mālakay 1
1
1ot itwēwin kā tipēyihcikēt ē tēpwātāt isrēila mālakay ohci.
2 #
romana 9:13
#
aysāya 34:5-17; 63:1-6; cērimāya 49:7-22; isikiēl 25:12-14; 35:1-15; ēmās 1:11,12; opatāya 1:1-14 ki ki sākihitināwāw, itwēw kā tipēyihcikēt. ēyiwēhk māka kit itwānāwāw, tānita wiya kā sākihiyāhk? nama ci isā ēwakoni cēkap ociwāma? itwēw kā tipēyihcikēt; ēyiwēhk māka ni ki sākihāw cēkap; 3māka isā ni ki pakwātāw, mina o wacima ni ki kiwācihtāwān, mina kā tipēyihtahk ni ki miyimāwa pikwaci atimwa pikwataskihk kā ayācik. 4ēkosi wiya itam itwēw, ni kitimahikawinān, māka ni ka pē kiwānān ēkosi ni ka osihtānān kā pikwatastēki; omisi itwēw kā tipēyihcikēt misiwē siyokātisit, kita wāskāhikanikēwak māka ni ka nihciwēpinamwān; ēkosi ayisiyiniwa kita isiyihkātikwak, kā wāsakāmēyāk macāyiwin, mina, ayisiyiniwak kā tipēyihcikēt kā kisistawāt kākikē. 5ēkosi kiskisikowāhk ki ka wāpahtēnāwāw, mina ki ka itwānāwāw, kā tipēyihcikēt kita wi kistēyitākohāw awasāyihk ēsko otaskik isrēil.
6okosisimāw kistakimēw otāwiya, mina atoskēyākan ot okimāma; kispin māka niya otāwimāw, tānitē ni kistēyimikowin? mina kispin wēkimāwiwānē tāniwē ni kosikwēyimikowin? kitikowāw kā tipēyihcikēt misiwē siyokātisit, kiyawāw ayamihēwiyinitik, kā piwēyitamēk ni wiyowin. kit itwānāwāw māka, tānita kā piwēyitamāhk ki wiyowin? 7ki pakitināwāw ēkā ē pēkisit pahkwēsikan ni pakitināsowināpiskohk, ēkosi kit itwānāwāw, tānita ēkā kā kanātēyimitāhk? anima ē itwēyēk, o micisowinātik kā tipēyihcikēt māyēyitākwaniyiw. 8#tiyotaranami 15:21mina pēkitināyēko ēkā kā wāpit kita pakitināsoyēk, namawiya māyātan! mina pēkitināyēko kā māskisit mina kā āhkosit, namawiya māyātan! māhti ēkwa pakitinamaw koyasowēwikimām; ki ka miywēyimik ci? ahpo ci ki ka miyo otinamāk? itwēw kā tipēyihcikēt misiwē siyokātisit. 9ēkwa māka māhti kākisimototāhk kisēmanito kita kitimākinākoyahk; kiyawāw ohci oma kā ispayik; ki ka miyo otinamākowāw ci nikotwā kiyawāw? itwēw kā tipēyihcikēt misiwē siyokātisit.
10pitanē awiyak ihtāt kiyawāw kita kipaahk iskwātēma, ēkā pikonata kita kwākotēnamēk iskotēw ni pakitināsowināpiskohk! namawiya ki nahiyawēināwāw, itwēw kā tipēyihcikēt misiwē siyokātisit, namawiya mina ni ka otinēn pakitināsowin kicihciwāhk. 11cikēmā ē sākāstēk ohci piyis ē pahkisimot pisim ni wiyowin kita kihcēyitākwan cēntailināhk; mina misiwē ita wikimāsikāniwan ni wiyowinihk isi, mina ē pēkahk pakitināsowin; cikēmā ni wiyowin kita kihcēyitākwan cēntailināhk, itwēw kā tipēyihcikēt misiwē siyokātisit.
12māka wiya kiyawāw ki piwēyitākotānāwāw, anima kā itwēyēk, o micisowinātik kā tipēyihcikēt wiyipitāwān, mina ē isi minisiwaniyik, o wiyāsim oti, māyēyitākwaniyiw. 13kit itwānāwāw mina, mātika, tāpwē sikatēyitākwan! ēkosi ki ki ātawēyitēnāwāw, itwēw kā tipēyihcikēt misiwē siyokātisit; ēkosi ki ki pētānāwāw anima kā ki maskatwēhk, mina kā māskisit, mina kā āhkosit; ēkosi kā isi pētāyēk pakitināsowin; ni ka otinēn ci oma kicihciwāhk? itwēw kā tipēyihcikēt. 14māka kita macakimāw okayēsiiwēw kā ayāwāt māyatihkonāhk yāpēwa, kā kihciitwēt māka, ēkosi kā pakitinamawāt kā tipēyihcikēyit ē māskisiyit; cikēmā ni kihci okimāwin, itwēw kā tipēyihcikēt misiwē siyokātisit, mina ni wiyowin kostātēyitākwan cēntailināhk.
Currently Selected:
mālakay 1: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
