mālakay 2
2
1ēkwa māka kiyawāw ayamihēwiyinitik, oma oyasowēwin kiyawāw ohci. 2kispin ēkā wi pēhtamēko, mina kispin ēkā kitēhiwāhk astāyēko, kita kistakitamēk ni wiyowin, itwēw kā tipēyihcikēt misiwē siyokātisit, ēkwa macakimikowin ki ka isitisahamātināwāw, mina ni ka macakitēn ki sawēyitākosiwiniwāwa; ēhē, sāsay ni ki macakitēn, ēkā ē astāyēk kitēhiwāhk. 3mātika ni ka kitahamawātēn kistikana kiyawāw ohci mina omēciya ki ka sisokwēnitināwāw, ē omēciwaki oti ki pakitināsowiniwāwa; ēkosi ki ka kiki sipwētaikawināwāw. 4#nampars 3:11-13ki ka kiskēyitēnāwāw māka ē ki isitisahamātakok oma oyasowēwin, nit asotamākēwin kita ayāt lipay, itwēw kā tipēyihcikēt misiwē siyokātisit.
5 #
nampars 25:12
pimātisiwin mina pēyahtakēyimowin kā ki asotamawak; ēkosi ni ki miyāw kita kosikwēyimit, ni ki kosikwēyimik māka, mina ki kosikwēyitam ni wiyowin. 6tāpwēwini oyasowēwin ki ayāyiw otonihk, mina namawiya ki miskamwān maciitiwin otonihk; ni ki wicēwik pēyahtakēyimowinihk mina kwayaskitātisiwinihk, ēkosi mihcēt ki kwēskinēw maciitiwinihk ohci. 7cikēmā itastēw ayamihēwiyiniw otonihk kita kanawēyitahk kiskēyitamowin, ēkosi ayisiyiniwa kita natonamiyit oyasowēwin otonihk; cikēmā wiya ot atoskēyākana kā tipēyihcikēt misiwē siyokātisit. 8māka kiyawāw ki paskēhamānāwāw; mihcēt ki ki pisokēsinohāwāwak oyasowēwinihk; ki ki nisiwanācihtāwānāwāw ot asotamākowin lipay, itwēw kā tipēyihcikēt misiwē siyokātisit. 9ēkosi māka niya mina ki ki māyēyitākoitināwāw mina kita macēyimikoyēkok kahkiyaw ayisiyiniwak, anima ē ki isi ēkā nākatēyitamēk nit isitwāwina, māka ē ki kakēkināyēk ayisiyiniw oyasowēwinihk.
10nama ci pēyako kahkiyaw kotāwinaw? nama ci pēyak kisēmanito kā ki osihikoyahk? tānēhki māka kā kayēsitotātoyahk ē ociwāmitoyahk, ē pikonamwāyahk ot asotamākowiniwāw kotāwinawak?
11cota ki kayēyisiwi isihcikēw, mina kā pakwātikwahk ihtocikātēw isrēilihk mina cērosalamihk; cikēmā cota ki wiyipitāwēw o kanātisiwiniyiw kā sākihtāyit, mina ki wikimēw otānisiyiwa pitos manitowa. 12kā tipēyihcikēt kita kiskiwēpaamawēw anihi ayisiyiniwa ēkosi kā totamiyit anihi kā koskoskāyit mina anihi kā naskwēwasitāyit, wikihk ohci cēkap, mina anihi pakitināsowin kā pakētinamawāyit kā tipēyihcikēyit misiwē siyokātisiyit. 13oma māka mina kit ihtotēnāwāw; kit ākoskēnāwāw o pakitināsowināpisk kā tipēyihcikēt ohcikawāpiwina ohci, mina mātowin, mina mihciyawēmowin, ēkosi piyis namawiya pisiskēyitam pakitināsowin, mina namawiya naēyitam kita otinahk kicihciwāhk ohci.
14ēyiwēhk māka kit itwānāwāw, tānēhki? cikēmā kā tipēyihcikēt ki ki wāpamik kiya mina ana ē oskinikiyan ohci kā ki wiwiyan, ana kā ki kayēsihat, āta ēwako ki wicēwākan, mina kā ki wiwiyan kit asotamākēwinihk. 15nama ci māka pēyak ki osihēw, āta ē ayāwāt o miyikowiniyiw ahcāhkwa? tānēhki māka pēyak? ki natonam manitowi minisiwiwin. ēwako ohci māka ayākwāmisik kit ahcāhkowāhk, mina ēkāwiya awiyak kita kayēyisikatawēw kā ki wiwit ē oskinikit ohci. 16cikēmā ni pakwātēn wēpinitowin, itwēw kā tipēyihcikēt, o kisēmanitoma isrēil, mina ana macitotamowin kā ohci akwanaikākēt oskotākay, itwēw kā tipēyihcikēt, misiwē siyokātisit; ēwako ohci māka ayākwāmisik kit ahcāhkowāhk, ēkā kita kayēsiiwēyēk.
17ki ki sikatēyihtamihāwāw kā tipēyihcikēt kit itwēwiniwāwa ohci. ēkosi ēyiwēhk kit itwānāwāw, tānita kā sikatēyitamiāyāhk? anima kā itwēyēk, tahto awiyak kā macitotahk miyo kanawāpamik kā tipēyihcikēyit, ēkosi miywēyimēw ēwakoni; ahpo ē itwēyēk, tāniwā kisēmanito kā oyasowāsiwēt?
Currently Selected:
mālakay 2: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
