sēnt cān 8

1māka cisas ki itohtēw ālips wacihk. 2wipac kēkisēp māka mina ki pē itohtēw kihci ayamihēwikamikohk, kahkiyaw māka ayisiyiniwak ki pē nātēwak; ēkosi ki nahapiw, ē ki kiskinohamawāt. 3masinahikēwiyiniwak māka, mina parasiyak ki pētamawēwak iskwēwa ē ki otiniht mēkwa pisikwātisiwinihk, ispi māka tāwayihk kā pakitinācik, 4omisi ki itēwak, okiskinohamākēw, awa iskwēw ki otināw pisikwātisiwinihk, mitoni isihcikēwinihk. 5#lipitikas 20:10; tiyotaranami 22:22-24mosis māka ni ki itikonān oyasowēwinihk, awa towikān kita pimwapiskaoht: tānisi māka kiya ētwēyan? 6ēwako oma ē ki itācik ē wi kotēyimācik, ē wi wikwacitācik kē ohci nisiwanācimācik. cisas māka ki nawakiw, o cihci ohci ē masinahikēt mocihk, tāpiskoc ēkā ē pētawāt. 7kēyāpic māka ē kakwēcimācik, ki tasokāpawiw, omisi ē ki itāt, awiyak ēkā wikāc kiyawāw mēciisicikēkwē kā itasiyēk, kiyām ēwako nikān kita pimwapiskawēw. 8mina māka ki nawakiw, ē masinahikēt mocihk. 9aniki māka kā pēhtahkik, ē kiskēyimisocik ē ki maci isihcikēcik, ki ati pāpēyako wayawiwak, nistam ana ē kayatēyātisit, piyis ana iskwāyāc: cisas māka ki pēyako nakatāw, tāwayihk ē nipawit ana iskwēw. 10ispi māka cisas kā opiskwēyit, namawāc awiya ayisiyiniwa wāpamēw piko anihi iskwēwa, omisi māka ki itēw, iskwēw, taniwēkā kā mamisimiskik, nama ci awiyak kohci oyasowātik? 11omisi māka ki itēw, namawiya awiyak, tēpēyihcikēyan, cisas māka omisi ki itēw, namawiya nista koyasowātitin; sipwēhtē, ēkāwiya māka mina wikāc maci isihcikē.

12 # mātyo 5:14; cān 9:5 cisas māka mina ki ayamiēw, omisi ē itwēt, niya ni wasēskēn oma aski: ana māka pēmitisaot namawiya wanitipiskāhk kita pimohtēw, māka kita ayāw pimātisiwi wāstēw. 13#cān 5:31parasiyak māka ki itēwak, kiya kit ācimison; namawiya māka tāpwēmakan kā itācimoyan. 14cisas ki naskwēwasimēw omisi ē ki itāt, ātawiya niya nit ācimison, ēyiwēhk māka tāpwēmakan nit ācimowin; cikēmā ni kiskēyitēn itē wēciyān, mina itē ētotēyān; māka namawiya ki kā ki witēnāwāw itē wēciyān, mina itē ētotēyān. 15wiyāsihk kiyawāw kit isi oyasowāsiwanāwāw; nama awiyak niya noyasowataw. 16kispin māka oyasowāsiwēyāni tāpwēmakan ēsi oyasowēyān; cikēmā namawiya ni pēyakon, māka niya mina wēyotāwihk kā pē isitisahot. 17#tiyotaranami 19:15mina ēkosi itasinahikātēw koyasowēwiniwāhk, ē tāpwēmakaniyik ot ācimowiniwāw niso ayisiyiniwak. 18niya pēyak kā acimisoyān, mina wēyotāwihk kā pē isitisahot nit ācimik. 19omisi māka ki itēwak, tāniwā kotāwi? cisas ki naskwēwasimēw: namawiya ki kiskēyimināwāw, ahpo notāwi, ki kiskēyimiwēkopanē, ki kā ki kiskēyimātāwāw notāwi mina. 20ēwakwani ohi itwēwina kā ayitwēt cisas soniyāwi pakitināsowikamikohk, ē mēkwā kiskinohamākēt kihci ayamihēwikamikohk: nama māka awiya ki ohci otitinik; cikēmā namēskwa ki otihcipayiyiw iyikohk kita otiniht.

21cisas māka mina ki itwēw, ni sipwētan ki kā nanātonawināwāw māka, mina ki kā nipināwāw ki maciitiwiniwāhk; itē ētotēyān, namawiya ki kā kaskitānāwāw kita pē itotēyēk. 22ki itwēwak māka cowak, kita nipaiso ci? kā ohci itwēt, itē ētotēyān, namawiya ki kā kaskitānāwāw kita pē itotēyēk? 23omisi māka ki itēw, nicāyihk kiyawāw kocināwāw; niya māka ispimihk ni pē ototān; kiyawāw askihk ki tipēyitākosināwāw; namawiya niya askihk ni tipēyitākosin. 24ēwako māka kā ohci ititakok, ki kā nipināwāw ki maciitiwiniwāhk; kispin ēkā tāpwētamēko niya ē awiyān, ki kā nipināwāw ki maciitiwiniwahk. 25omisi māka ki itēwak, awēna kiya? cisas māka omisi itēw, ana kēyāpic kā ki wihtamātakok micimac ohci. 26mihcēt kēkwaya nit ayān kita itwēyān, mina kita isi oyasowātitakok; māka ana kā pē isitisahot tāpwēwiniwiw; ni wihtamawawak māka askihk kā ayācik kā isi pētawak 27namawiya māka nisitohtawēwak ē itasimāyit wēyotāwihk. 28ēkwa māka cisas ki itēw, ispi ki opāskonāyēko iyiniwikosisān, ēkwa kē kiskēyitamēk niya ē awiyān, mina ēkā niya kēkway ē pēyako itotamān: māka piko kā isi kiskinohamāwit notāwi, ēwakoni ohi kā ayitwēyān. 29kā pē isitisahot māka ni wicēwik: namawiya ni pēyako nakatik; cikēmā kakikē nit itotēn anihi kā nahiyawēikot. 30mēkwāc māka ē wawitahk ohi itwēwina, mihcēt ki tāpwēyēyimik.

31cisas māka omisi ki itēw anihi cowa kā tāpwēyēyimikot, kispin ayāyēko nit itwēwinihk, tāpwē kiyawāw ki kā okiskinohamawākanimitināwāw; 32ki kā kiskēyitēnāwāw māka tāpwēwin, mina tāpwēwin ki kā tipēyimisoikonāwāw. 33#mātyo 3:9; lok 3:8ki naskwēwasimēwak māka, niyanān ēprēām ot awāsimisa, namawikāc noh awakānikātikonān awiyak ayisiyiniw; tānisi māka kiya ētwēyan, ki kā tipēyimisoikawināwāw? 34cisas māka ki naskwēwasimēw, tāpwē, tāpwē, kit itināwāw, awiyak mēci isihcikēkwē awakānikātik maci isihcikēwin. 35namawiya awakān kakikē ayāw wāskāhikanihk: māka okosisimāw kākikē ayāw. 36kispin māka okosisimāw tipēyimisoikoyēko, tāpwē isa ki kā tipēyimisonāwāw. 37ni kiskēyitēn ēprēām ē ot awāsimisimikoyēk; māka ki nanātonēnāwāw kita nipaiyēk, cikēmā nit itwēwina namawiya ki kikiskakonāwāw. 38ni wihtēn kā ki ayisinawak notāwi; kistawāw māka kit isicikānāwāw kā ayisinawāyēk kōtāwiwāw. 39ki naskwēwasimēwak māka omisi ē ki itācik, ēprēām noyotāwinān. cisas omisi itēw, kispin ēprēām ot awāsimisimikoyēk, ki kā ki totēnāwāw ot atoskēwina ēprēām. 40anohc māka ki nanātonēnāwāw kita nipaiyēk, ayisiyiniw kā ki wihtamākoyēk tāpwēwin, kā ayititawak kisēmanito; namawiya ēkosi kā ki itotahk ēprēām. 41kit isicikānāwāw ot itotamowina kotawiwāw. ēkosi ki itēwak, namawiya pisikwātisiwinihk kā ki nihtāwikiyāhk; pēyako notāwinān, ēwako ana kisēmanito.

42cisas māka ki itēw, kispin kisēmanito ki oyotāwiyēk ki kā ki sākihitawāw; cikēmā kisēmanitohk ni ki pē ototān; namawiya niya tipiyaw ni pē itohtān, māka ni ki pē isitisahok. 43tānēki ēkā kā nisitohtamēk ni pikiskwēwin? cikēmā ēkā ē natotamēk nit itwēwin. 44kiyawāw koyotāwināwāw macāya mina o maci natawēyitamowina kotāwiwāw ēkosi wā isihcikēyēk. micimāc ohci ki nipatākēskiw, namawiya tāpwēwinihk ayāw, cikēmā namawiya kikiskāk tāpwēwin. ispi isa kēyāskici pikiskwatam anima kā kikiskākot: cikēmā kiyāskiskiw, mina ōtāwikahtam kiyāskiwin. 45cikēmā ē wihtamātakok tāpwēwin, namawiya ki tāpwētēnāwāw. 46tānāna kiyawāw kē tāpwēmit macitotamowin ē atāmimit? kispin māka tiyāpwēwanē, tānēki ēkā kā tāpwētawiyēk? 47kisēmanitohk kā tipēyitākosit natotam kisēmanitowa ot itwēwiniyiwa: kiyawāw ēkā wēci natotamēk, cikēmā namawiya kisēmanitohk ki tipēyitākosināwāw.

48ki naskwēwasimēwak māka cowak ē ki itācik, nama ci kwayask nit itwānān ē samāritaniwiyan, mina ē ayāwat maci ahcāhk? 49cisas ki naskwēwasimēw, namawiya nit ayāwāw maci ahcāhk: māka ni kistēyimāw notāwi, kiyawāw māka ki piwēyimināwāw. 50namawiya māka ni natonēn tipiyaw ni kistēyitākosiwin: itāw ana nētonahk, mina kā oyasowāsiwēt. 51tāpwē, tāpwē, kit itināwāw, kispin ayisiyiniw kanawēyihtahki nit itwēwin, namawikāc kita wāpahtam nipowin. 52ēkosi māka cowak ki itēwak, ēkwa ni kiskēyitēnān ē ayāwat maci ahcāhk. ēprēam ki nipiw, mina okiskiwēhikēwak; kiya māka kit itwān, kispin ayisiyiniw kanawēyihtahki nit itwēwin, namawikāc kita kocistam nipowin. 53awasimē ci kiya kit itēyitākosin ispic notāwinan ēprēām, kā ki nipit? mina okiskiwēhikēwak kā ki nipicik; awēna māka kiya ētakimisoyan? 54cisas ki naskwēwasimēw, kispin niya kistakimisoyāni namawiya nānitaw itāpatan ni kistakimikowin: notāwi kā kistakimit; ni kisēmanitominan kā itāyē: 55kēyāpic māka namawiya ki kiskēyimawāw; māka niya ni kiskēyimāw; kispin māka namawiya ni kiskēyimāw itwēyāni, ni kā kakiyāskiskin tāpiskoc kiyawāw: māka ni kiskēyimāw, mina ni kanawēyitamwān ot itwēwin. 56kotāwiwāw ēprēām ki mamahtākosiw ē wi wāpahtahk ni kisikam; ki wāpahtam māka, ēkosi ki miywēyitam. 57ēkosi māka cowak ki itēwak, namēskwa niyānanomitanaw kit itahto piponwan, ki ki wāpamāw ci māka ēprēām? 58cisas māka omisi ki itwēw, tāpwē, tāpwē, kit itināwāw, ē mwayē ayāt ēprēām ni ki ayān. 59ki otinēwak māka asiniya ē wi pimwapiskawācik; māka cisas ki kāso, mina ē ki wayawit kihci ayamihēwikamikohk ohci.

Currently Selected:

sēnt cān 8: KKMR

Highlight

Copy