mālakay 3
3
1 #
mātyo 11:10; mārk 1:2; lok 1:76; 7:27 mātika, nit isitisawāw nit atoskēyākan, ēkosi ni ka nikāni kwayācitamāk mēskanaw; ana māka kā tipēyihcikēt kā natonawāyēk, sisikoc kita otitam o kihciayamihēwikamik; kā atoskēstamawātahk asotamākēwin, kā miywēyimāyēk, mātika kita takosin, itwēw kā tipēyihcikēt misiwē siyokātisit. 2#coil 2:11; kiskēyihtākohkēwin 6:17awēna māka kē ki ayāt anima ē kisikāk ispi takosiki? mina awēna kē ki nipawit ispi nokosici? cikēmā isi ayāw tāpiskoc okicistāpiskisikēw ot iskotēm, mina tāpiskoc owāpiskēkinokēw o kisipēkinikana; 3ēkosi kita apiw tāpiskoc kā kicistāpiskiswāt mina ē pēhkiāt wāpiskisoniyāwa, kita pēhkihēw māka okosisiyiwa lipay, mina kita kicistihēw tāpiskoc osāwisoniyāw mina wāpiskisoniyāw; kita pakitinamawēwak māka kā tipēyihcikēyit pakitināsowina kwayaskitātisiwinahk.
4ēkwa o pakitināsowiniyiw cota mina cērosalam kē miywēyitamwāt kā tipēyihcikēt, tāpiskoc kayās kā ki kakisikāk, mina kayās kā ki askiwahk. 5ēkosi māka kisiwāk ki ka pē natitināwāw kita oyasowēyān; ni ka kisiskā ācimawak māka aniki mitēwak, mina pisikwātisiskak, mina kā kiyāskiwi kihciitwēcik; mina aniki kā kitimaācik o tipahamākowiniyiw otatoskēstākēwa, sikāwiskwēwa, mina ēkā koyotāwiyit, mina kā pacitisaamawācik mānitēwa anima kita ki ayāyit, ēkā māka kā kosikwēyimicik niya, itwēw kā tipēyihcikēt misiwē siyokātisit. 6cikēmā niya kā tipēyihcikēt namawiya ni kwēskin; ēwako ohci kiyawāw okosisa cēkap, ēkā kā mēhciikawiyēk.
7aspin kotāwiwāwak kā ayācik ohci ki ki nakatēnāwāw nit isitwāwina, mina namawiya ki nākatokānāwāw. pē kiwētotawik, ēkosi nista ki ka kiwētotātināwāw, itwēw kā tipēyihcikēt misiwē siyokātisit. māka kit itwānāwāw, tānitē oma kē isi kiwēyāhk?
8kita maskaciēw ci kisēmanitowa ayisiyiniw? māka kiyawāw ki maskaciināwāw. māka kit itwānāwāw, tānisi kā isi maskaciitāhk? kā akihtamākawiyēk mina pakitināsowina. 9ki macakimikawināwāw macakimiwēwin ohci; cikēmā ki maskaciināwāw, kahkiyaw oti kā pēyakoskānēsiyēk. 10#lipitikas 27:30; nampars 18:21-24; tiyotaranami 12:6; 14:22-29; nihimāya 13:12pē pitokatāk astāsonikamikohk misiwē anima pēyak mitātaht ohci, miciwin kita ayāk ni wāskāhikanihk, ēkosi kotēyimik ēwako ohci, itwēw kā tipēyihcikēt misiwē siyokātisit, māhti ēkā kē yotēnamān wāsēnamāwina kisikohk, ēkosi kita sikinamātakok sawēyitākosiwēn, ēkā kita tawāk kita otinamēk. 11ēkosi ni ka kitotāw kā kitānawēt kiyawāw ohci, namawiya māka kita nisiwanācihtāw kā nihtāwikicikēmakahk kit askiwāw; namawiya mina ki sominātikowāw nohtaw kita pahkitatāw o minisima kistikānihk, itwēw kā tipēyihcikēt misiwē siyokātisit. 12kahkiyaw māka nanātokoskān ayisiyiniwak miywēyimowak ki ka itikowāwak; cikēmā kita miywēyitākwan kit askiwāw, itwēw kā tipēyihcikēt misiwē siyokātisit.
13ki ki sāsokēyimowi kitosināwāw, itwēw kā tipēyihcikēt. ēkosi kit itwānāwāw, tānisi kā isi sokēyimowi kitotitāhk? 14ki ki itwānāwāw, pikonata kā atoskāht kisēmanito; mina kēkway wēhtisiyāhk ē ki nākatēyitamāhk ot ayākwāmimiwēwin, mina kāmwātisiwinihk ē ki pimohtēyāhk ē wāpamikoyāhk kā tipēyihcikēt misiwē siyokātisit? 15ēkwa māka kā kistēyimot miywēyimo nit itwānān; ēhē, aniki kā atoskātahkik macāyiwin pasikonāwak; ēhē, kotēyimēwak kisēmanitowa, ēkosi paspihāwak.
16ēkwa aniki kā kosikwēyimācik kisēmanitowa ki ayamiitowak; kā tipēyihcikēt māka ki natohtam mina ki pēhtam, ēkosi kiskisitotākēwi masinahikan ki masinahamwān, aniki ohci kā kosikwēyimācik kā tipēyihcikēyit mina kā māmitonēyitamiyit o wiyowin. 17ēwakonik māka ni ka ayāwāwak, itwēw kā tipēyihcikēt misiwē siyokātisit anima kisikāki ispi māwasakonamāni anihi kihci ni māwacisoniyāwēwina ni ka manācihāwak māka, tāpiskoc ayisiyiniw kā isi manāciwāt tipiyaw okosisa kā atoskākot. 18ēkwa kē pē kiwēyēk mina kē nisitawinawat kā kwayaskitātisit mina kā macāyiwit, ana kā atoskawāt kisēmanitowa ana ēkā kā atoskawāt.
Currently Selected:
mālakay 3: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
