sēnt cān 7

1kā ponipayiki ohi cisas ki papāmotēw kalalihk; cikēmā namawiya wi pimohtēw cotiaihk, wiya cowa ē ki natonamiyit kita nipaikot. 2#lipitikas 23:34; tiyotaranami 16:13mikiwapi wihkohtowin māka o wihkohtowiniwāw cowak sāsay kēkāt otihcipayiw. 3ociwāma māka omisi ki itik, sipwēhtē mina itohtē cotiyaihk, wistawāw ki kiskinohamawākanak kita wāpahtahkik atoskēwina kā totaman. 4cikēmā nama awiyak ayisiyiniw kēkway kimoc ayitotam, ēkosi wiya ē natonahk mosis kita kiskēyimiht. kispin ēkosi ēsicikēwanē, nokoiso ota askihk. 5cikēmā ahpo ociwāma namawiya ki tāpwēyēyimik. 6cisas māka omisi ki itēw, namēskwa niya ni naipayiikon; kiyawāw māka kakikē ki naipayiikonāwāw. 7namawiya ki kā ki pakwātikonāwāw aski; māka niya ni pakwatikon, cikēmā nit ātotēn, ē isi atoskātamihk kā macayiwahk. 8itohtēk kiyawāw wihkohtowinihk; namēskwa niya nit itohtān oma kā wi wihkohtonāniwik; cikēmā namēskwa niya ni tipipayiikon. 9ispi māka kā ayitāt ohi itwēwina, kēyāpic ki ayāw kalalihk.

10māka ispi ociwāma kā sipwētēyit, wista ki itohtēw wihkohtowinihk, namawiya māka mosisē, māka tāpiskoc piko kimoc. 11cowak māka ki nanātonawēwak wihkohtowinihk, omisi ē itwēcik, tānitē ēyāt? 12mistahi māka ki wayotwēwēmitowak ayisiyiniwak wiya ohci; cikēmā ātiht ki itwēwak, miyo ayisiyiniwiw; kotakak māka ki itwēwak, namawiya; wawayēsiēw ayisiyiniwa. 13namawiya māka awiya ayisiyiniwa mosisē ki āyimōmik, wiya ē kostācik cowa.

14māka ispi mitoni ē mēkwā pimipayik wihkohtowin cisas ki itohtēw kihci ayamihēwikamikohk, ēkosi ki kiskinohamākēw. 15cowak māka ki māmaskātēyitamwak, omisi ē ki itwēcik, tānisi ēsi kiskēyitahk awa ayisiyiniw kiskinohamātowina, ēkā wikāc ē ohci kiskinohamāht? 16cisas māka ki naskwēwasimēw, omisi ē ki itāt, namawiya niya ni kiskinohamākēwin māka ana kā pē isitisahot. 17kispin awiyak ayisiyiniw wi itotahki ē itastēyik ot itēyitamowin, kita kiskēyitam oma kiskinohamākēwin, kispin kisēmanitohk wēcimakanokwē ahpo niya piko wēcipayikwē ni pikiskwēwin. 18ana wiya piko ohci kā pikiskwēt natonam wiya o kistēyitākosiwin; ana māka wiya kā natonamwāt o kistēyitākosiwiniyiw anihi kā pē isitisahokot, ēwako tiyāpwēt, namawiya māka kēkway maci isihcikēwin kikiskāk. 19nama ci mosis ki ki miyikotawāw oyasowēwin namawiya māka awiyak kā itasiyēk tipitotam oyasowēwin? kēkway māka kā ohci wi nipaiyēk? 20ayisiyiniwak māka ki naskwēwasimēwak omisi ē ki itācik, kit ayawāw maci ahcāhk; awēna nētawēyitahk kita nipaisk? 21cisas ki naskwēwasimēw omisi ē ki itāt, pēyak atoskēwin ni ki totēn, kahkiyaw māka ki ki māmaskātēnāwāw. 22#lipitikas 12:3; cēnisis 17:10mosis māka ki ki miyikowāw kiskinawacisawatitowin; (namawiya mosis ē ki ohci isihcikēhk, māka otāwimawak ohci;) ē ayamihēkisikak māka ki kiskinawacisawatāwāw ayisiyiniw. 23#cān 5:9kispin māka ayisiyiniw ē ayamihēkisikāyik otinam kiskinawācisawatitowin, ēkā kita pikonikātēyik mosis oyasowēwin: ki kisīstawināwāw ci mitoni ē ki iyinikahak ayisiyiniw ē ayamihēkisikāk? 24ēkāwiya ē isi wāpahtamēk isi oyasowāsiwēk, māka oyasowāsiwēk ē isi kwayaskwahk oyasowāsiwēwin.

25ki itwēwak māka atiht cērosalamihk ēyācik, nama ci ēwakoni kā nanātonawacik ē wi nipahācik? 26cist māka, mosis pikiskwēw namawiya māka nānitaw ki itēwak. mātwāni ci tāpwē kiskēyitamwak oyasowēwiyiniwak ēwakwani ohi Christ. 27ātawiya ki kiskēyimānaw awa ayisiyiniw itē wēhcit; māka ispi Christ takosiki, nama awiyak ayisiyiniw kita kiskēyitam itē wēciyit. 28cisas māka ki isi tēpwēw kihci ayamihēwikamikohk mēkwāc ē kiskinohamākēt, omisi ē itwēt, namawiya piko ki kiskēyimināwāw māka ki ki kiskēyitēnāwāw itē wēciyān; namawiya niya tipiyaw ni pē itohtān, māka ana kā pē isitisahot tāpwēwiniwiw, ēkā kā kiskēyimāyēk. 29māka niya ni kiskēyimāw; cikēmā kā ayāt ēkotē nocin, mina ni ki pē isitisahok. 30ēkosi māka ki nanātonamwak kita otinācik; māka nama awiya ki otitinik, cikēmā namēskwa ki otihcipayiyiw iyikohk. 31mihcēt māka ayisiyiniwak ki tāpwēyēyimēwak, omisi ē itwēcik, ispi Christ takosiki, awasimē ci kita mamahtāwi isihcikēw iyikohk awa ayisiyiniw kā ki isihcikēt?

32pārasiyak māka ki pētawēwak ayisiyiniwa ē tasimāyit; pārasiyak māka mina kihci ayamihēwiyiniwak ki sipwētisawēwak otiniwēwa kita natawi otināyit. 33cisas māka omisi ki itēw, kēyāpic aciyaw ki wicēwitināwāw, ēkosi ni ka nātāw ana kā pē isitisahot. 34ki kā nanātonawināwāw, namawiya māka ki kā miskawināwāw: ita māka ē ayāyān, namawiya ki kā kaskitānāwāw kita pē itotēyēk. 35omisi māka ki ayititowak cowak, tanitē kē itohtēt, ēkā māka kita miskawāyahk? kita nātēw ci kā siswēskāyit mēkwa cēntailināhk, kita kiskinohamāwāt cēntaila? 36kēkway itwēwin oma kā itwēt, ki kā nanātonawināwāw, namawiya māka ki ka miskawināwāw; mina ita ē ayāyān, namawiya ki kā ki pē itohtānāwāw?

37 # lipitikas 23:36 ēkwa māka iskwayāc ē kisikāk, ē kihci wihkohtowi kisikāk, cisas ki nipawiw, ē ki tēpwēt, omisi ē itwēt kispin awiyak niyotēyāpākwēkwē, kiyām ni kā pē nātik, ēkosi kita minikwēt. 38#isikiēl 47:1; sēkarāya 14:8ana isa kā tāpwēyēyimit, mwēhci kā itwēmakahk masinahikēwin, watahk kita ohciciwaniyiwa sipiya pimātisiwini nipi. 39māka oma ahcāhkwa kā itāt, anihi tāpwēyēyimikoci kita miyikowisiyit: cikēmā namēskwa mēkināniwan kā kanātisit ahcāhk, cikēmā namēskwa cisas kistēyitākoāw.

40mihcēt māka ayisiyiniwak, ispi piyēhtahkik oma itwēwin, ki itwēwak, ēwako awa tāpwē ana okiskiwēhikēw. 41kotakak māka ki itwēwak, ēwako awa Christ. māka ātiht omisi ki itwēwak, kālalihk ci kita pē ohciw Christ? 42#2 sāmyoil 7:12; maika 5:2nama ci kihci masiniikēwin itwēmakan, Christ kita pē ohcit tēpit ot awāsimisiyihk, mina pētliēmihk ohci, ita kā ki ot itāwinit tēpit? 43ēkosi māka pāpitos ki ayitēyimēwak ayisiyiniwak. 44atiht māka o wi otinatāwāw namawiya māka awiyak otihtinēw.

45otiniwēwak māka ki pē natawāpamēwak kihci ayamihēwiyiniwa mina parasiya; omisi māka ki itikwak, tānēki ēkā kā pēsiwāyēk? 46otiniwēwak māka ki naskwēwasimēwak, namawikāc ayisiyiniw isi pikiskwēw tāpiskoc awa nāpēw. 47parasiyak māka ki naskwēwasimēwak, kistawāw ci ki wayēsimikawināwāw? 48awiyak ci oyasowēwiyiniwak ahpo parasiyak ki tāpwēyēyimēwak? 49māka oko ayisiyiniwak, ēkā kā kiskēyitahkik oyasowēwin, nānipocikāsowak. 50#cān 3:1,2nikotimas māka omisi itēw, (ana kā ki pē nātāt cisasa ē mēkwa tipiskāyik, wista ēkotowa pēyak,) 51oyasowātik ci ayisiyiniw koyasowēwininaw mwayēs natotākot, ahpo kiskēyimikot ē isihcikēt? 52ki naskwēwasimēwak māka omisi ē itācik, kalalihk ci kista kocin? mahti natonikē, mina wāpahta; nama awiyak okiskiwēhikēw kalalihk ohciw.

53kahkiyaw māka ē ihtasicik ayisiyiniwak ki kiwēwak, wikiwāhk.

Currently Selected:

sēnt cān 7: KKMR

Highlight

Copy