ᓭᐣᐟ ᒑᐣ 21
21
1ᒣᐧᐢᑕᐢ ᐃᔨᑯᕽ ᒫᑲ ᐅᐦᐃ ᒋᓴᐢ ᒥᓇ ᑭ ᓄᑯᐦᐃᓱᐢᑕᐁᐧᐤ ᐅ ᑭᐢᑭᓄᐦᐊᒪᐋᐧᑲᓇ ᑖᐃᐱᕒᐃᔮᐢ ᓵᑲᐦᐃᑲᓂᕽ; ᐁᑯᓯ ᒫᑲ ᐅᒪ ᑳ ᑭ ᐃᓯ ᓄᑯᐦᐃᓱᐢᑕᐋᐧᐟ. 2ᑭ ᒫᒪᐃᐧ ᐊᔮᐊᐧᐠ ᓵᐃᒪᐣ ᐱᑕᕒ, ᒥᓇ ᑖᒪᐢ ᑎᑎᒪᐢ ᑳ ᐃᓯᔨᐦᑳᓱᐟ, ᒥᓇ ᓈᑖᓂᔭᓬ ᑫᓇ ᑳᓬᐊᓬᐃᕽ ᑳ ᐅᐦᒋᐟ, ᒥᓇ ᐅᑯᓯᓴ ᓭᐱᑎ, ᒥᓇ ᓂᓱ ᑯᑕᑲ ᐅ ᑭᐢᑭᓄᐦᐊᒪᐋᐧᑲᓇ. 3#ᓬᐅᐠ 5:5ᓵᐃᒪᐣ ᐱᑕᕒ ᐃᑌᐤ, ᓂ ᐃᐧ ᓇᑕᐃᐧ ᓄᒋᑭᓄᓭᐋᐧᐣ. ᐃᑌᐊᐧᐠ, ᓂᔭᓈᐣ ᒥᓇ ᑭ ᑲ ᐃᐧᒉᐃᐧᑎᓈᐣ. ᑭ ᓯᐯᐧᑌᐊᐧᐠ, ᑭ ᐳᓯᐊᐧᐠ ᒫᑲ ᐅᓯᕽ; ᐁᐊᐧᑯ ᒫᑲ ᐁ ᑎᐱᐢᑳᐠ ᓇᒪ ᑫᑲᐧᐩ ᑭ ᐅᑕᐋᐧᔨᐊᐧ. 4ᒫᑲ ᐃᐢᐱ ᐁᑎ ᐋᐧᐸᓂᔨᐠ, ᒋᓴᐢ ᑭ ᓂᐸᐃᐧᐤ ᒋᑭᐯᐠ: ᒫᑲ ᑭᐢᑭᓄᐦᐊᒪᐋᐧᑲᓇᐠ ᓇᒪᐃᐧᔭ ᑭ ᑭᐢᑫᔨᒣᐊᐧᐠ ᐁᐊᐧᑲᐧᓂᐃ ᒋᓴᓴ. 5ᒋᓴᐢ ᒫᑲ ᐃᑌᐤ, ᐊᐋᐧᓯᓯᑎᐠ, ᑭᐟ ᐊᔮᓈᐋᐧ ᒋ ᑭᑕ ᒥᒋᔦᐠ? ᑭ ᓇᐢᑫᐧᐊᐧᓯᒣᐊᐧᐠ, ᓇᒪᐃᐧᔭ. 6#ᓬᐅᐠ 5:6ᐁᑯᓯ ᑭ ᐃᑌᐤ, ᐸᑲᐢᑕᐁᐧᐅᕽ ᐊᔭᐱ ᑭᐦᒋᓂᐢᑭᕽ ᐃᑌᑫ ᐅᓯᕽ, ᐁᑯᓯ ᑭ ᑳ ᒥᐢᑲᐋᐧᐋᐧᐊᐧᐠ. ᑭ ᐸᑲᐢᑕᐁᐧᐁᐧᐊᐧᐠ ᒫᑲ, ᐁᑲᐧ ᒫᑲ ᓇᒪᐃᐧᔭ ᑭ ᐅᒋᐱᑌᐊᐧᐟ ᐁ ᐃᓯ ᒥᐦᒉᑎᔨᐟ ᑭᓄᓭᐊᐧ. 7ᐊᓇ ᑭᐢᑭᓄᐦᐊᒪᐋᐧᑲᐣ ᒫᑲ ᒋᓴᐢ ᑳ ᓵᑭᐦᐋᐟ ᐃᑌᐤ ᐱᑕᕒᐊ, ᐁᐊᐧᑲᐧᓇ ᑳ ᑎᐱᔨᒋᑫᐟ. ᐁᑯᓯ ᓵᐃᒪᐣ ᐱᑕᕒ ᐃᐢᐱ ᐱᔦᐦᑕᕽ ᐁᐊᐧᑲᐧᓂᐃ ᑳ ᑎᐯᔨᐦᒋᑫᔨᐟ, ᑭ ᐸᑲᐧᑌᐦᐅᑐᑕᒼ ᐅᐢᑯᑖᑲᐩ (ᒋᑫᒫ ᑭ ᒧᓭᐢᑲᑌᐤ), ᐁ ᑭ ᐸᑲᐢᑕᐁᐧᑳᐧᐢᑯᑎᐟ ᒫᑲ ᓵᑲᐦᐃᑲᓂᕽ. 8ᑯᑕᑲᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑭ ᐯ ᓈᑕᑳᒣᐊᒪᐧᐠ ᐅᓯᕽ (ᒋᑫᒫ ᓇᒪᐃᐧᔭ ᑖᐃᐧᐨ ᐊᔮᐊᐧᐠ, ᓈᐣᑕᐤ ᓂᔮᓇᓄᒥᑕᓇᐤ ᑕᐦᑐᓂᐢᐠ), ᐁ ᐅᑖᐯᒋᐠ ᐊᔭᐱᔭ ᑭᑭ ᑭᓄᓭᐊᐧ. 9ᐃᐢᐱ ᒫᑲ ᑳ ᑲᐹᒋᐠ, ᐋᐧᐸᐦᑕᒪᐧᐠ ᐃᐢᑯᑌᐤ ᑲᐢᑲᐢᑲᓭᑳᓇ ᐅᐦᒋ, ᒥᓇ ᑭᓄᓭᐊᐧ ᐁᑯᑕ ᐁ ᐊᐱᔨᐟ, ᐊᓯᒋ ᐸᑫᐧᓯᑲᓇ. 10ᒋᓴᐢ ᐃᑌᐤ, ᐯᓯᑯᐠ ᐋᑎᐦᐟ ᑭᓄᓭᐊᐧᐠ ᐊᓄᐦᐨ ᑳ ᑭ ᐅᑎᓈᔦᑯᐠ. 11ᓵᐃᒪᐣ ᐱᑕᕒ ᒫᑲ ᑭ ᐃᑐᐦᑌᐤ, ᒥᓇ ᑭ ᓈᑕᑳᓯᐱᑌᐤ ᐊᔭᐱᔭ, ᐁ ᒧᐢᑭᓀᔨᐟ ᑭᐦᒋ ᑭᓄᓭᐊᐧ, ᒥᑖᑕᐦᑐᒥᑕᓇᐤ ᓂᔮᓇᓄᒥᑕᓇᐤ ᒥᓇ ᓂᐢᑐ ᐊᔨᐋᐧᐠ: ᐁᑯᓯ ᐁ ᐋᑕ ᐃᓯ ᒥᐦᒉᑎᒋᐠ, ᓇᒪᐃᐧᔭ ᐱᑯᐸᔨᐤ ᐊᔭᐱ. 12ᒋᓴᐢ ᐃᑌᐤ, ᐯ ᓇᑕᐃᐧ ᑫᑭᓭᐹ ᒥᒋᓱᐠ. ᓇᒪᐋᐧᐨ ᒫᑲ ᐊᐃᐧᔭᐠ ᑭᐢᑭᓄᐦᐊᒪᐋᐧᑲᓇᐠ ᑭ ᑲᑫᐧᒋᒣᐊᐧᐠ, ᐊᐁᐧᓇ ᑭᔭ? ᐁ ᑭᐢᑫᔨᑕᐦᑭᐠ ᐁᐊᐧᑲᐧᓂ ᑳ ᑎᐯᔨᐦᒋᑫᔨᐟ. 13ᒋᓴᐢ ᐯ ᐃᑐᐦᑌᐤ, ᒥᓇ ᐅᑎᓀᐤ ᐸᑫᐧᓯᑲᓇ, ᒥᓇ ᒥᔦᐤ, ᐁᑯᓯ ᑫᔮᐱᐨ ᑭᓄᓭᐊᐧ. 14ᐁᐊᐧᑯ ᐅᒪ ᓂᐢᑖᐧᐤ ᒋᓴᐢ ᐁ ᑭ ᓄᑯᐦᐃᓱᐢᑕᐋᐧᐟ ᑭᐢᑭᓄᐦᐊᒪᐋᐧᑲᓇ, ᐁ ᑭ ᐊᐧᓂᐢᑳᐟ ᓂᐳᐃᐧᓂᕽ ᐅᐦᒋ.
15ᐃᐢᐱ ᒫᑲ ᑳ ᑫᑭᓭᐸ ᒥᒋᓱᒋᐠ, ᒋᓴᐢ ᐃᑌᐤ ᓵᐃᒪᐣ ᐱᑕᕒᐊ, ᓵᐃᒪᐣ, ᐅᑯᓯᓴ ᒑᐣ ᑭ ᓵᑭᐦᐃᐣ ᒋ ᐊᐊᐧᓯᒣ ᐃᔨᑯᕽ ᐅᑭ? ᐃᑌᐤ, ᐁᐦᐁ ᑌᐯᔨᐦᒋᑫᔭᐣ; ᑭ ᑭᐢᑫᔨᑌᐣ ᐁ ᓵᑭᐦᐃᑖᐣ. ᐁᑯᓯ ᑭ ᐃᑌᐤ, ᐊᓴᒥᐠ ᓂ ᒫᔭᑎᐦᑯᓯᓯᒪᐠ. 16ᐃᑌᐤ ᒥᓇ ᐁᑲᐧ ᓂᓵᐧᐤ, ᓵᐃᒪᐣ, ᐅᑯᓯᓴ ᒑᐣ, ᑭ ᓵᑭᐦᐃᐣ ᒋ? ᐁᑯᓯ ᐃᑌᐤ, ᐁᐦᐁ, ᑌᐯᔨᐦᒋᑫᔭᐣ; ᑭ ᑭᐢᑫᔨᑌᐣ ᐁ ᓵᑭᐦᐃᑖᐣ. ᐁᑲᐧ ᐃᑌᐤ, ᑲᓇᐁᐧᔨᒥᐠ ᓂ ᒫᔭᑎᐦᑯᒪᐠ. 17ᐃᑌᐤ ᒥᓇ ᐁᑲᐧ ᓂᐢᑖᐧᐤ, ᓵᐃᒪᐣ ᐅᑯᓯᓴ ᒑᐣ, ᑭ ᓵᑭᐦᐃᐣ ᒋ? ᐱᑕᕒ ᒥᐢᑕᐦᐃ ᒧᓯᑖᐤ ᒋᑫᒫ ᓂᐢᑖᐧᐤ ᐁᑲᐧ ᐁ ᐃᑎᑯᐟ ᑭ ᓵᑭᐦᐃᐣ ᒋ? ᐁᑯᓯ ᑭ ᐃᑌᐤ, ᑌᐯᔨᐦᒋᑫᔭᐣ, ᑭ ᑭᐢᑫᔨᑌᐣ ᑲᐦᑭᔭᐤ ᑫᑲᐧᐩ; ᑭ ᑭᐢᑫᔨᑌᐣ ᐁ ᓵᑭᐦᐃᑖᐣ. ᒋᓴᐢ ᐃᑌᐤ, ᐊᓴᒥᐠ ᓂ ᒫᔨᑎᑯᒪᐠ. 18ᑖᐯᐧ, ᑖᐯᐧ, ᑭᐟ ᐃᑎᐣ, ᒣᑳᐧᐨ ᐁ ᐅᐢᑭᓂᑭᔭᐣ, ᑭ ᑭ ᐸᑲᐧᑌᐦᐅᓱᐣ, ᒥᓇ ᑭ ᑭ ᐃᑐᐦᑖᐣ ᐱᑯ ᐃᑌ ᐁ ᐃᑌᔨᑕᒪᐣ: ᒫᑲ ᐃᐢᐱ ᑭᓭᔨᓂᐃᐧᔭᓂ, ᑭ ᑲ ᓱᐃᐧᓂᐢᑫᔨᐣ, ᑯᑕᐠ ᒫᑲ ᑭ ᑲ ᐸᑲᐧᑌᐦᐅᐠ, ᒥᓇ ᑭ ᑲ ᐃᑐᑕᐃᐠ ᐃᑌ ᐁᑳ ᐁ ᐃᐧ ᐃᑐᑌᔭᐣ. 19ᐅᒪ ᒫᑲ ᑭ ᐃᑌᐧᐤ, ᐁ ᑭᐢᑭᓇᐋᐧᒋᒫᐟ ᑫᑯ ᓂᐳᐃᐧᐣ ᑫ ᐃᓯ ᑭᐢᑌᔨᑖᑯᐦᐋᐟ ᑭᓭᒪᓂᑐᐊᐧ. ᐃᐢᐱ ᒫᑲ ᐅᒪ ᑳ ᐃᑌᐧᐟ, ᐃᑌᐤ, ᐱᒥᑎᓴᐦᐅᐣ.
20 #
ᒑᐣ 13:25
ᐱᑕᕒ ᒫᑲ, ᐁ ᑫᐧᐢᑭᑳᐸᐃᐧᐟ, ᐋᐧᐸᒣᐤ ᐊᓂᐦᐃ ᑭᐢᑭᓄᐦᐊᒪᐋᐧᑲᓇ ᒋᓴᐢ ᑳ ᓵᑭᐦᐋᐟ ᐁ ᐯ ᐱᒥᑎᓴᐃᑫᔨᐟ; ᐊᓇ ᒥᓇ ᑳ ᑭ ᐋᓱᓯᒧᐟ ᐋᐧᐢᑭᑲᓂᔨᕽ ᐁ ᑎᐱᐢᑭᓀᑫᐧᒋᐠ, ᒥᓇ ᑳ ᑭ ᐃᑌᐧᐟ, ᑌᐯᔨᐦᒋᑫᔭᐣ, ᐊᐁᐧᓇ ᑳ ᐊᐧᔦᓯᐸᑭᑎᓂᐢᐠ? 21ᐱᑕᕒ ᒫᑲ ᐁ ᐋᐧᐸᒫᐟ ᐃᑌᐤ ᒋᓴᓴ, ᑌᐯᔨᐦᒋᑫᔭᐣ, ᑫᑲᐧᐩ ᒫᑲ ᐊᐊᐧ ᓈᐯᐤ ᑫ ᐃᑐᑕᕽ. 22ᒋᓴᐢ ᐃᑌᐤ, ᑭᐢᐱᐣ ᐃᑌᔨᑕᒫᐣ ᑭᑕ ᐯᐦᐅᐟ ᐃᔨᑯᕽ ᑭᑕ ᑕᑯᓯᓈᐣ, ᑫᑲᐧᐩ ᑭᔭ ᐁᑯᑕ ᑫᓇᐋᐧᐸᒥᑯᔭᐣ? ᐯ ᐱᒥᑎᓴᐦᐅᐣ ᑭᔭ. 23ᐅᒪ ᐃᑌᐧᐃᐧᐣ ᒫᑲ ᑭ ᐸᐸᒥᐸᔨᐤ ᒣᑳᐧᐨ ᐅᑭ ᑯᒋᐋᐧᒥᑐᒋᐠ, ᐊᓇ ᑭᐢᑭᓄᐦᐊᒪᐋᐧᑲᐣ ᐁᑳ ᑭᑕ ᓂᐱᐟ: ᒫᑲ ᒋᓴᐢ ᓇᒪᐃᐧᔭ ᐅᐦᒋ ᐃᑌᐤ, ᐁᑳ ᑭᑕ ᓂᐱᔨᐟ; ᒫᑲ, ᑭᐢᐱᐣ ᐃᑌᔨᑕᒫᐣ ᑭᑕ ᐯᐦᐅᐟ ᐃᔨᑯᕽ ᑭᑕ ᑕᑯᓯᓈᐣ, ᑫᑲᐧᐩ ᑭᔭ ᐁᑯᑕ ᑫᓇᐋᐧᐸᒥᑯᔭᐣ?
24ᐁᐊᐧᑯ ᐊᐊᐧ ᑭᐢᑭᓄᐦᐊᒪᐋᐧᑲᐣ ᑳ ᐋᑐᑕᕽ ᐅᐦᐃ, ᒥᓇ ᑳ ᑭ ᒪᓯᓇᐦᐊᕽ ᐅᐦᐃ: ᐁᑯᓯ ᑭ ᑭᐢᑫᔨᑌᓈᓇᐤ ᐅᐟ ᐋᒋᒧᐃᐧᐣ ᐁ ᑖᐯᐧᒫᑲᓂᔨᐠ.
25ᐊᔮᐊᐧ ᒫᑲ ᒥᐦᒉᐟ ᑯᑕᑲ ᒋᓴᐢ ᑳ ᑭ ᑐᑕᕽ, ᐁᐊᐧᑲᐧᓂ ᑭᐢᐱᐣ ᑲᐦᑭᔭᐤ ᒪᓯᓇᐃᑳᑌᑭ ᐊᐦᐳ ᐁᑐᑫ ᓇᒪᐋᐧᐨ ᐊᐢᑭᕽ ᑭᑕ ᑌᐸᐢᑎᐋᐧ ᒪᓯᓇᐦᐃᑲᓇ ᑭᑕ ᒪᓯᓇᐃᑳᑌᑭ.
Currently Selected:
ᓭᐣᐟ ᒑᐣ 21: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
