ᓭᐣᐟ ᒑᐣ 19

1ᐸᐃᓬᐊᐟ ᒫᑲ ᑭ ᐅᑎᓀᐤ ᒋᓴᓴ ᒥᓇ ᑭ ᐸᐸᓴᐢᑌᐁᐧᐤ. 2ᓯᒫᑲᓂᓴᐠ ᒫᑲ ᑭ ᐊᐱᑳᑕᒪᐧᐠ ᑭᐦᒋ ᐅᑭᒫᐊᐧᐢᑐᑎᐣ ᑳᐃᐧᒥᓇᑲᓯᔭ ᐅᐦᒋ, ᐁ ᑭ ᐳᐢᑕᐢᑐᑎᓇᐋᒋᐠ ᒫᑲ, ᒥᓇ ᑭ ᐳᐢᑕᓵᑲᐁᐊᐧᐠ ᒥᑫᐧᑭᓀᐧᓵᑲᐩ: 3ᐁᑯᓯ ᑭ ᐯ ᓈᑌᐊᐧᐠ, ᐁ ᐃᑌᐧᒋᐠ, ᐦᐁᓬ, ᐅ ᑭᐦᒋ ᐅᑭᒫᒥᐋᐧᐊᐧ ᒍᐊᐧᐠ? ᐁᑯᓯ ᑭ ᐸᑲᒪᐁᐧᐊᐧᐠ ᐅ ᒋᐦᒋᐋᐧᐊᐧ ᐅᐦᒋ. 4ᐸᐃᓬᐊᐟ ᒫᑲ ᒥᓇ ᑭ ᐊᐧᔭᐃᐧᐤ, ᐁᑯᓯ ᐃᑌᐤ, ᒋᐢᐟ, ᑭ ᐯᑕᒫᑎᓈᐋᐧᐤ, ᑭᑕ ᑭᐢᑫᔨᑕᒣᐠ ᐁᑳ ᑫᑲᐧᐩ ᐁ ᒥᐢᑲᒫᐣ ᑭᑕ ᐅᐦᒋ ᐅᔭᓱᐋᐧᑎᐦᐟ. 5ᐁᑯᓯ ᒋᓴᐢ ᑭ ᐯ ᐊᐧᔭᐃᐧᐤ, ᐁ ᑭᑭᐢᑲᕽ ᐊᓂᒪ ᒪᓵᓂ ᑭᐦᒋ ᐅᑭᒫᐊᐧᐢᑐᑎᐣ ᒥᓇ ᒥᑫᐧᑭᓀᐧᓵᑲᐩ. ᐸᐃᓬᐊᐟ ᒫᑲ ᑭ ᐃᑌᐤ, ᒋᐢᐟ, ᐁᐊᐧᑳᐧᓇ ᓈᐯᐤ! 6ᐃᐢᐱ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐅᑎᓂᐁᐧᐊᐧᐠ ᐃᐧᔮᐸᒫᒋᐠ, ᑭ ᑌᐯᐧᐊᐧᐠ, ᐁ ᐃᑌᐧᒋᐠ, ᒋᐢᑕᐦᐋᐢᑳᐧᐢ, ᒋᐢᑕᐦᐋᐢᑳᐧᐢ, ᐸᐃᓬᐊᐟ ᐃᑌᐤ, ᐅᑎᓂᕽ ᑭᔭᐋᐧᐤ, ᒥᓇ ᒋᐢᑕᐦᐋᐢᑳᐧᑎᕽ; ᒋᑫᒫ ᓂᔭ ᐃᐧᔭ ᓇᒪᐃᐧᔭ ᓂ ᒥᐢᑲᒫᐧᐣ ᑫᑲᐧᐩ ᑭᑕ ᐅᐦᒋ ᐅᔭᓱᐋᐧᑎᐦᐟ. 7ᒍᐊᐧᐠ ᑭ ᓇᐢᑫᐧᐊᐧᓯᒣᐊᐧᐠ, ᓂᐟ ᐊᔮᓈᐣ ᐅᔭᓱᐁᐧᐃᐧᐣ, ᐁᑯᓯ ᑭᑕ ᓂᐱᐟ ᐃᑕᐢᑌᐤ ᐁᐊᐧᑯ ᐅᔭᓱᐁᐧᐃᐧᐣ, ᒋᑫᒫ ᑭᓭᒪᓂᑐ ᐅᑯᓯᓴ ᐃᓯᔨᐦᑳᑎᓱ.

8ᐃᐢᐱ ᒫᑲ ᐸᐃᓬᐊᐟ ᐱᔦᐦᑕᕽ ᐅᒪ ᐃᑌᐧᐃᐧᐣ, ᐊᐊᐧᓯᒣ ᑭ ᓭᑭᓯᐤ; 9ᐁᑯᓯ ᐱᐦᑐᑫᐤ ᒥᓇ ᐅᔭᓱᐁᐧᐃᐧᑲᒥᑯᕽ, ᒥᓇ ᐃᑌᐤ ᒋᓴᓴ, ᑖᓂᑌ ᐁᐧᒋᔭᐣ? ᒫᑲ ᓇᒪᐃᐧᔭ ᓇᐢᑫᐧᐊᐧᓯᒥᐠ ᒋᓴᓴ. 10ᐸᐃᓬᐊᐟ ᒫᑲ ᐃᑌᐤ, ᓇᒪ ᒋ ᑭ ᓇᐢᑫᐧᐊᐧᓯᐃᐣ? ᓇᒪ ᒋ ᑭ ᑭᐢᑫᔨᑌᐣ ᐁ ᑲᐢᑭᑖᔮᐣ ᑭᑕ ᐸᑭᑎᓂᑖᐣ, ᒥᓇ ᐁ ᑲᐢᑭᑖᔮᐣ ᑭᑕ ᒋᐢᑕᐋᐢᑲᐧᑎᑖᐣ? 11ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪᐃᐧᔭ ᑭ ᑲ ᑲᐢᑭᑖᐣ ᓈᐣᑕᐤ ᑭᑕ ᐃᑐᑕᐃᐧᔭᐣ ᑭᐢᐱᐣ ᐁᑳ ᒥᔨᑲᐃᐧᔭᐣ ᐃᐢᐱᒥᕽ ᐅᐦᒋ: ᐁᐊᐧᑯ ᒫᑲ ᐅᐦᒋ ᐊᓇ ᑳ ᐸᑭᑎᓂᐟ ᑭᔭ ᐃᓯ ᐊᔨᐋᐧᐠ ᐊᔮᐤ ᒪᒋᐦᑎᐃᐧᐣ. 12ᐁᐊᐧᑫᐧᔨᐤ ᒫᑲ ᐅᐦᒋ ᐸᐃᓬᐊᐟ ᑭ ᓇᑐᓇᒼ ᑭᑕ ᐸᑭᑎᓈᐟ: ᒫᑲ ᒍᐊᐧᐠ ᑭ ᑌᐯᐧᐊᐧᐠ, ᐁ ᐃᑌᐧᒋᐠ, ᑭᐢᐱᐣ ᐸᑭᑎᓇᒋ ᐊᐊᐧ ᓈᐯᐤ, ᓇᒪᐃᐧᔭ ᑭ ᑎᐱᑐᑕᐋᐧᐤ ᓯᓵᕒ: ᑲᐦᑭᔭᐤ ᐊᐃᐧᔭᐠ ᑳ ᑭᐦᒋ ᐅᑭᒫᑳᑎᓱᐟ ᒫᔨ ᑭᐢᐋᐧᑌᐤ ᓯᓴᕒᐊ.

13ᐃᐢᐱ ᒫᑲ ᐸᐃᓬᐊᐟ ᐱᔦᐦᑕᕽ ᐅᐦᐃ ᐃᑌᐧᐃᐧᓇ, ᑭ ᐯ ᐊᐧᔭᐃᐧᑕᐁᐤ ᒋᓴᓴ, ᐁᑯᓯ ᑭ ᓇᐦᐊᐱᐤ ᐅᔭᓱᐁᐧᐊᐧᐱᐃᐧᓂᕽ ᐃᑕ ᐊᓯᓂᐃᐧ ᐊᓈᐢᑳᐣ ᑳ ᐃᓯᔨᐦᑳᑌᐠ, ᒫᑲ ᐦᐃᐸᕒᐅᐃᕽ, ᑳᐸᑕ. 14ᒣᑳᐧᐨ ᒫᑲ ᐁ ᐊᐧᐁᐧᔨᑲᑕᒥᕽ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᓈᐣᑕᐤ ᓂᑯᑖᐧᓯᐠ ᑎᐸᐃᑲᐣ ᐅᑎᐦᒋᐸᔨᐤ. ᐅᒥᓯ ᒫᑲ ᐃᑌᐤ ᒍᐊᐧ, ᒋᐢᐟ, ᑭ ᑭᐦᒋ ᐅᑭᒫᒥᐋᐧᐤ! 15ᑭ ᑌᐯᐧᐊᐧᐠ ᒫᑲ, ᓯᐯᐧᑖᐩ, ᓯᐯᐧᑖᐩ, ᒋᐢᑕᐦᐋᐢᑳᐧᐢ. ᐸᐃᓬᐊᐟ ᐃᑌᐤ, ᓂ ᑲ ᒋᐢᑕᐦᐋᐢᑳᐧᑖᐤ ᒋ ᑭ ᑭᐦᒋ ᐅᑭᒫᒥᐋᐧᐤ? ᑭᐦᒋ ᐊᔭᒥᐦᐁᐃᐧᔨᓂᐋᐧᐠ ᑭ ᓇᐢᑫᐧᐊᐧᓯᐃᐁᐧᐊᐧᐠ, ᓇᒪᐃᐧᔭ ᐊᐃᐧᔭᐠ ᑭᐦᒋ ᐅᑭᒫᐤ ᓂᐟ ᐊᔮᐋᐧᓈᐣ ᐱᑯ ᓯᓴᕒ. 16ᐁᑲᐧ ᒫᑲ ᑭ ᐸᑭᑎᓇᒪᐁᐧ ᑭᑕ ᒋᐢᑕᐦᐋᐢᑳᐧᑎᒥᐦᐟ.

ᑭ ᐅᑎᓀᐊᐧᐠ ᒫᑲ ᒋᓴᓴ: 17ᐁᑯᓯ ᑭ ᐊᐧᔭᐃᐧᐤ, ᐁ ᐅᓂᑳᑕᒫᓱᐟ ᐱᒥᑖᐢᑯᐃᑲᐣ, ᐃᑕ ᐊᓂᒪ ᐁᐧᐢᑎᑳᐧᓂᑲᓂᐊᐧᕽ ᑳ ᐃᓯᔨᐦᑳᑌᐠ, ᐦᐃᐸᕒᐅᐃᕽ ᑳ ᐃᓯᔨᐦᑳᑌᐠ ᑳᓬᑳᑕ: 18ᐁᑯᑕ ᑭ ᒋᐢᑕᐦᐋᐢᑳᐧᑌᐊᐧᐠ, ᒥᓇ ᐊᓯᒋ ᓂᓱ ᑯᑕᑲ, ᐋᔨᑕᐤ ᐯᔭᐠ, ᒋᓴᐢ ᒫᑲ ᑕᐢᑕᐃᐧᐨ.

19ᐸᐃᓬᐊᐟ ᒫᑲ ᑭ ᒪᓯᓇᐦᐊᒼ ᐃᑕᑭᒋᑳᓱᐃᐧᐣ, ᐁᑯᓯ ᑭ ᐊᐢᑖᐤ ᐱᒥᑖᐢᑯᐃᑲᓂᕽ. ᐁᑯᑕ ᒫᑲ ᑭ ᒪᓯᓇᐃᑳᑌᐤ, ᒋᓴᐢ ᓈᓴᕒᐃᑎᕽ ᐁᐧᐦᒋᐟ, ᒍᐊᐧᐠ ᐅ ᑭᐦᒋ ᐅᑭᒫᒥᐋᐧᐊᐧ. 20ᐅᒪ ᒫᑲ ᐃᑕᑭᒋᑳᓱᐃᐧᐣ ᑭ ᐊᔭᒥᑖᐊᐧᐠ ᒥᐦᒉᐟ ᒍᐊᐧᐠ: ᒋᑫᒫ ᐃᑕ ᒋᓴᐢ ᑳ ᒋᐢᑕᐦᐋᐢᑳᐧᑎᐦᐟ ᑭᓯᐋᐧᐠ ᐅᑌᓈᕽ ᑭ ᐊᔮᐤ: ᐁᑯᓯ ᑭ ᒪᓯᓇᐃᑳᑌᐤ ᐦᐃᐸᕒᐅᐃᕽ, ᒥᓇ ᓬᐋᑎᓂᕽ, ᒥᓇ ᑲᕒᐃᑭᕽ. 21ᐅ ᑭᐦᒋ ᐊᔭᒥᐦᐁᐃᐧᔨᓂᒥᐋᐧᐊᐧ ᒫᑲ ᒍᐊᐧᐠ ᑭ ᐃᑌᐊᐧᐠ ᐸᐃᓬᐊᑕ, ᐁᑳᐃᐧᔭ ᐃᑕᓯᓇᐊ ᒍᐊᐧᐠ ᐅ ᑭᐦᒋ ᐅᑭᒫᒥᐋᐧᐊᐧ; ᒫᑲ ᐁ ᑭ ᐃᑌᐧᐟ, ᓂᔭ ᐁᐊᐧᑯ ᒍᐊᐧᐠ ᐅ ᑭᐦᒋ ᐅᑭᒫᒥᐋᐧᐊᐧ. 22ᐸᐃᓬᐊᐟ ᑭ ᓇᐢᑫᐧᐊᐧᓯᒣᐤ, ᐊᓂᒪ ᑳ ᑭ ᒪᓯᓇᐦᐊᒫᐣ ᓂ ᑭ ᒪᓯᓇᐁᐣ.

23ᓯᒫᑲᓂᓴᐠ ᒫᑲ ᐃᐢᐱ ᑳ ᒋᐢᑕᐦᐋᐢᑳᐧᑖᒋᐠ ᒋᓴᓴ, ᑭ ᐅᑎᓇᒣᐧᐊᐧᐠ ᐅ ᑭᑭᐢᑳᒋᑲᓇᔨᐊᐧ, ᐁᑯᓯ ᑭ ᓀᐅᑖᐊᐧᐠ, ᐹᐸᑭ ᑭᑕ ᐊᔮᒋᐠ ᐁ ᐃᐦᑕᓯᒋᐠ; ᐊᓯᒋ ᐅᐢᑯᑖᑳᔨᐤ: ᒥᐢᑯᑖᑲᐩ ᒫᑲ ᓇᒪᐃᐧᔭ ᑭ ᐱᒥᑳᐧᑌᐤ, ᐁ ᐊᐱᑳᑎᐠ ᒥᓯᐁᐧ ᒥᓴᑳᒣ. 24#ᓂᑲᒧᓇ 22:18ᑭ ᐃᑎᑐᐊᐧᐠ ᒫᑲ, ᐁᑳᐃᐧᔭ ᔮᔨᑭᐱᑕᑖᐠ, ᒫᑲ ᐊᐢᑖᐧᑐᑖᐠ, ᐊᐁᐧᓇ ᑫ ᐋᔮᐟ: ᑭᑕ ᑎᐱᐸᔨᐠ ᑭᐦᒋ ᒪᓯᓇᐦᐃᑫᐃᐧᐣ ᑳ ᐃᑌᐧᒪᑲᕽ, ᑭ ᓇᓈᓂᐢᒋᑖᐧᑐᐊᐧᐠ ᓂ ᑭᑭᐢᑳᒋᑲᓇ, ᒥᓇ ᓂᐢᑯᑖᑲᐩ ᑭ ᐊᐢᑖᐧᑐᐊᐧᐠ. ᐅᐦᐃ ᒫᑲ ᑖᐯᐧ ᓯᒫᑲᓂᓴᐠ ᑭ ᐃᑐᑕᒪᐧᐠ.

25ᐁᑯᑕ ᒫᑲ ᐅ ᐱᒥᑖᐢᑯᐃᑲᓂᕽ ᒋᓴᐢ ᑭ ᓂᐸᐃᐧᔨᐊᐧ ᐅᑳᐃᐧᔭ, ᒥᓇ ᐅᑳᐃᐧᔭ ᐅᒋᐋᐧᒥᐢᑫᐧᒥᔨᐊᐧ, ᒣᕒᐃ ᑲᓬᐅᐹᐢ ᐃᐧᐊᐧ, ᒥᓇ ᒣᕒᐃ ᒫᐠᑕᓬᐃᐣ. 26ᐃᐢᐱ ᒫᑲ ᒋᓴᐢ ᐃᐧᔮᐸᒫᐟ ᐅᑳᐃᐧᔭ, ᒥᓇ ᑭᐢᑭᓄᐦᐊᒪᐋᐧᑲᓇ ᑳ ᓵᑭᐦᐋᐟ, ᐁᑯᑕ ᐁ ᓂᐸᐃᐧᔨᐟ, ᐃᑌᐤ ᐅᑳᐃᐧᔭ, ᐃᐢᑫᐧᐤ, ᒋᐢᐟ, ᑭᑯᓯᐢ! 27ᐁᑲᐧ ᐃᑌᐤ ᐊᓂᐦᐃ ᑭᐢᑭᓄᐦᐊᒪᐋᐧᑲᓇ, ᒋᐢᐟ, ᑭᑳᐃᐧ! ᐁᑯᐢᐱ ᒫᑲ ᐅᐦᒋ ᐊᓇ ᑭᐢᑭᓄᐦᐊᒪᐋᐧᑲᐣ ᑭ ᐃᑐᑕᐁᐤ ᐃᐧᔭ ᐃᐧᑭᕽ.

28 # ᓂᑲᒧᓇ 69:21; 22:15 ᒣᐧᐢᑕᐢ ᐅᒪ ᒋᓴᐢ, ᐁ ᑭᐢᑫᔨᑕᕽ ᑲᐦᑭᔭᐤ ᑫᑲᐧᔭ ᐁᑲᐧ ᐁ ᑭᓯᒋᑲᑌᔨᑭ, ᑭᐦᒋ ᒪᓯᓇᐦᐃᑫᐃᐧᐣ ᑭᑕ ᑎᐱᐸᔨᐠ, ᐅᒥᓯ ᐃᑌᐧᐤ, ᓂ ᓄᑌᔮᐹᑳᐧᐣ. 29ᐁᑯᑕ ᒫᑲ ᑭ ᐊᐢᑌᐤ ᐊᓯᐊᐧᒋᑲᐣ ᐁ ᓵᑲᐢᑭᓀᐠ ᓯᐃᐧᑳᐳ: ᐁᑯᓯ ᐹᑯᑫᐧᐅᐣ ᐁ ᒧᐢᑭᓀᔨᐠ ᓯᐃᐧᑳᐳ ᑭ ᐊᐢᑖᐊᐧᐠ ᐋᓂᐢᑲᐊᐧᐢᑯᕽ, ᒥᓇ ᑭ ᐃᑎᓯᓇᒪᐧᐠ ᐅᑐᓂᔨᕽ. 30ᐃᐢᐱ ᒫᑲ ᒋᓴᐢ ᑳ ᒥᔨᐦᐟ ᐊᓂᒪ ᓯᐃᐧᑳᐳ, ᑭ ᐃᑌᐧᐤ, ᐁᑲᐧ ᑭᓯᒋᑳᑌᐤ: ᑭ ᓈᒥᐢᑫᐧᔨᐤ ᒫᑲ, ᒥᓇ ᑭ ᐸᑭᑎᓀᐤ ᐅᐟ ᐊᐦᒑᐦᑲᐧ.

31ᒍᐊᐧᐠ ᒫᑲ, ᒋᑫᒫ ᐁᑲᐧ ᐊᐧᐁᐧᔨᐃᐧᐣ, ᐁᑳ ᒥᔭᐊᐧ ᑭᑕ ᐊᑯᑌᔨᑭ ᐱᒥᑖᐢᑯᐃᑲᓂᕽ ᐁ ᐊᔭᒥᐦᐁᑭᓯᑳᐠ (ᒋᑫᒫ ᐁᐊᐧᑯ ᐊᔭᒥᐦᐁᑭᓯᑳᐤ ᑭ ᑭᐦᒋ ᑭᓯᑳᐤ) ᑭ ᑲᑫᐧᒋᒣᐊᐧᐠ ᐸᐃᓬᐊᑕ ᑭᑕ ᑲᐢᑭᑳᑌᐅᒥᐦᐟ, ᐁᑯᓯ ᒫᑲ ᑭᑕ ᓯᐯᐧᑕᐃᒥᐦᐟ. 32ᓯᒫᑲᓂᓴᐠ ᒫᑲ ᑭ ᐯ ᐃᑐᑎᐊᐧᐠ, ᐁ ᑭ ᑲᐢᑭᑳᑌᐋᐧᒋᐠ ᒫᑲ ᐊᓂᐦᐃ ᓂᐢᑕᒼ, ᒥᓇ ᐊᓂᐦᐃ ᑯᑕᑲ ᑳ ᑭ ᐊᓯᒋ ᒋᐢᑕᐦᐋᐢᑳᐧᑎᒥᐦᐟ: 33ᒫᑲ ᐃᐢᐱ ᐁᐧᑎᑖᒋᐠ ᒋᓴᓴ, ᒥᓇ ᐃᐧᔮᐸᐦᑕᑭᐠ ᓵᓴᐩ ᐁ ᓂᐱᔨᐟ, ᓇᒪᐃᐧᔭ ᑲᐢᑭᑳᑌᐁᐧᐊᐧᐠ: 34ᒫᑲ ᐯᔭᐠ ᐊᓂᑭ ᓯᒫᑲᓂᓴᐠ ᑭ ᑕᑯᒣᐤ ᐅᐱᒣᔭᐤ ᑕᑲᒋᑲᐣ ᐅᐦᒋ, ᓭᒫᐠ ᒫᑲ ᐁᑯᑕ ᑭ ᐅᐦᒋᒋᐊᐧᐣ ᓂᐱ ᐊᓯᒋ ᒥᐦᑯ. 35ᐊᓇ ᒫᑲ ᑳ ᑭ ᐋᐧᐸᐦᑕᕽ ᑭ ᐋᑐᑕᒼ, ᒥᓇ ᑖᐯᐧᒪᑲᓂᔨᐤ ᐅᐟ ᐋᒋᒧᐃᐧᐣ, ᑭᐢᑫᔨᑕᒼ ᒫᑲ ᐁ ᑖᐯᐧᐟ, ᑭᔭᐋᐧᐤ ᒥᓇ ᑭᑕ ᑖᐯᐧᑕᒣᐠ. 36#ᐁᐠᓴᑕᐢ 12:46; ᓇᒼᐸᕒᐢ 9:12; ᓂᑲᒧᓇ 34:20ᒋᑫᒫ ᐅᐦᐃ ᑭ ᐊᔨᑭᓇᐧ, ᑭᐦᒋ ᒪᓯᓇᐦᐃᑫᐃᐧᐣ ᑭᑕ ᑎᐱᐸᔨᐠ, ᓇᒪᐊᐧᐨ ᐯᔭᐠ ᐅᐢᑲᐣ ᑭᑕ ᐱᑯᓇᒫᐧᐣ. 37#ᓭᑲᕒᐋᔭ 12:10; ᑭᐢᑫᔨᐦᑖᑯᐦᑫᐃᐧᐣ 1:7ᒥᓇ ᒫᑲ ᑯᑕᐠ ᑭᐦᒋ ᒪᓯᓇᐦᐃᑫᐃᐧᐣ ᐃᑌᐧᒪᑲᐣ ᑭᑕ ᑲᓇᐋᐧᐸᒣᐊᐧᐠ ᐊᓂᐦᐃ ᑳ ᑭ ᑕᑲᒫᒋᐠ.

38ᒣᐧᐢᑕᐢ ᐃᔨᑯᕽ ᒫᑲ ᐅᒪ, ᒍᓯᑊ ᐋᕒᐃᒫᑎᔭ ᐅᐦᒋ, ᐃᐧᔭ ᒥᓇ ᒋᓴᐢ ᐅ ᑭᐢᑭᓄᐦᐊᒪᐋᐧᑲᓇ, ᒫᑲ ᑭᒧᐨ ᐁ ᑯᐢᑖᐟ ᒍᐊᐧ, ᑭ ᑲᑫᐧᒋᒣᐤ ᐸᐃᓬᐊᑕ ᑭᑕ ᐅᑎᓇᒫᐧᐟ ᐃᐧᔭᐃᐧᔨᐤ ᒋᓴᓴ: ᑭ ᐸᑭᑎᓇᒫᐠ ᒫᑲ ᐸᐃᓬᐊᑕ. ᐁᑯᓯ ᑭ ᐯ ᐃᑐᐦᑌᐤ, ᐁ ᑭ ᓯᐯᐧᑕᑖᐋᐧᐟ ᐃᐧᔭᐃᐧᔨᐤ. 39#ᒑᐣ 3:1,2ᑭ ᐯ ᐃᑐᐦᑌᐤ ᐃᐧᐢᑕ ᓂᑯᑎᒪᐢ, ᐊᓇ ᓂᐢᑕᒼ ᑳ ᑭ ᐯ ᓈᑖᐟ ᓂᐹᑎᐱᐢᐠ, ᐁ ᐯᑖᐟ ᐁ ᑭᔨᑲᐃᐧᓂᑳᑎᔨᐠ ᒪᕒ ᒥᓇ ᐋᓬᐅᐢ, ᓈᐣᑕᐤ ᒥᑖᑕᐦᑐᒥᑕᓇᐤ ᑕᐦᑐ ᑯᓯᑲᐧᐣ. 40ᐁᑯᓯ ᑭ ᐅᑎᓇᒣᐧᐊᐧᐠ ᐃᐧᔭᐃᐧᔨᐤ ᒋᓴᓴ, ᐁ ᑭ ᐁᐧᐁᐧᑭᓇᑭᐠ ᐋᐧᐱᐢᑫᑭᓄᕽ ᐊᓯᒋ ᐊᓂᐦᐃ ᐃᐧᑭᒫᑯᐅᐃᐧᓇ, ᐁ ᐃᓯᐦᒋᑫᒋᐠ ᒫᓇ ᒍᐊᐧᐠ ᐁ ᓇᐃᓂᐁᐧᒋᐠ. 41ᐃᑕ ᒫᑲ ᑳ ᑭ ᒋᐢᑕᐦᐋᐢᑳᐧᑎᐟ ᑭ ᐊᔮᐤ ᑭᐢᑎᑳᐣ; ᐁᑯᑕ ᒫᑲ ᑭᐢᑎᑳᓂᕽ ᑭ ᐊᔮᐤ ᐅᐢᑭ ᓇᐦᐃᓂᑐᐃᐧᑲᒥᐠ ᐁᑳ ᐃᐧᑳᐨ ᒉᐢᑲᐧ ᐊᔨᓯᔨᓂᐤ ᐁᑯᑕ ᐁ ᐱᒥᓯᒥᐦᐟ. 42ᐁᑯᑕ ᒫᑲ ᒍᐊᐧᐠ ᐅ ᐊᐧᐁᐧᔨᐃᐧᓂᐋᐧᐤ ᐅᐦᒋ (ᒋᑫᒫ ᐊᓂᒪ ᓇᐦᐃᓂᑐᐃᐧᑲᒥᐠ ᑭᓯᐋᐧᐠ ᑭ ᐊᔮᐤ) ᑭ ᐱᒥᓯᒣᐊᐧᐠ ᒋᓴᓴ.

Currently Selected:

ᓭᐣᐟ ᒑᐣ 19: KKMs

Highlight

Copy