cēnisis 35

1 # cēnisis 28:11-17 kisēmanito māka omisi ki itēw cēkapa, pasiko, itohtē anita pēhtil, ēkota māka ot aski; mina ēkota pakitināsowināpiskokaw kisēmanito kā ki nokohisostāsk ispi kā tapasiat kiciwām isā. 2cēkap māka omisi ki itēw kā itahtokēt, mina kahkiyaw kā wicēkot, wēpinikot aniki pitosi manitowak kā ayāwāyēkok, mina pēhkiisok, mina mēskotayowinēk. 3kiyām māka pasikotāk, kita itohtēyahk anita pēhtil, ēkota māka ni ka pakitināsoināpiskokawāw kisēmanito kā ki naskomit anima ē kisikāk mēkwāc ē āyimisiyān, mina kā ki wicēwit itē kā ki papā ayitotēyān. 4ki miyēwak māka cēkapa kahkiyaw pitosi manitowa kā ayāwācik, mina kahkiyaw o tāpitēpisoniāwa kā ayāyit ohtawakāwāhk; cēkap māka ki kātēw sipāyātik maskawātikwa kā ayāyit ciki sikimihk. 5ki pimipiciwak māka; ēkosi o kostāmikosiwin kisēmanito ki otihtikwak wāskā kā otēnawitācik, namawiya māka ki pimitisawēwak cēkapa okosisiyiwa.

6ēkosi māka cēkap ki otitam las, kā ayāk anita kēnan askihk, ēwakwanima pēhtil, wiya mina kahkiyaw ayisiyiniwa kā wicēwikot. 7ēkota māka ki pakitināsowināpiskokēw ēlpēhtil ē ki isiyihkātahk; cikēmā ēkota kisēmanitowa kā ki nokohisostākot ispi kā tapasiāt ociwāma. 8tēpara māka ripēka kā ki kanonāwasostākot ki poni pimātisiw ēkota, ki naināw māka nihci pēhtilihk sipāyātik maskawātikohk: ālanpākaht māka ki isiyihkātēw ēkota.

9kisēmanito māka ki nokohisostawēw cēkapa, ispi pātanērām kā pē ohtotēyit mina ē ki sawēyimikot. 10#cēnisis 32:28kisēmanito māka omisi ki itēw, cēkap kit isiyihkāson, namawiya ēkwa cēkap ki ka isiyihkāson, māka isrēil ki ka isiyihkāson; isrēil māka ki isiyihkātēw. 11#cēnisis 17:4-8kisēmanito māka omisi ki itēw, niya kisēmanito māmawēyas kēhcāyiwit, mihcēti mina takwēyati ē piskitaskānēsicik mina mihcētoskān kiya kita ohciwak, mina kihci okimāwak kiyawihk kita ohciwak. 12aski māka kā ki miyakik ēprēām mina āisak kiya ki ka miyitin, mina kit awāsimisak ni ka miyāwak ēwako aski. 13kisēmanitowa māka ki nakatik ita kā ki ayamiikot. 14#cēnisis 28:18,19cēkap māka ki kiskinawācihtāw ita kā ki ayamiikot; asiniya kiskinawācihcikan kā ki osihtāt, ki sikinam māka minihkwēwi pakitināsowin, mina pimi ki sikinan ēkota. 15cēkap māka ita kisēmanitowa kā ki ayamiikot pēhtil ki isiyihkātam.

16ki sipwēpiciwak māka pēhtil ohci; kēyāpic māka ki yāwāpatamwak ēparāht; rēcil māka ki nihtāwikihāwaso, ki āyimisiw māka. 17ki ispayiw māka mēkwāc ē āyimisik, iskwēwa kā kanawēyimikot ki itik, ēkāwiya sēkisi ki ka ayāwāw awa kikosis. 18ki ayikin māka sāswa ē ati nakatikot ot ahcāhkwa (cikēmā ki nipiw), pēnonay ki isiyihkātēw, māka otāwiyiwa pēnciman ki isiyihkātikoyiwa. 19rēcil māka ki nipiw, ēkosi ē ki nainiht ē ati itohtēhk anita ēparāht, ēwakwanima pētliam. 20cēkap māka ki kiskinawācihtāw tahkoc o yikwāhaskāniyihk, ēwakwānima ē cimatēyik rēcil o yikwahaskānihk piyis anohc kā kisikāk. 21isrēil māka ki pimipicēw ēkosi ē ki oyaskitāt wiki anita awasitē itēhkē itar asowikamik. 22#cēnisis 49:4ki ayispayit māka mēkwāc isrēil ē ot askik ēkota, ropin ki natawi wicēwēw pilhāwa otāwiya o kanawiskwēwāniyiwa; isrēil māka ki pētam.

mitātaht nisosāp māka ki tasiyiwa okosisa cēkap. 23okosisa liā, ropin cēkap o nistamosāna, mina simiyan, lipay, cota, isākar, mina sēpyolan; 24okosisa māka rēcil; cosip, mina pēnciman; 25okosisa māka pilhā, rēcil ot atoskēyākaniskwēma, tān, mina nāptalay. 26okosisa māka silpā, liā ot atoskēyākaniskwēma, kāt, mina āsar; ēwakoni ohi okosisa cēkap, kā ki nihtāwikitamāht anita pātanērām.

27 # cēnisis 13:18 cēkap māka ki otihtēw āisaka otāwiya anita māmri, kiriaht ārpaihk, ēwakwānima hēparan, ita ēprēām mina āisak kā ki ot askicik. 28okisikāma māka āisak mitāhtomitanaw ayinānēmitanaw tahto pipon ki tahtiniyiwa. 29āisak māka ki pakitacāhkwēw mina ki poni pimātisiw, ēkosi ē ki takotaiht wiciyiniwa, ē kisēyiniwit mina ē mihcētokisikwēt; ēkosi isā mina cēkap okosisa ki nainik.

Currently Selected:

cēnisis 35: KKMR

Highlight

Copy