ᐃᓯᐦᒋᑫᐃᐧᓂᐋᐧᐊᐧ 1
1
1 #
ᓬᐅᐠ 1:1-4
ᓂᐢᑕᒼ ᒪᓯᓇᐦᐃᑲᐣ ᓂ ᑭ ᐅᓯᑖᐣ ᐋ ᑎᐋᐱᓬᐊᐢ, ᐁ ᐋᑐᑕᒫᐣ ᑲᐦᑭᔭᐤ ᐊᓂᒪ ᒋᓴᐢ ᑳ ᑭ ᒫᒋ ᐃᑐᑕᕽ ᒥᓇ ᑳ ᑭ ᑭᐢᑭᓇᐊᒫᑫᐟ, 2ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᐅᑎᓂᐦᐟ ᐃᐢᐱ ᑳ ᐊᐧᐁᐧᔭᓱᐋᐧᑖᐠ ᑳ ᑲᓈᑎᓯᔨᐟ ᐊᐦᒑᐦᑲᐧ ᐅᐦᒋ, ᐊᓂᐦᐃ ᐊᐹᐢᑎᓬᐊ ᑳ ᑭ ᓇᐊᐧᓱᓈᐟ: 3ᐁᐊᐧᑲᐧᓂ ᒥᓇ ᑳ ᐳᓂᐸᔨᔨᐠ ᐅ ᑯᑕᑭᑖᐃᐧᐣ ᑳ ᑭ ᐋᐧᐸᑎᔨᓱᐢᑕᐋᐧᐟ ᐁ ᐱᒫᑎᓯᐟ ᒥᒉᑕᐧᔭᐠ ᐁ ᐃᓯ ᑫᒋᓈᔦᔨᑕᒥᐋᐟ, ᓀᒥᑕᓇᐤ ᑭᓯᑳᐊᐧ ᐁ ᑭ ᐋᐧᐸᒥᑯᐟ, ᒥᓇ ᐁ ᑕᓯᑕᕽ ᐊᓂᐦᐃ ᑳ ᐊᑭᑌᑭ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ: 4#ᓬᐅᐠ 24:49ᐁᑯᓯ ᒫᑲ ᐁ ᒫᒪᐃᐧ ᒫᐊᐧᒋᐃᑐᒋᐠ, ᑭ ᐊᔮᑳᐧᒥᒣᐤ ᐁᑳ ᑭᑕ ᓯᐯᐧᑌᔨᐟ ᒉᕒᐅᓴᓬᐊᒥᕽ ᐅᐦᒋ, ᒫᑲ ᑭᑕ ᐯᑖᐋᐧᒋᐠ ᐅᐟ ᐊᓱᑕᒫᑫᐃᐧᓂᔨ ᐁᐧᔪᑖᐃᐧᕽ, ᐁᐊᐧᑯ, ᑭ ᐃᑌᐤ, ᑭ ᑭ ᐯᑕᐃᐧᓈᐋᐧᐤ: 5#ᒫᐟᔪ 3:11; ᒫᕒᐠ 1:8; ᓬᐅᐠ 3:16; ᒑᐣ 1:33ᒋᑫᒫ ᒑᐣ ᑖᐯᐧ ᑭ ᐸᑊᑕᐃᓯᐃᐧᐃᐁᐧᐤ ᓂᐱ ᐅᐦᒋ; ᒫᑲ ᑭᔭᐋᐧ ᑭ ᑲ ᐹᑊᑕᐃᓯᐃᐧᐃᑲᐃᐧᓈᐋᐧᐤ ᑳ ᑲᓈᑎᓯᐟ ᐊᐦᒑᕽ ᐅᐦᒋ ᓇᒪᐃᐧᔭ ᒥᒉᑐ ᑭᓯᑳᐤ ᓂᑳᐣ ᐅᑌ.
6ᐃᐧᔭᐋᐧᐤ ᒫᑲ, ᐃᐢᐱ ᐁ ᒫᒪᐃᐧ ᐊᔮᒋᐠ, ᑭ ᑲᑫᐧᒋᒣᐊᐧᐠ, ᐁ ᐃᑌᐧᒋᐠ, ᑌᐯᔨᐦᒋᑫᔭᐣ, ᐊᓄᐦᐨ ᐅᒪ ᑳ ᐃᑭᕽ ᑭ ᑲ ᒥᔮᐊᐧᐠ ᒋ ᐃᐢᕒᐁᐃᓬ ᑭᐦᒋ ᐅᑭᒫᐃᐧᐃᐧᐣ? 7ᑭ ᐃᑌᐤ ᒫᑲ, ᓇᒪᐃᐧᔭ ᑭᔭᐋᐧᐤ ᑭᑕ ᑭᐢᑫᔨᑕᒣᐠ ᑭᓯᑳᐊᐧ ᒥᓇ ᐁ ᐋᐃᐢᐱᑖᔭᐊᐧᕽ, ᐁᐧᔪᑖᐃᐧᕽ ᐃᐧᔭ ᑳ ᑎᐯᔨᑕᕽ. 8#ᒫᐟᔪ 28:19; ᒫᕒᐠ 16:15; ᓬᐅᐠ 24:47,48ᒫᑲ ᑭ ᑲ ᒥᔨᑲᐃᐧᓈᐋᐧᐤ ᑲᐢᑭᐦᐁᐃᐧᓯᐃᐧᐣ, ᐃᐢᐱ ᑳ ᑲᓈᑎᓯᐟ ᐊᐦᒑᕽ ᐅᑎᐦᑎᑯᔦᑯ: ᐁᑯᓯ ᑭ ᑲ ᐋᒋᒥᓈᐋᐧᐤ ᒉᕒᐅᓴᓬᐊᒥᕽ, ᒥᓇ ᒥᓯᐁᐧ ᒍᑎᔭᐃᕽ ᒥᓇ ᓴᒣᕒᐃᔭᐃᕽ, ᒥᓇ ᐁ ᑳᑭᓯᐸᐢᑲᒥᑳᐠ ᐊᐢᑭ. 9#ᒫᕒᐠ 16:19; ᓬᐅᐠ 24:50,51ᐃᐢᐱ ᒫᑲ ᐅᐦᐃ ᑳ ᐊᔨᑌᐧᐟ, ᐁ ᒣᑳᐧ ᑭᑖᐸᒫᒋᐠ, ᐃᐢᐱᒥᕽ ᑭ ᐃᓯ ᐅᑎᓈᐤ; ᐁᑯᓯ ᐊᐧᐢᑯᕽ ᐁ ᐊᑎ ᐋᑯᐸᔨᔨᐟ ᓇᒪᐃᐧᔭ ᐋᐧᐸᒣᐊᐧᐠ. 10ᒣᑳᐧᐨ ᒫᑲ ᑭᓯᑯᕽ ᓱᑭ ᐁ ᐃᑖᐱᒋᐠ ᐁ ᐊᑎ ᐅᐱᐢᑳᔨᐟ, ᒫᑎᑲ, ᓂᓱ ᓈᐯᐊᐧ ᑭ ᐃᐧᒋᑳᐸᐃᐧᐢᑖᑲᐧᐠ ᐁ ᐋᐧᐱᐢᑭᐅᔨᐟ; 11ᐁᐊᐧᑲᐧᓂ ᒥᓇ ᑳ ᐃᑎᑯᒋᐠ ᑭᔭᐋᐧᐤ ᑳᓬᐃᓬᐃᐃᐧᔨᓂᑎᐠ, ᑖᓀᑭ ᑳ ᓂᐸᐃᐧᔦᐟ ᑭᓯᑯᕽ ᐁ ᐃᑖᐱᔦᐠ? ᐊᐊᐧ ᒋᓴᐢ, ᑳ ᓇᑲᑎᑯᔦᐠ ᑭᐦᒋ ᑭᓯᑯᕽ ᐁ ᐃᓯ ᐅᑎᓂᐦᐟ, ᐁᑯᓯ ᒥᓇ ᑫ ᐃᓯ ᑕᑯᓯᕽ ᑳ ᑭ ᐃᓯ ᐋᐧᐸᒫᔦᐟ ᑭᓯᑯᕽ ᐁ ᐃᑐᐦᑌᐟ.
12ᐁᑲᐧ ᒫᑲ ᑭ ᐯ ᑭᐁᐧᐊᐧᐠ ᒉᕒᐅᓴᓬᐊᒥᕽ ᐊᓂᑕ ᐊᐧᒋᕽ ᐅᐦᒋ ᐋᓬᐃᐯᐟ ᑳ ᐃᓯᔨᐦᑳᑌᐠ, ᐁᐊᐧᑯ ᑭᓯᐋᐧᐠ ᒉᕒᐅᓴᓬᐊᒥᕽ ᑳ ᐊᔮᐠ, ᐯᔭᐠ ᐊᔭᒥᐦᐁᑭᓯᑳᐤ ᐱᒥᐱᒋᐃᐧᐣ ᐃᔨᑯᕽ. 13#ᒫᐟᔪ 10:2-4; ᒫᕒᐠ 3:16-19; ᓬᐅᐠ 6:14-16ᐃᐢᐱ ᒫᑲ ᐱᔨᑐᑫᒋᐠ, ᑭ ᐃᐢᑳᐧᑕᐃᐧᐊᐧᐠ ᐃᐢᐱᒥᕽ ᐋᐧᐢᑳᐦᐃᑲᓂᕽ, ᐃᑕ ᐊᓂᒪ ᐁ ᐊᔮᒋᐠ, ᐱᑕᕒ ᒥᓇ ᒑᐣ ᒥᓇ ᒉᒥᐢ ᒥᓇ ᐋᐣᑕᕒᐅ, ᐱᓬᐃᑊ ᒥᓇ ᑖᒪᐢ, ᐹᕒᑖᓬᐊᒧ ᒥᓇ ᒫᐟᔪ, ᒉᒥᐢ ᐅᑯᓯᓴ ᐋᓬᐱᔭᐢ, ᒥᓇ ᓵᐃᒪᐣ ᓯᓬᐋᐟ ᑳ ᐃᑎᐦᐟ, ᒥᓇ ᒍᑕᐢ ᐅᑯᓯᓴ ᒉᒥᐢ. 14ᑲᐦᑭᔭᐤ ᐅᑭ ᑭ ᒫᒪᐃᐧ ᐋᑲᒣᔨᒧᐊᐟ ᐁ ᐊᔭᒥᐦᐋᒋᐠ, ᐊᓯᒋ ᐊᓂᐦᐃ ᐃᐢᑫᐧᐊᐧ ᒥᓇ ᒣᕒᐃ ᐅᑳᐃᐧᔭ ᒋᓴᐢ, ᒥᓇ ᐅᒋᐋᐧᒪ.
15ᐁᑯᐢᐱ ᒫᑲ ᐁ ᑲᑭᓯᑳᐠ ᐱᑕᕒ ᑭ ᓂᐸᐃᐧᐤ ᒣᑳᐧ ᐊᔨᕽ ᐃᑕ ᐁ ᐊᔮᒋᐠ ᑯᒋᐋᐧᒥᑐᒋᐠ ᐁᑯᓯ ᑭ ᐃᑌᐧᐤ (ᒥᐦᒉᐟ ᐊᔨᓯᔨᓂᐊᐧᐠ ᒫᑲ ᑭ ᒫᐊᐧᒋᐃᑐᐊᐧᐠ, ᓈᐣᑕᐤ ᒥᑖᑕᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ), 16ᓂᒋᐋᐧᒥᑎᐠ, ᑭ ᐃᑕᐢᑌᐤ ᑭᑕ ᑎᐱᐸᔨᐠ ᑭᐦᒋ ᒪᓯᓇᐦᐃᑫᐃᐧᐣ, ᑳ ᑲᓈᑎᓯᐟ ᐊᐦᒑᕽ ᑲᔮᐢ ᑳ ᑭ ᐃᑌᐧᐟ ᐅᑐᓂᔨᕽ ᐅᐦᒋ ᑌᐱᑕ, ᑳ ᑭ ᐃᑖᐟ ᒍᑕᓴ, ᑳ ᑭᐢᑭᓄᑕᐋᐟ ᐊᓂᐦᐃ ᑳ ᑭ ᐅᑎᓈᔨᐟ ᒋᓴᓴ. 17ᒋᑫᒫ ᑭ ᐊᓯᑕᑭᒋᑳᓱ ᑭᔮᓇᐤ, ᒥᓇ ᑭ ᒥᔮᐤ ᐸᐦᑭ ᐅᒪ ᐊᑐᐢᑫᐃᐧᐣ. 18#ᒫᐟᔪ 27:3-8(ᐊᐊᐧ ᒫᑲ ᓈᐯᐤ ᑭ ᐋᑖᐁᐧᐤ ᑭᐢᑎᑳᓂᔨᐤ ᐁ ᐅᑎᓯᐟ ᐅ ᒪᒋᐃᑎᐃᐧᐣ; ᐁᑯᓯ ᐁ ᐊᒋᒋ ᐸᐦᑭᓯᕽ, ᐋᐱᑕᐤ ᑭ ᐳᐢᑯᐸᔨᐤ ᐁᑯᓯ ᐅᑕᑖᒥᔭᐊᐧ ᑭ ᑲᐧᔭᑯᐸᔨᔨᐊᐧ. 19ᑭ ᑭᐢᑫᔨᑕᒪᐧᐠ ᒫᑲ ᑲᐦᑭᔭᐤ ᑳ ᐊᔮᒋᐠ ᒉᕒᐅᓴᓬᐊᒥᕽ; ᐁᑯᓯ ᐃᐧᔭᐋᐧᐤ ᐅ ᐱᑭᐢᑫᐧᐃᐧᓂᐋᐧᕽ ᐁᐊᐧᑯ ᑭᐢᑎᑳᐣ ᐋᑫᓬᑎᒪ ᑭ ᐃᓯᔨᐦᑳᑌᐤ, ᐁᐊᐧᑳᐧᓂᒪ, ᒥᐦᑯᐃᐧ ᑭᐢᑎᑳᐣ.) 20#ᓂᑲᒧᓇ 69:25; ᓂᑲᒧᓇ 109:8ᒋᑫᒫ ᐃᑕᓯᓇᐦᐃᑳᑌᐤ ᓂᑲᒧ ᒫᓯᓇᐃᑲᓂᕽ,
ᑭᔮᒼ ᐅᐟ ᐃᑖᐃᐧᐣ ᑭᑕ ᐱᓯᓯᑲᐧᐢᑌᔨᐤ, ᒥᓇ ᐁᑳᐃᐧᔭ ᐊᔨᓯᔨᓂᐤ ᐁᑯᑕ ᑭᑕ ᐃᐧᑭᐤ: ᒥᓇ, ᐅᐟ ᐃᑕᐱᐃᐧᐣ ᑭᔮᒼ ᑯᑕᑲ ᑭᑕ ᐅᑎᓇᒥᔨᐊᐧ.
21 #
ᒫᐟᔪ 3:16; ᒫᕒᐠ 1:9; ᓬᐅᐠ 3:21;
ᒫᕒᐠ 16:19; ᓬᐅᐠ 24:51 ᐊᓂᑭ ᓈᐯᐊᐧᐠ ᒫᑲ ᐅᐦᒋ ᑳ ᑭ ᐃᐧᒉᐃᐧᑯᔭᑯᐠ ᑕᐦᑭᓀ ᒣᑳᐧᐨ ᑳ ᑎᐯᔨᐦᒋᑫᐟ ᒋᓴᐢ ᐁ ᐸᐱᑐᑫᐟ ᒥᓇ ᐁ ᐊᐧᐊᐧᔭᐃᐧ ᐃᐧᒉᐃᐧᑯᔭᕽ, 22ᐅ ᐹᑊᑖᐃᓯᐃᐧᐦᐃᐁᐧᐃᐧᐣ ᒑᐣ ᐅᐦᒋ, ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᓇᑲᑎᑯᔭᕽ ᐃᐢᐱᒥᕽ ᐁ ᐃᓯ ᐅᑎᓂᐦᐟ, ᐱᑯ ᑭᑕ ᐅᑎᓂᐦᐟ ᐯᔭᐠ ᐁᑯᑕ ᐅᐦᒋ ᑭᑕ ᑭ ᐋᑐᑕᕽ ᐃᐧᐢᑕ ᐅᐟ ᐋᐱᓯᓯᓄᐃᐧᓂᔨᐤ. 23ᓂᓱ ᒫᑲ ᑭ ᓂᑳᓇᔦᐊᐧᐠ, ᒍᓯᑊ ᐹᕒᓵᐸᐢ ᑳ ᐃᑎᐦᐟ, ᒐᐢᑕᐢ ᑳ ᐃᓯ ᐊᐢᐱᔨᑳᓱᐟ, ᒥᓇ ᒫᑖᔭᐢ. 24ᑭ ᐊᔭᒥᐦᐋᐊᐧᐠ ᒫᑲ, ᐁᑯᓯ ᑭ ᐃᑌᐧᐊᐧᐠ, ᑭᔭ, ᑌᐯᔨᐦᒋᑫᔭᐣ, ᑳ ᑭᐢᑫᔨᑕᒪᐧᐟ ᐅᑌᐃᐋᐧᐊᐧ ᑲᐦᑭᔭᐤ ᐊᔨᓯᔨᓂᐊᐧᐠ, ᐋᐧᐸᐦᑕᐦᐃᐁᐧ ᐅᑭ ᑳ ᐃᓯ ᓂᓯᒋᐠ ᑖᓈᓇ ᑳᐦ ᓇᐊᐧᓱᓇᐟ, 25ᑭᑕ ᐅᑎᓇᕽ ᐃᑕᐱᐃᐧᐣ ᐅᒪ ᐊᑐᐢᑫᐃᐧᓂᕽ ᒥᓇ ᐊᐸᐢᑎᓬᐃᐃᐧᐃᐧᓂᕽ, ᐃᑕ ᐅᐦᒋ ᒍᑕᐢ ᑳ ᑭ ᐸᐦᑭᓯᕽ, ᑭᑕ ᐃᑐᐦᑌ ᐃᐧᔭ ᐅᐟ ᐃᑖᐃᐧᓂᕽ. 26ᐁᑲᐧ ᒫᑲ ᑭ ᐁᐧᐱᓂᑫᐊᐧᐠ; ᐳᑎ ᒫᑲ ᒫᑖᔭᐢ ᑭ ᐅᑎᓈᐤ; ᐁᑯᓯ ᑭ ᐊᓯᑕᑭᒫᐤ ᐊᓂᐦᐃ ᒥᑖᑕᐟ ᐯᔭᑯᓵᑊ ᐊᐹᐢᑎᓬᐊ.
Currently Selected:
ᐃᓯᐦᒋᑫᐃᐧᓂᐋᐧᐊᐧ 1: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
