sēnt cān 9

1ēkota māka cisas ē ati pimohtēt, ki wāpamēw pēyak nāpēwa ēkā ē wāpiyit ēkosi ē ki isi nihtāwikiyit. 2o kiskinohamawākana māka ki kakwēcimik, ē itwēyit, rāpay, awēna kā macitotahk, awa ayisiyiniw, ahpo o nikiikwa, kā ki ohci isi nihtāwikit ēkā ē wāpit? 3cisas ki naskwēwasimēw, namawiya awa ayisiyiniw ē ki ohci macitotahk, ahpo onikiikwa: māka kisēmanitō ot atoskēwina kita ohci payatē wāpahtamoht ki ohci isi ayāw. 4ni kā atoskātēn ot atoskēwina ana kā pē isitisahot, ē mēkwa kisikāk: pē tipiskāw, ēkota namawiya awiyak ayisiyiniw kita ki atoskēw. 5#mātyo 5:14; cān 8:12iyikohk ē ayāyān ota askihk, niya ni wasēskēn oma aski. 6ispi māka omisi kā itwēt, ki sihko mocihk, asiski ē ki ositāt sihkowin ohci, ē ki siswāpināt māka anihi ēkā kā wāpiyit ayisiyiniwa asiski ohci. 7omisi māka ki itēw, sipwēhtē, kisipēki sailoam wayipēyāhk, (ēwako ē itwēstamawātamihk, kā isitisahoht). ki sipwētēw māka, mina ki kisipēkiw, ēkosi pē itohtēw ē pē wāpit.

8wiciyiniwa māka, mina kayatē kā ki wāpamācik ē mēkwa pakositwāyit, omisi ki itwēwak, namayēw ci awa kā ki apit ē pakositwat? 9atiht māka ki itwēwak, ēwako awa: kotakak ki itwēwak, ēkosi isinākosiw: māka wiya ki itwēw, niya ēwako. 10omisi māka ki itēwak, tānisi kā isi yotēnikātēki kiskisikwa? 11ki naskwēwasimēw māka omisi ē ki itwēt, ayisiyiniw cisas kā isiyihkāsot asiski ki ositāw, ē ki siswāpinit māka, ēkosi ni ki itik, itohtē sailoam wayipēyāhk, kisipēki māka: ni ki itohtān māka ē ki kisipēkiyān, ēkosi ni ki wāpin. 12ēkosi māka ki itēwāk, tanitē ēyāt? omisi ki itwēw, namawiya ni kiskēyitēn.

13ki pētamawēwak māka parasiwa anihi kayatē ēkā kā ki wāpiyit 14ayamihēkisikaw māka ēkospi cisas kā ki ositāt asiski, mina ē ki yotēnamwāt oskisikoyiwa. 15mina māka parasiwak ki kakwēcimēwak, tānisi kā ki isi wāpiyit. omisi māka ki itēw, ki astāw asiski niskisikohk, ēkosi ni ki kisipēkin, ni ki wāpin māka. 16ēkosi atiht parasiwak ki itwēwak, awa ayisiyiniw namawiya kisēmanitohk ohciw, cikēmā namawiya kanawēyitam ayamihēkisikaw. kotakak ki itwēwak, tānisi ayisiyiniw ē maci isihcikēskit kē ki isi kaskitāt kita tōtahk ohi mamahtāwi isihcikēwina? papitos māka ki ayitēyimēwak. 17mina māka omisi itēwak ēkā kā ki wāpiyit ayisiyiniwa, tānisi ētēyimat kiya anima ē ki yotēnamāsk kiskisikwa? omisi ki itēw, okiskiwēhikēwiw.

18māka cowak namawiya ki tāpwētamwak kā itācimimiht ēkā ē ki wāpiyit, mina ē ki miyimiht wāpiwin, pātimā piko kā natomācik onikiikoyiwa anihi kā ki miyimiht wāpiwin. 19mina kā kakwēcimācik ē itwēcik, ēwako ci awa kikosisiwāw, kā itwēyēk ēkā ē ki wāpit ē isi nihtāwikit? tānisi māka ēkwa ēsi wāpahtahk? 20onikiikwa ki naskwēwasimēyiwa omisi ē ki itāyit, ni kiskēyitēnān niyanān awa nikosisinan, ēkā kā ki wāpit ē nitawēkit: 21tānisi māka ēkwa kā isi wāpit namawiya ni kiskēyitēnān; ahpo awēnihi kā ki yotēnamiyit oskisikwa, namawiya ni kiskēyitēnān: ēkoyikohk kisēyātisiw; kakwēcimihk: wiya ki kā wihtamākowāw. 22ēkosi oma kā itwēyit o nikiikwa, cikēmā ki kostēyiwa cowa; wiya sāsay cowak ki itasowēwak, kispin awiyak itwēci ēwako awa, ēkosi kē wayawiwēpiniht ayamihēwikamikohk ohci. 23ēwako māka kā ohci itwēyit onikiikwa, ēkoyikohk kisēyātisiw; kakwēcimihk.

24mina māka ki natomēwak anihi nāpēwa ēkā kā ki wāpiyit, omisi ē ki itācik, miy kisēmanito nanāskomowin; ni kiskēyitēnān awa ayisiyiniw ē maci isihcikēskit. 25ki naskwēwasimēw māka omisi ē ki itāt, kispin mēci isihcikēskikwē, ahpo ēkā, namawiya ni kiskēyitēn; pēyak kēkway ni kiskēyitēn, ēkā ē ki wāpiyān, ēkwa māka ni wāpin. 26ēkosi māka mina ki itēwak, tānisi kā ihtōtāsk? tānisi kā isi yotēnahk kiskisikwa? 27ki naskwēwasimēw māka, sāsay ki ki wihtamātināwāw, māka namawiya ki ki natotēnāwāw; tānēki mina kā wi pēhtamēk? kistawāw ci ki kā okiskinohamawākanimikowāw? 28ēkwa māka kā kikāmacik ē itācik, kiya ko kiskinohamawākanimik; niyanān māka mosis ni kiskinohamākonān. 29ni kiskēyitēnān kisēmanito ē ki kitotāt mosisa: awa māka ayisiyiniw, namawiya ni kiskēyitēnān itē wēhcit. 30ana māka ayisiyiniw ki naskwēwasimēw omisi ē ki itāt, mamaskatikwan tāpwē oma, ēkā ē kiskēyimāyēk itē wēhcit ēyiwēhk māka ē ki yotēnahk niskisikwa. 31ki kiskēyitēnānaw ēkā kisēmanito ē natotawat kā macātisiyit: māka kispin awiyak ayisiyiniw ayamihēstawāci kisēmanitowa, mina totaki ot itēyitamowiniyiw, ēwako nētotākot. 32aspin kā pē askiwahk namawikāc ohci pētakwan awiyak ayisiyiniw kita yotēnamawāt oskisikoyiwa kā ki isi nihtāwikiyit ēkā ē wāpiyit. 33kispin awa ayisiyiniw ēkā kisēmanitohk ohcit nama kēkway kita ki totam. 34ki naskwēwasimēwak māka omisi ē ki itācik, mitoni maci isiwēpisiwinihk ki ki nihtāwikin, ki kiskinohamāwinan ci māka niyanān? ki wayawiwēpinēwak māka.

35cisas māka ki pētam ē ki wayawiwēpinayit; ispi māka kā miskawat, omisi ki itēw, ki tāpwēyēyimaw ci kisēmanitowikosisān? 36ki naskwēwasimēw māka omisi ē ki itwēt, awēnāna, tēpēyihcikēyan, kita tāpwēyēyimak? 37cisas māka omisi ki itēw, ki ki wāpamāw, ēwako māka awa kā ayamiisk. 38omisi māka ki itēw, tēpēyihcikēyan, ni tāpwētēn. ēkosi ē ki ocihcihkwanapistawāt.

39cisas māka omisi ki itwēw, oyasowāsiwēwin ni pē ohci itohtān ota askihk, aniki māka, ēkā kā wāpicik kita wāpicik; aniki māka mina kā wāpicik kita ēkā wāpicik. 40atiht māka parasiwa kā wicēwacik ē pēhtahkik ohi itwēwina, ki itēwak. niyanān ci mina nama ni wapinān? 41cisas māka omisi ki itēw, kispin ēkā wāpiyēk, namawiya ki kā ayātāwāw maciitiwin; māka ēkwa kit itwānāwāw, ni wāpinān; ēkosi māka ihtakwan ki maciitiwiniwāw.

Currently Selected:

sēnt cān 9: KKMR

Highlight

Copy