita nipiw; mina ana kā wi kiskakiwēpaoht kiyām kita kiskiwēpawāw; ēkosi aniki kā iskoihcik kiyām kita mowitowak.
10ni ki otinēn māka ni saskaonātik anima katawāsisiwin, ēkosi ni ki kiskisēn, kita pikonamān kā ki wicihisicikēmakik kahkiyaw ayisiyiniwak. 11ki pikonikātēw māka ēwakwānima ē kisikāk; ēkosi isi kā kitimākisicik kanawēyimākanak aniki kā natohtawicik ki kiskēyitamwak ēwakwēyiw ot itwēwin kā tipēyihcikēt. 12#mātyo 27:9,10#mātyo 26:15ni ki itāwak māka, kispin kit isi miywēyitēnāwāw miyik ni tipahamākowin; kispin māka ēkā, kiyām ēkosāni. ēkosi ki tipāpēskoyēwak ni tipahamākowin ohci nistomitanaw tatwāpisk wāpiskisoniyāwa. 13kā tipēyihcikēt māka ni ki itik, isiwēpinamaw ana otasiskiwiyākanikēw ē isi miywakimicik aniki wiyawāw kā ki oyakimicik. ni ki otināwak māka aniki nistomitanaw tatwāpisk wāpiskisoniyāwak ni ki wēpinamawāw māka ana otasiskiwiyākanikēw, o wāskāhikanihk kā tipēyihcikēt. 14ēkwa ni ki kiskisēn anima kotak ni saskaonātik, anima oti tahkopicikana, kita pikonamān ē isi ociwāmitocik cota mina isrēil.
15kā tipēyihcikēt māka ni ki itik, otinamāso kēyāpic mina ot āpacihcikana ēkā kā iyinisit okanawimāyatihkwēw. 16cikēmā, mātika, ni ka pasikonāw okanawimāyatihkwēw ota askihk, ēwako namawiya kita natawāpēnikēw anihi kā kiskiwēpaomiht, mina namawiya kita nanātonawēw anihi kā piwāmokātimiht, mina namawiya kita iyinikahēw anihi kā pikopayiyit; mina namawiya kita asamēw kā kahkisiyit, māka kita miciw o wiyāsiyiw kā wiyinoyit, mina kita pikopitimēw waskasiyiwa. 17kotakitāwin kita ayāw ēkā nāntaw kā itāpatisit okanawimāyatihkwēw kā nakatāt māyatihkwa! isawēsk kita pakamaok ospitonihk mina kihci oskisikohk; ospiton mitoni kita sikwākatotēyiw mina kihci oskisik mitoni kita wanitipiskāyiw.
Currently Selected:
sēkarāya 11: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
