ᓭᐣᐟ ᒑᐣ 18

1ᐃᐢᐱ ᒫᑲ ᒋᓴᐢ ᑳ ᐳᓂ ᐊᔨᑌᐧᐟ ᐅᐦᐃ ᐃᑌᐧᐃᐧᓇ, ᑭ ᓯᐯᐧᑌᐤ ᑭᑭ ᐅ ᑭᐢᑭᓄᐦᐊᒪᐋᐧᑲᓇ ᐊᑳᒥᕽ ᓯᐱᓯᐢ ᑭᑕᕒᐊᐣ, ᐃᑕ ᐁ ᑭ ᐃᐦᑕᑲᐧᕽ ᑭᐢᑎᑳᐣ, ᐁᑯᑕ ᒫᑲ ᑭ ᐱᐦᑐᑫᐤ, ᐃᐧᔭ ᒥᓇ ᐅ ᑭᐢᑭᓄᐦᐊᒪᐋᐧᑲᓇ. 2ᒍᑕᐢ ᒫᑲ ᐃᐧᐢᑕ, ᐊᓇ ᑳ ᐊᐧᔦᓯᐸᑭᑎᓈᐟ, ᑭ ᑭᐢᑫᔨᑕᒼ ᐊᓂᒪ: ᒋᑫᒫ ᒋᓴᐢ ᒥᒉᑖᐧᐤ ᐁᑯᑕ ᑭ ᐃᓯ ᐃᐧᒉᐁᐧᐤ ᐅ ᑭᐢᑭᓄᐦᐊᒪᐋᐧᑲᓇ. 3ᒍᑕᐢ ᒫᑲ, ᐁ ᑭ ᒥᔨᐦᐟ ᓯᒫᑲᓂᓴ, ᒥᓇ ᐅᑎᓂᐁᐧᐊᐧ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᐹᕒᐊᓯᐊᐧ ᐅᐦᒋ, ᑭ ᑕᑯᓯᓇᐧᐠ ᐁ ᑭᑭᒋᐠ ᐋᐧᓴᐢᑯᑎᓇᒫᑲᓇ ᒥᓇ ᐋᐧᓴᐢᑯᑌᓂᑲᓇ ᒥᓇ ᐸᑲᒫᑲᓇ. 4ᒋᓴᐢ ᒫᑲ ᐁ ᑭᐢᑫᔨᑕᕽ ᑲᐦᑭᔭᐤ ᑫ ᐃᓯ ᐅᑎᐦᑎᑯᐟ, ᑭ ᐊᑎ ᓯᐯᐧᑌᐤ, ᒥᓇ ᐅᒥᓯ ᑭ ᐃᑌᐤ, ᐊᐁᐧᓇ ᓀᑐᓇᐋᐧᔦᐠ? 5ᑭ ᓇᐢᑫᐧᐊᐧᓯᒣᐊᐧᐠ, ᒋᓴᐢ ᓈᓴᕒᐃᑎᕽ ᐁᐧᐦᒋᐟ. ᒋᓴᐢ ᐃᑌᐤ, ᓂᔭ ᐁᐊᐧᑯ. ᒍᑕᐢ ᒫᑲ ᑳ ᐊᐧᔦᓯᐸᑭᑎᓈᐟ, ᑭ ᐃᐧᒋᑳᐸᐃᐧᐢᑕᐁᐧᐤ. 6ᐃᐢᐱ ᒫᑲ ᐁᑖᐟ, ᓂᔭ ᐁᐊᐧᑯ, ᑭ ᐊᓯᐸᔨᐊᐧᐠ, ᐁ ᑭ ᐸᐦᑭᓯᐦᑭᐠ ᒧᒋᕽ. 7ᒥᓇ ᒫᑲ ᑭ ᑲᑫᐧᒋᒣᐤ, ᐊᐃᐧᓇ ᓀᑐᓇᐋᐧᔦᐠ? ᐁᑯᓯ ᑭ ᐃᑌᐊᐧᐠ, ᒋᓴᐢ ᓈᓴᕒᐃᑎᕽ ᐁᐧᐦᒋᐟ. 8ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭ ᑭ ᐃᐧᐦᑕᒫᑎᓈᐋᐧᐤ ᓂᔭ ᐁᐊᐧᑯ; ᑭᐢᐱᐣ ᒫᑲ ᓂᔭ ᑭ ᓇᑐᓇᐃᐧᓈᐋᐧᐤ, ᑭᔮᒼ ᐅᑭ ᑭᑕ ᓯᐯᐧᑌᐊᐧᐠ: 9ᑭᑕ ᑎᐱᐸᔨᔨᐠ ᐃᑌᐧᐃᐧᐣ ᑳ ᑭ ᐃᑌᐧᐟ, ᐊᓂᑭ ᑳ ᑭ ᒥᔨᔭᐣ ᓇᒪᐋᐧᐨ ᐯᔭᐠ ᓄᐦᒋ ᐊᐧᓂᐊᐤ. 10ᐁᑯᓯ ᓵᐃᒪᐣ ᐱᑕᕒ ᐃᓴᐁᐧᐢᐠ ᐁ ᐊᔮᐟ, ᑭ ᐅᑎᑎᓇᒼ, ᐁ ᑭ ᐸᑲᒪᐋᐧᐟ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ ᐅᐟ ᐊᑐᐢᑫᔮᑲᓂᔨᐊᐧ, ᐁ ᑭ ᒪᓂᐁᐧᐸᐊᒫᐧᐟ ᐅᑕᐊᐧᑳᔨᐤ ᑭᒋᓂᐢᑭᕽ ᐃᑌᑫ. ᐊᓇ ᐊᑐᐢᑫᔮᑲᐣ ᒫᑲ ᒫᓬᑲᐢ ᑭ ᐃᓯᔨᐦᑳᓱ. 11#ᒫᐟᔪ 26:39; ᒫᕒᐠ 14:36; ᓬᐅᐠ 22:42ᒋᓴᐢ ᒫᑲ ᑭ ᐃᑌᐤ ᐱᑕᕒᐊ, ᐊᐢᑖ ᑭᐟ ᐃᓴᐁᐧᐢᐠ ᐱᒋᑯᒫᓈᓂᕽ: ᒥᓂᑳᐧᑲᐣ ᐁᐧᔪᑖᐃᐧᕽ ᑳ ᑭ ᒥᔨᐟ, ᓇᒪ ᒋ ᓂ ᑲ ᒥᓂᑳᐧᐣ?

12ᐁᑯᓯ ᒫᑲ ᓯᒫᑲᓂᓴᐠ ᒥᓇ ᓯᒫᑲᓂᓯᐃᐧᑭᒫᐤ, ᒥᓇ ᐅᑎᓂᐁᐧᒥᐋᐧᐊᐧ ᒍᐊᐧᐠ, ᑭ ᐅᑎᐦᑎᓀᐊᐧᐠ ᒋᓴᓴ ᒥᓇ ᑭ ᒪᒫᒋᑲᐧᐱᑌᐊᐧᐠ, 13ᐁᑯᓯ ᑭ ᐃᑐᐦᑕᑕᒪᐁᐧᐊᐧᐠ ᓂᑳᐣ ᐋᓇᓴ; ᒋᑫᒫ ᐁᐊᐧᑯ ᑳᔭᐹᐢ ᐅᓯᓴ, ᐁᐊᐧᑯ ᑳ ᑭᐦᒋ ᐊᔭᒥᐦᐁᐃᐧᔨᓂᐃᐧᐟ ᐁᐊᐧᑳᐧᓂᒪ ᐁ ᐊᐢᑭᐊᐧᕽ. 14#ᒑᐣ 11:49,50ᑳᔭᐸᐢ ᒫᑲ ᐁᐊᐧᑳᐧᓇ ᑳ ᑭ ᑲᑫᐢᑭᒫᐟ ᒍᐊᐧ, ᐁ ᐃᓯ ᓇᑕᐁᐧᔨᑖᑲᐧᕽ ᐯᔭᐠ ᓈᐯᐤ ᑭᑕ ᓂᐳᐢᑕᒪᐋᐧᐟ ᐊᔨᓯᔨᓂᐊᐧ.

15ᓵᐃᒪᐣ ᐱᑕᕒ ᒫᑲ ᑭ ᐱᒥᑎᓴᐁᐧᐤ ᒋᓴᓴ, ᐁᑯᓯ ᒥᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ. ᐊᓇ ᒫᑲ ᑭᐢᑭᓄᐦᐊᒪᐋᐧᑲᐣ ᑭ ᓂᓯᑕᐁᐧᔨᒥᐠ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᐁᑯᓯ ᑭ ᐃᐧᒋᐱᑐᑫᒣᐤ ᒋᓴᓴ ᐅ ᐋᐧᐢᑳᐦᐃᑲᓂᔨᕽ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ; 16ᒫᑲ ᐱᑕᕒ ᑭ ᓂᐸᐃᐧᐤ ᐃᐢᑳᐧᑌᒥᕽ ᐊᐧᔭᐃᐧᑎᒥᕽ. ᐁᑯᓯ ᐊᓇ ᑯᑕᐠ ᑭᐢᑭᓄᐦᐊᒪᐋᐧᑲᐣ ᑳ ᓂᓯᑕᐁᐧᔨᒥᑯᐟ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ ᑭ ᐊᐧᔭᐃᐧᐤ ᒥᓇ ᑭ ᑭᑐᑌᐤ ᐃᐢᑫᐧᐊᐧ ᑳ ᑲᓇᐁᐧᔨᑕᒥᔨᐟ ᐃᐢᑳᐧᑌᒼ, ᒥᓇ ᑭ ᐱᐦᑐᑲᐦᐁᐤ ᐱᑕᕒᐊ. 17ᐅᐢᑭᓂᑭᐢᑫᐧᐤ ᒫᑲ ᑳ ᑲᓇᐃᐧᐢᑳᐧᑕᐁᐧᐟ ᑭ ᐃᑌᐤ ᐱᑕᕒᐊ, ᑭᔭ ᒋ ᐯᔭᐠ ᐊᐊᐧ ᓈᐯᐤ ᐅ ᑭᐢᑭᓄᐦᐊᒪᐋᐧᑲᓇ? ᑭ ᐃᑌᐧᐤ, ᓇᒪᐃᐧᔭ ᓂᔭ. 18ᐊᑐᐢᑫᔮᑲᓇᐠ ᒫᑲ ᒥᓇ ᐅᑎᓂᐁᐧᐊᐧᐠ ᑭ ᓇᓂᐸᐃᐧᐊᐧᐠ ᐁᑯᑕ, ᐁ ᑭ ᑯᑕᐁᐧᒋᐠ ᑲᐢᑲᐢᑲᓭᑳᓇ ᐅᐦᒋ; ᒋᑫᒫ ᑭ ᑕᑳᔮᐤ; ᑭ ᐊᔭᐊᐧᓱᐊᐠ ᒫᑲ: ᐱᑕᕒ ᐃᐧᐢᑕ ᐁᑯᑕ ᐊᔮᐤ, ᐁ ᓂᐸᐃᐧᐟ ᐁ ᐊᔭᐊᐧᓱᐟ.

19ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ ᒫᑲ ᑭ ᑲᑫᐧᒋᒣᐤ ᒋᓴᓴ ᐅ ᑭᐢᑭᓄᐦᐊᒪᐋᐧᑲᓂᔨᐊᐧ ᐅᐦᒋ, ᒥᓇ ᐅ ᑭᐢᑭᓄᐦᐊᒫᑫᐃᐧᓂᔨᐤ. 20ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᒧᓯᐢ ᓂ ᑭ ᐱᑭᐢᑳᐧᐣ ᐊᐢᑭᕽ; ᑕᐦᑭ ᓂ ᑭ ᑭᐢᑭᓄᐦᐊᒫᑳᐣ ᐊᔭᒥᐦᐁᐃᐧᑲᒥᑯᕽ ᒥᓇ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐃᑕ ᒍᐊᐧᐠ ᐁ ᒫᒪᐃᐧ ᐊᔮᒋᐠ; ᑭᒧᐨ ᒫᑲ ᐃᐧᔭ ᓇᒪ ᓈᐣᑕᐤ ᑫᑲᐧᐩ ᓄᐦ ᐃᑖᐧᐣ. 21ᑖᓀᑭ ᓂᔭ ᑳ ᑲᑫᐧᒋᒥᔭᐣ? ᑲᑫᐧᒋᒥᐠ ᐊᓂᑭ ᑳ ᑭ ᐯᑕᐃᐧᒋᐠ, ᑖᓂᓯ ᑳ ᐊᔨᑕᐦᑭᐠ: ᒋᐢᐟ, ᐅᑭ ᑭᐢᑫᔨᑕᒪᐧᐠ ᑳ ᑭ ᐊᔨᑌᐧᔮᐣ. 22ᐃᐢᐱ ᒫᑲ ᐅᒥᓯ ᑳ ᐃᑌᐧᐟ, ᐯᔭᐠ ᐅᑎᓂᐁᐧᐊᐧ ᐁᑯᑕ ᐁ ᓂᐸᐃᐧᔨᐟ ᑭ ᐸᑲᒪᐅᐠ ᒋᓴᐢ ᐅᒋᐦᒋᔨᐤ ᐅᐦᒋ ᐁ ᐃᑎᑯᐟ, ᐁᑯᓯ ᒋ ᐁᓯ ᓇᐢᑫᐧᐊᐧᓯᒪᐟ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ? 23ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭᐢᐱᐣ ᑳ ᒪᒋ ᐱᑭᐢᑫᐧᐋᐧᓀ ᐊᑐᑕ ᐃᑕ ᐁ ᒫᔮᑖᕽ: ᒫᑲ ᑭᐢᐱᐣ ᑲᐧᔭᐢᐠ ᐁᑌᐧᐋᐧᓀ, ᑖᓀᑭ ᑳ ᐸᑲᒪᐅᔭᐣ? 24ᐋᓇᐢ ᒫᑲ ᑭ ᐃᓯᑎᓴᐦᐊᒪᐁᐧᐤ ᑫᔮᐱᐨ ᐁ ᒪᒫᒋᑲᐧᐱᓱᔨᐟ ᑳᔭᐹᓴ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐊᐧ.

25ᓵᐃᒪᐣ ᐱᑕᕒ ᒫᑲ ᐁᑯᑕ ᑭ ᓂᐸᐃᐧᐤ ᐁ ᐊᐊᐧᓱᐟ. ᑭ ᐃᑌᐊᐧᐠ ᒫᑲ, ᑭᔭ ᒋ ᒥᓇ ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ? ᑭ ᐋᓀᐧᑕᒼ, ᒫᑲ, ᐁ ᐃᑌᐧᐟ, ᓇᒪᐃᐧᔭ ᓂᔭ. 26ᐯᔭᐠ ᐅᐟ ᐊᑐᐢᑫᔮᑲᓇ ᐊᓇ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐤ, ᐅ ᐋᐧᑯᒫᑲᓇ ᐊᓂᐦᐃ ᐅᑕᐊᐧᑳᔨᐤ ᐱᑕᕒ ᑳ ᑭ ᒪᓂᐁᐧᐸᐊᒫᐧᐟ, ᐃᑌᐤ, ᓇᒪ ᒋ ᑭ ᑭ ᐋᐧᐸᒥᑎᐣ ᐁ ᐃᐧᒉᐊᐧᐟ ᑭᐢᑎᑳᓂᕽ? 27ᐱᑕᕒ ᒫᑲ ᑭ ᐋᓀᐧᑕᒼ ᒥᓇ: ᓭᒫᐠ ᒫᑲ ᐸᑲᐋᑲᐧᐣ ᑭ ᑭᑐ.

28ᐊᓂᑕ ᒫᑲ ᑳᔭᐸᐢ ᑳ ᐊᔮᐟ ᑭ ᐊᑎ ᐅᐦᒋ ᓯᐯᐧᑕᐦᐁᐊᐧᐠ ᒋᓴᓴ ᐁ ᑭ ᐃᑐᐦᑕᐋᒋᐠ ᐅᔭᓱᐁᐧᐃᐧᑲᒥᑯᕽ: ᐁ ᑫᑭᓭᐹᔮᐠ ᒫᑲ; ᐁᑯᓯ ᐃᐧᔭᐋᐧᐤ ᓇᒪᐃᐧᔭ ᐱᐦᑐᑫᐊᐧᐠ ᐅᔭᓱᐁᐧᐃᐧᑲᒥᑯᕽ, ᐁ ᑯᐢᑕᑭᐠ ᑭᑕ ᐃᐧᔨᐱᐃᑯᒋᐠ, ᒫᑲ ᑭᑕ ᒥᒋᒋᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ. 29ᐸᐃᓬᐊᐟ ᒫᑲ ᑭ ᐊᐧᔭᐃᐧᐤ, ᐅᒥᓯ ᐁ ᑭ ᐃᑖᐟ, ᑫᑲᐧᐩ ᐁᑖᒥᒫᔦᐠ ᐊᐊᐧ ᓈᐯᐤ? 30ᑭ ᓇᐢᑫᐧᐊᐧᓯᒣᐊᐧᐠ ᒥᓇ ᑭ ᐃᑌᐊᐧᐠ, ᑭᐢᐱᐣ ᐁᑳ ᐊᐊᐧ ᓈᐯᐤ ᑭ ᒪᒋᑐᑕᐢᑭᐟ, ᓇᒪᐃᐧᔭ ᑭ ᑲ ᑭ ᐸᑭᑎᓇᒫᑎᑖᐣ. 31ᐸᐃᓬᐊᐟ ᒫᑲ ᑭ ᐃᑌᐤ, ᐅᑎᓂᕽ ᑭᔭᐋᐧᐤ, ᒥᓇ ᐅᔭᓱᐋᐧᑎᕽ ᐁ ᐃᑕᐢᑌᐠ ᑯᔭᓱᐁᐧᐃᐧᓂᐋᐧᐤ. ᒍᐊᐧ ᑭ ᐃᑎᐠ, ᓇᒪᐃᐧᔭ ᐃᑕᐢᑌᐤ ᐅᔭᓱᐁᐧᐃᐧᐣ ᓂᔭᓈᐣ ᐊᔨᓯᔨᓂᐤ ᑭᑕ ᓂᐸᐊᔮᕽ: 32#ᒑᐣ 3:14; 12:32ᑭᑕ ᑎᐱᐸᔨᔨᐠ ᐅᐟ ᐃᑌᐧᐃᐧᐣ ᒋᓴᐢ ᑳ ᑭ ᐃᑌᐧᐟ, ᐁ ᐃᐧᐦᑕᕽ ᑖᓂᓯ ᑫ ᐃᓯ ᓂᐱᐟ. 33ᐸᐃᓬᐊᐟ ᒫᑲ ᑭ ᐱᐦᑐᑫᐤ ᒥᓇ ᐅᔭᓱᐁᐧᐃᐧᑲᒥᑯᕽ, ᐁ ᑭ ᓇᑐᒫᐟ ᒫᑲ ᒋᓴᓴ ᐅᒥᓯ ᐁ ᑭ ᐃᑖᐟ, ᑭᔭ ᒋ ᒍᐊᐧᐠ ᐅ ᑭᐦᒋ ᐅᑭᒫᒥᐋᐧᐊᐧ? 34ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭᔭ ᒋ ᐅᒪ ᑳ ᐃᑌᐧᔭᐣ, ᐊᐦᐳ ᒋ ᑯᑕᑲᐠ ᑭ ᑭ ᐃᐧᐦᑕᒫᑲᐧᐠ ᐅᒪ ᐁ ᐃᑎᑲᐃᐧᔮᐣ? 35ᐸᐃᓬᐊᐟ ᑭ ᓇᐢᑫᐧᐊᐧᓯᒣᐤ, ᓂ ᒍᐃᐧᐣ ᒋ? ᑭᔭ ᑭ ᐃᐧᑕᐢᑭᒫᑲᓇᐠ ᒥᓇ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᑭ ᑭ ᐸᑭᑎᓂᑲᐧᐠ ᑭᑕ ᐅᔭᓱᐋᐧᑎᑖᐣ: ᑫᑲᐧᐩ ᑳ ᐃᑐᑕᒪᐣ? 36ᒋᓴᐢ ᑭ ᓇᐢᑫᐧᐊᐧᓯᒣᐤ, ᓂ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᐅᑕ ᐊᐢᑭᕽ ᐅᐦᒋᒪᑲᐣ: ᑭᐢᐱᐣ ᓂ ᑭᐦᒋ ᐅᑭᒫᐃᐧᐃᐧᐣ ᐅᑕ ᐊᐢᑭᕽ ᑭ ᐅᐦᒋᒪᑲᕽ, ᐅ ᑲ ᑭ ᓄᑎᓂᑳᑖᐋᐧᐤ ᓂᐟ ᐊᑐᐢᑫᔮᑲᓇᐠ, ᐁᑳ ᑭᑕ ᐸᑭᑎᓂᑲᐃᐧᔮᐣ ᐅᒋᐦᒋᐋᐧᕽ ᒍᐊᐧᐠ: ᒫᑲ ᓂ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᐅᑕ ᐊᐢᑭᕽ ᐅᐦᒋᒪᑲᐣ. 37ᐸᐃᓬᐊᐟ ᒫᑲ ᑭ ᐃᑌᐤ, ᑭ ᑭᐦᒋ ᐅᑭᒫᐃᐧᐣ ᒋ ᒫᑲ? ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭᐟ ᐃᑖᐧᐣ ᐁ ᑭᐦᒋ ᐅᑭᒫᐃᐧᔮᐣ. ᐁᐊᐧᑯ ᐅᒪ ᑳ ᑭ ᐅᐦᒋ ᓄᑯᓯᔮᐣ, ᒥᓇ ᐁᐊᐧᑯ ᐅᒪ ᑳ ᑭ ᐅᐦᒋ ᑕᑯᓯᓂᔮᐣ ᐅᑕ ᐊᐢᑭᕽ, ᑭᑕ ᐋᑐᑕᒫᐣ ᑖᐯᐧᐃᐧᐣ. ᑲᐦᑭᔭᐤ ᐊᐃᐧᔭᐠ ᑖᐯᐧᐃᐧᓂᕽ ᑳ ᑎᐯᔨᑖᑯᓯᐟ ᓇᑐᐦᑕᒼ ᓂᐟ ᐃᑌᐧᐃᐧᐣ. 38ᐸᐃᓬᐊᐟ ᐃᑌᐤ, ᑫᑲᐧᐩ ᐊᓂᒪ ᑖᐯᐧᐃᐧᐣ?

ᐃᐢᐱ ᒫᑲ ᐅᒪ ᑳ ᐃᑌᐧᐟ, ᒥᓇ ᑭ ᐊᐧᔭᐃᐧᐢᑕᐁᐧᐤ ᒍᐊᐧ, ᐁᑯᓯ ᑭ ᐃᑌᐤ, ᓇᒪᐃᐧᔭ ᑫᑲᐧᐩ ᓂ ᒥᐢᑲᒫᐧᐣ ᑭᑕ ᒪᒋ ᐊᑖᒥᒥᐦᐟ. 39ᒫᑲ ᑭᐟ ᐊᔮᓈᐋᐧᐤ ᐃᓯᐦᒋᑫᐃᐧᐣ, ᑭᑕ ᐸᑭᑎᓇᒫᑲᐃᐧᔦᐠ ᐯᔭᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᓂᕽ, ᑭ ᓇᑕᐁᐧᔨᑌᓈᐋᐧᐤ ᒋ ᒫᑲ ᑭᑕ ᐸᑭᑎᓇᒫᑕᑯᐠ ᐅ ᑭᐦᒋ ᐅᑭᒫᒥᐋᐧᐊᐧ ᒍᐊᐧᐠ? 40ᑭ ᑌᐯᐧᐊᐧᐠ ᒫᑲ ᒥᓇ ᐁ ᐃᑌᐧᒋᐠ, ᓇᒪᐃᐧᔭ ᐊᐊᐧ ᓈᐯᐤ, ᒫᑲ ᐹᕒᐋᐸᐢ. ᐅᒪᐢᑲᑌᐧᐤ ᒫᑲ ᐊᐊᐧ ᐹᕒᐋᐸᐢ.

Currently Selected:

ᓭᐣᐟ ᒑᐣ 18: KKMs

Highlight

Copy