sēkarāya 12
12
1ē tēpwātēmihk ot itwēwin kā tipēyihcikēt isrēil ohci.
omisi itwēw kā tipēyihcikēt, ana kā ki taswēkakotāt kisikwa, mina kā ki oyaskāmikastāt aski, mina kā ki osihāt ahcāhkwa kā pihciskākoyit ayisiyiniwa.
2mātika, ni ka isitān cērosalam minikwākan kita ohci āyāhpayicik kahkiyaw ayisiyiniwak wāskā, ēkosi mina cota kita ayāw ispi anima kipotēwēskākaniwiki cērosalam. 3kita ayikin māka ēwakwānima kisikāki, ni ka isitān cērosalam asini kita sākohikocik kahkiyaw nanātohk ayisiyiniwak; kahkiyaw kā ohpinācik mistahi kita wisakiskākwak; mina kahkiyaw nanātokoskān ayisiyiniwak askihk kita māmawi māwasakostamwak. 4ēwakwānima kisikāki itwēw kā tipēyihcikēt, ni kā pakamitowāw kahkiyaw mistatim wawānēyitamowin mina kā tēhtapit waninēwin; ēkosi ni ka tokāpistawāwak aniki o wāskāhikanihk cota, mina ni ka pakamipayitowāw kahkiyaw otēmiwāwa nanātohk ayisiyiniwak ēkā kita wāpahtamiyit. 5aniki māka wēkimākatakik cota kita itwēwak otēhiwāhk, kā ot ihtāwinicik cērosalamihk ēwakonik ni maskawisiwin ē mamisitotawācik kā tipēyihcikēyit o kisēmanitomiwāwa.
6ēwakwānima kisikāki ni ka isihāwak aniki cota kā okimākatakik tāpiskoc iskotēwiyākan mēkwāyātikoskāhk, mina tāpiskoc wāsaskotēnikan ē kwākotēk mēkwa asapicikanihk; kita mēstikaswēwak māka ayisiyiniwa misiwē wāskā, kihciniskihk itēhkē mina namatinihk itēhkē; ēkosi cērosalam kēyāpic kita ayāw ita kā ot ihtāwinit, cērosalamihk oti. 7kā tipēyihcikēt māka nikān wikiyiwa cota kita pimacihtāwēw ē isi kistēyitākwaniyik o wāskāhikan tēpit mina o kistēyitākosiwiniwāw kā ot ihtāwinicik cērosalamihk ēkā kita ayiwākakitēyik iyikohk cota.
8ēwakwānima kisikāki kā tipēyihcikēt kita nātamawēw kā ot ihtāwiniyit cērosalamihk; ana māka ē nēsowisit ēwakonik ēkospi kita isi ayāw tāpiskoc tēpit; ēkosi o wāskāhikan tēpit tāpiskoc kisēmanito okisikoma kita itāpisinwak.
9kita ayispayiw māka ēwakwānima kisikāki, ni ka natonēn kita nisiwanācihakik kahkiyaw nanātokoskān ayisiyiniwak kē pē mawinēskakik cērosalam.
10 #
cān 19:37; kiskēyihtākohkēwin 1:7 #
mātyo 24:20; kiskēyihtākohkēwin 1:7 ni ka sikinamawāwak māka o wāskāhikanihk tēpit mina kā ot ihtāwinicik cērosalamihk, kisēwātisiwi mina mawimoscikēwi ahcāhkwa; kita kanawāpamēwak māka kā ki tahkamācik; mina kita mawikātēwak, tāpiskoc awiyak kā mawikātāt kā pēyakoyit okosisa, mina kita wisakitēhēwak ēwakoni ohci, tāpiskoc awiyak ē wisakitēhēt o nistamosāna ohci. 11ēwakwānima kisikāki mistahi kita mātonāniwan cērosalamihk, tāpiskoc kā ki isi mātonāniwahk anita hētātriman mēkitan wāyatināhk. 12aski māka kita mātomakan, kahkiyaw ē isi papēskitotēwisicik pahkān; ē piskitotēwisicik o wāskāhikanihk tēpit pahkān, mina wiwiwāwa pahkān; ē piskitotēwisicik o wāskāhikanihk nēhtān pahkān, mina wiwiwāwa pahkān; 13ē piskitotēwisicik o wāskāhikanihk lipay pahkān, mina wiwiwāwa pahkān; ē piskitotēwisicik aniki simiaitak pahkān, mina wiwiwāwa pahkān; 14kahkiyaw kā piskitotēwisicik kā iskocik, ē isi piskitotēwisicik pāpakān, mina wiwiwāwa pāpakān.
Currently Selected:
sēkarāya 12: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
