sēnt cān 10

1tāpwē, tāpwē, kit itināwāw, ana ēkā kā pihtokēt ē isi iskwatēmiwahk māyatihkokamik, māka pitos ita ohci kospātawici, ēwako kimotisk mina omaskatwēsk. 2māka ana iskwatēmihk kā ohci pihtokēt ēwako okanawimāyatihkwēw. 3yotēnamak māka okanawiskwātawēwa; māyatihkwa māka natotamiyiwa ot itwēwin: ē isiyihkāsoyit māka isi natomēw tipiyaw o māyatihkoma, ēkosi ē wayawitaāt. 4ispi māka wēyawipakitināci tipiyaw o māyatihkoma, nikānotawēw, ēkosi māyatihkwa ati pimitisahok: wiya ē nisitohtākot. 5manitēwa namawiya kita pimitisawēwak, māka kita tapasiēwak; wiya ēkā ē nisitotawācik mānitēwa. 6ēwako oma āwēcikan cisas kā wawitamawāt; māka namawiya ki nisitohtawēwak kēkway kā isi wawitamakocik.

7cisas māka mina omisi ki itēw, tāpwē, tāpwē, kit itināwāw, niya ot iskwātēmiwāw māyatihkwak. 8kahkiyaw kā ki pē itohtēcik mwayēs pē itohtēyān kimotiskak mina maskatwēskak; māka māyatihkwa namawiya ki natotākwak. 9niya iskwātēm; kispin niya ohci awiyak ayisiyiniw pihtokēci, ēwako kē pimātisit, kita pitokēw māka mina kita wayawiw, kita miskam māka kē micit. 10kimotisk namawiya pē itohtēw, piko kita kimotit mina kita nipatākēt, mina kita nisiwanācihiwēt; niya māka ni pē itohtān kita ayācik pimātisiwin mina māka kita wēyoci ayācik. 11niya omiyo kanawimāyatihkwēw: omiyo kanawimayatikwēw mēkiw o pimātisiwin māyatihkwa ohci. 12māka kā mohci atoskēstākēt, ēkā kā okanawimāyatihkwēwit, ēkā kā tipiyawēwisit māyatihkwa, ē wāpamāt maikana ē pāpatāyit, ēkosi isi nakatēw māyatihkwa ē tapasit: ēkosi māka maikan otihtinēw, mina siswētisawēw māyatihkwa 13tapasiw, cikēmā mohci atoskēstākēw ēkosi namawiya tāpwē mitonēyimēw māyatihkwa. 14#mātyo 11:27; lok 10:22niya omiyo kanawimāyatihkwēw, ni kiskēyimāwak ni māyatihkomak, mina ki kiskēyimikwak kā ayāwakik, 15tāpiskoc kā isi kiskēyimit wēyotāwihk, ēkosi nista kā isi kiskēyimak wēyotāwihk: mina ni pakitinēn ni pimātisiwin māyatihkwak ohci. 16kotakak māka mina māyatihkwak nit ayāwawak, ēkā ē wiciiwēcik oma māyatihkokamik; ēwakonik mina ni ka pēsiwāwak, ēkosi māka kita natotamwak nit itwēwin; kita pēyakwan māka māyatihkokamik, mina kita pēyako okanawimāyatihkwēw. 17ēwako māka wēci sākihit notāwi, cikēmā ē pakitinamān ni pimātisiwin, mina māka kita otinamān. 18nama awiyak ayisiyiniw ni maskamik niya tipiyaw ni pakitinēn. nit ayān kaskihēwisiwin kita pakitinamān, mina nit ayān kaskihēwisiwin kāwi kita otinamān. ēwako oma oyasowēwin kā miyit notāwi.

19ēkosi māka cowak papitos ki ayitēyimēwak omisi ē ki ayitwēyit. 20mihcēt māka ki itwēwak, ayāwēw maci ahcāhkwa ēkosi waninēw; tānēki kā natotawāyēk? 21kotakak ki itwēwak, namawiya ēwakoni ot itwēwina awiyak maci ahcāhkwa ē ayāwāt. kita ki ci yotēnamwēw maci ahcāhk oskisikoyiwa ēkā kā wāpiyit?

22ēkota māka cērosalamihk mēkwāc kanācitawi wihkohtowin ē pipohk māka. 23ēkosi cisas ki pimohtēw kihci ayamihēwikamikohk, saloman o pitawiskwātēmihk. 24cowak māka ki pē wāskākāpawistawēwak, omisi ē ki itācik, taniyikohk kē wawanēyitamiiyāhk? kispin kiya iyāwiwanē Christ mitoni wihtamawinān. 25cisas ki naskwēwasimēw, ki ki wihtamātināwāw, māka namawiya ki ki tāpwētēnāwāw: anihi atoskēwina kā totamān notāwi ot isiyihkāsowinihk nit ācimikon. 26māka namawiya ki tāpwētēnāwāw, cikēmā namawiya kiyawāw ni māyatihkomak. 27ni māyatihkomak natotamwak nit itwēwin, ni kiskēyimāwak māka, ēkosi ni pimitisaokwak: 28ni miyāwak. māka kākikē pimātisiwin; ēkosi namawikāc kita nisiwanātisiwak, namawikāc mina awiyak ni kā kēcicihcēnik. 29notāwi, kā miyit, māmawēyēs kihcāyiwiw; nama awiyak ayisiyiniw kita kaskitaw kita kēcicihcēnāt notāwiya. 30niya mina notāwi ni pēyakonān. 31cowak māka mina ki otinēwak asiniya ē wi pimwapiskawacik. 32cisas ki naskwēwasimēw, mihcēt miyo atoskēwina ki ki wāpahtaitināwāw notāwi ohci; tānānii atoskēwina kā wi ohci pimwapiskaoyēk? 33#lipitikas 24:16cowak ki naskwēwasimēwak ē itwēcik, namawiya miyo atoskēwin ki wi ohci pimwapiskaotinān; māka pastāmowin ohci; cikēmā kiya ē ayisiyiniwiyan, ki kisēmanitokāson. 34#nikamona 82:6cisas ki naskwēwasimēw, nama ci itasinahikātēw koyasowēwiniwāhk, ni ki itwān, ki manitowināwāw? 35kispin māka manitowak ki isiyihkātēw anihi kisēmanitowa ot itwēwiniyiw kā otihtikoyit, (namawiya māka kita ki pikonikātēk kihci masinahikēwin), 36kit itimawawa ci wēyotaihk kā ki kanaciāt, mina kā ki pē isitisawāt ota askihk, ki pastāmon; cikēmā ē ki itwēyān, ni kisēmanitowi kosisāniwin. 37kispin ēkā ētotamowanē ot atoskēwina notāwi, ēkāwiya tāpwētawik. 38kispin māka kā itotamowanē, āta ēkā tāpwētawiyēko, tāpwētamok atoskēwina: kita kiskēyitamēk, mina kita tāpwētamēk, ē kikiskāwit notāwi, mina niya ē kikiskawak notāwi. 39mina māka ki natonamwak kita otinācik: māka ki sipwētēw ēkā ē ki otinācik.

40 # cān 1:28 ki itohtēw māka mina akāmihk cārtanihk, can nistam ita kā ki paptaisiwiiwēt; ēkotē māka ki ayāw. 41mihcēt māka ki pē wayotitik, omisi ē ki itwēyit, can namawiya ki mamahtāwi isihcikēw: māka kahkiyaw can kā ki ayitācimāt ohi ayisiyiniwa ki tāpwēw. 42mihcēt māka ēkota ki tāpwēyēyimik.

Currently Selected:

sēnt cān 10: KKMR

Highlight

Copy