ᓭᐣᐟ ᒑᐣ 17
17
1ᐁᐊᐧᑯᓂ ᐅᐦᐃ ᑭ ᐃᑌᐧᐤ ᒋᓴᐢ; ᐁᑯᓯ ᐁ ᐃᐢᐹᑫ ᐃᑖᐱᐟ ᑭᐦᒋ ᑭᓯᑯᕽ ᐃᓯ, ᑭ ᐃᑌᐧᐤ, ᓄᐦᑖ, ᐅᑎᐦᒋᐸᔨᐤ ᑎᐸᐃᑲᐣ; ᑭᐢᑌᔨᑖᑯ ᑭᑯᓯᐢ, ᐃᐧᐢᑕ ᑭᑯᓯᐢ ᑭᑕ ᑭᐢᑌᔨᑖᑯᐃᐢᐠ: 2ᑳ ᑭ ᐃᓯ ᒥᔭᐟ ᑭᑕ ᑎᐯᔨᒫᐟ ᑲᐦᑭᔭᐤ ᑳ ᐅᐃᐧᔮᓯᔨᐟ, ᐱᑯ ᐊᐃᐧᔭ ᑳ ᑭ ᒥᔭᐟ, ᐁᐊᐧᑯᓂ ᑭᑕ ᒥᔮᐟ ᑳᑭᑫ ᐱᒫᑎᓯᐃᐧᐣ. 3ᐁᐊᐧᑯᒪ ᒫᑲ ᑳᑭᑫ ᐱᒫᑎᓯᐃᐧᐣ, ᑭᑕ ᑭᐢᑫᔨᒥᐢᑭᐠ ᑭᔭ ᐱᑯ ᑖᐯᐧ ᑭᓭᒪᓂᑐ ᒥᓇ ᐊᓂᐦᐃ ᑳ ᑭ ᐯ ᐃᓯᑎᓴᐋᐧᐟ, ᒋᓴᐢ ᙭ ᐅᑎ. 4ᑭ ᑭ ᑭᐢᑌᔨᑖᑯᐃᑎᐣ ᐅᑕ ᐊᐢᑭᕽ, ᐁ ᑭ ᑭᓯᑖᔮᐣ ᐊᑐᐢᑫᐃᐧᐣ ᑳ ᑭ ᒥᔨᔭᐣ ᑭᑕ ᐃᑐᑕᒫᐣ. 5ᐁᑲᐧ ᒫᑲ, ᐋ ᓄᐦᑖ, ᑭᐢᑌᔨᑖᑯᐃᐣ ᑭᑭ ᑭᔭ ᐊᓂᒪ ᐅᐦᒋ ᑭᐢᑌᔨᑖᑯᓯᐃᐧᐣ ᑳ ᑭ ᐃᐧᒋ ᐊᔮᒥᑖᐣ ᐁ ᒪᐧᔦ ᐊᔮᐠ ᐅᒪ ᐊᐢᑭ. 6ᓂ ᑭ ᓄᑯᑐᐋᐧᐊᐧᐠ ᑭ ᐃᐧᔪᐃᐧᐣ ᐊᔨᓯᔨᓂᐊᐧᐠ ᑳ ᑭ ᒥᔨᔭᐣ ᐊᐢᑭᕽ ᐅᐦᒋ: ᑭᔭ ᑭ ᑭ ᑎᐯᔨᒫᐊᐧᐠ ᑭ ᑭ ᒥᔨᐣ ᒫᑲ; ᐁᑯᓯ ᑭ ᑲᓇᐁᐧᔨᑕᒪᐧᐠ ᑭᐟ ᐃᑌᐧᐃᐧᐣ. 7ᐁᑲᐧ ᒫᑲ ᑭᐢᑫᔨᑕᒪᐧᐠ ᑲᐦᑭᔭᐤ ᑫᑲᐧᐩ ᑳ ᑭ ᒥᔨᔭᐣ ᑭᔭ ᐁ ᐯ ᐅᐦᒋᐸᔨᑭ: 8ᒋᑫᒫ ᐃᑌᐧᐃᐧᓇ ᑳ ᑭ ᒥᔨᔭᐣ ᓂ ᑭ ᒥᔮᐊᐧᐠ; ᑭ ᐅᑎᓇᒪᐧᐟ ᒫᑲ, ᒥᓇ ᑭ ᑭᐢᑫᔨᑕᒪᐧᐠ ᑫᒋᓈ ᑭᔭ ᐁ ᑭ ᐯ ᐅᐦᒋᔮᐣ, ᒥᓇ ᑭ ᑖᐯᐧᑕᒪᐧᐠ ᐁ ᑭ ᐯ ᐃᓯᑎᓴᐦᐅᔭᐣ. 9ᓂᐟ ᐊᔭᒥᐦᐁᐢᑕᒪᐋᐧᐊᐧᐠ ᐁᐊᐧᑯᓂᐠ: ᓇᒪᐃᐧᔭ ᐅᒪ ᐊᐢᑭ ᓂᐟ ᐊᔭᒥᐦᐁᐢᑕᒪᐋᐧᑎᐣ, ᒫᑲ ᐱᑯ ᑳ ᑭ ᒥᔨᔭᐣ; ᒋᑫᒫ ᑭᔭ ᑭ ᑎᐯᔨᒫᐊᐧᐠ. 10ᒥᓇ ᑲᐦᑭᔭᐤ ᑫᑲᐧᔭ ᑳ ᐊᔮᔮᐣ ᑭᔭ ᑭᐟ ᐊᔮᐣ, ᒥᓇ ᑭᔭ ᑳ ᐊᔮᔭᐣ ᓂᔭ ᓂᐟ ᐊᔮᐣ: ᓂ ᑭᐢᑌᔨᑖᑯᐃᑯᐣ ᒫᑲ ᐁᐊᐧᑯᓂ. 11ᐁᑲᐧ ᒫᑲ ᓇᒪᐃᐧᔭ ᐊᔨᐊᐧᐠ ᑭᓀᐧᐢ ᐊᐢᑭᕽ ᓂᐟ ᐊᔮᐣ, ᒫᑲ ᐅᑭ ᐃᐧᔭ ᐊᐢᑭᕽ ᐊᔮᐊᐧᐠ, ᐁᑯᓯ ᑭ ᐯ ᓈᑎᑎᐣ. ᑲᓈᒋ ᐅᑖᐃᐧᒫᐤ, ᑲᓇᐁᐧᔨᒥᐠ ᑭᔭ ᑭ ᐃᐧᔪᐃᐧᓂᕽ ᐊᓂᑭ ᑳ ᑭ ᒥᔨᔭᐣ, ᑭᑕ ᐯᔭᑯᒋᐠ ᒫᑲ, ᑖᐱᐢᑯᐨ ᑳ ᐃᓯ ᐊᔮᔭᕽ. 12#ᓂᑲᒧᓇ 41:9; ᒑᐣ 13:18ᒣᑳᐧᐨ ᐁ ᐃᐧᒉᐊᐧᑭᐠ, ᓂ ᑭ ᑲᓇᐁᐧᔨᒫᐊᐧᐠ ᑭ ᐃᐧᔪᐃᐧᓂᕽ ᑳ ᑭ ᒥᔨᔭᐣ; ᓇᒪᐃᐧᔭ ᒫᑲ ᐊᐃᐧᔭᐠ ᓂᓯᐊᐧᓈᑎᓯᐤ, ᐱᑯ ᐅᓂᓯᐊᐧᓇᒋᐅ ᐊᐋᐧᓯᐢ; ᑭᐦᒋ ᒪᓯᓇᐦᐃᑫᐃᐧᐣ ᑭᑕ ᑎᐱᐸᔨᐠ. 13ᐁᑲᐧ ᒫᑲ ᑭ ᐯ ᓈᑎᑎᐣ; ᓂ ᐃᐧᐦᑌᐣ ᒫᑲ ᐅᐦᐃ ᐊᐢᑭᕽ, ᐃᐧᔭᐋᐧᐤ ᑭᑕ ᑎᐱᐸᔨᑖᐧᒋᐠ ᓂ ᒥᔭᐋᐧᑕᒧᐃᐧᐣ. 14ᓂ ᑭ ᒥᔮᐊᐧᐠ ᑭᐟ ᐃᑌᐧᐃᐧᐣ; ᐁᑯᓯ ᑭ ᐸᑳᐧᑎᑲᐧᐠ ᐅᒪ ᐊᐢᑭ, ᒋᑫᒫ ᓇᒪᐃᐧᔭ ᐊᐢᑭᕽ ᑎᐯᔨᑖᑯᓯᐊᐧᐠ, ᑖᐱᐢᑯᐨ ᑳ ᐃᓯ ᐁᑳ ᑎᐯᔨᑖᑯᓯᔮᐣ ᐅᑕ ᐊᐢᑭᕽ. 15ᓇᒪᐃᐧᔭ ᓂᐟ ᐃᓯ ᓇᑐᑌᐣ ᑭᑕ ᐅᑎᓇᒋᐠ ᐊᐢᑭᕽ ᐅᐦᒋ, ᒫᑲ ᑭᑕ ᑲᓇᐁᐧᔨᒪᒋᐠ ᒪᒑᔭ ᐅᐦᒋ. 16ᓇᒪᐃᐧᔭ ᐅᑕ ᐊᐢᑭᕽ ᑎᐯᔨᑖᑯᓯᐊᐧᐠ, ᑖᐱᐢᑯᐨ ᑳ ᐃᓯ ᐁᑳ ᑎᐯᔨᑖᑯᓯᔮᐣ ᐅᑕ ᐊᐢᑭᕽ. 17ᑲᓈᒋᐃᐠ ᑖᐯᐧᐃᐧᓂᕽ: ᑭᐟ ᐃᑌᐧᐃᐧᐣ ᐁᐊᐧᑯ ᑖᐯᐧᐃᐧᐣ. 18ᑖᐱᐢᑯᐨ ᑳ ᑭ ᐃᓯ ᐯ ᐃᓯᑎᓴᐦᐅᔭᐣ ᐅᑕ ᐊᐢᑭᕽ, ᐁᑯᓯ ᐃᓯ ᓂᐢᑕ ᓂᐟ ᐃᓯᑎᓴᐋᐧᐊᐧᐠ ᐊᐢᑭᕽ. 19ᐃᐧᔭᐋᐧᐤ ᒫᑲ ᐅᐦᒋ ᓂ ᑲᓈᒋᐃᓱᐣ, ᐃᐧᔭᐋᐧᐤ ᒥᓇ ᑭᑕ ᑲᓈᒋᐃᐦᒋᐠ ᑖᐯᐧᐃᐧᓂᕽ. 20ᓇᒪᐃᐧᔭ ᒥᓇ ᐅᑭ ᐱᑯ ᓂᐟ ᐊᔭᒥᐦᐁᐢᑕᒪᐋᐧᐊᐧᐠ, ᒫᑲ ᐊᓂᐦᐃ ᒥᓇ ᑳ ᑖᐯᐧᑕᒥᔨᐟ ᐅᐟ ᐃᑌᐧᐃᐧᓂᐋᐧᐤ ᐅᐦᒋ; 21ᑲᐦᑭᔭᐤ ᒫᑲ ᑭᑕ ᐯᔭᑯᒋᐠ; ᑖᐱᐢᑯᐨ ᑭᔭ ᐅᑖᐃᐧᒫᐤ, ᑳ ᐃᓯ ᑭᑭᐢᑲᐃᐧᔭᐣ, ᒥᓇ ᓂᔭ ᐁ ᑭᑭᐢᑳᑖᐣ, ᒥᓇ ᐃᐧᔭᐋᐧᐤ ᑭᑕ ᑭᑭᐢᑳᑯᔭᑯᐠ: ᐁᑯᓯ ᐊᐢᑭ ᑭᑕ ᑖᐯᐧᔦᔨᑕᒧᒪᑲᕽ ᐁ ᑭ ᐯ ᐃᓯᑎᓴᐦᐅᔭᐣ. 22ᐊᓂᒪ ᒫᑲ ᑭᐢᑌᔨᑖᑯᓯᐃᐧᐣ ᑳ ᑭ ᒥᔨᔭᐣ ᓂ ᑭ ᒥᔮᐊᐧᐠ; ᐁᑯᓯ ᒫᑲ ᑭᑕ ᐯᔭᑯᒋᐠ, ᑳ ᐃᓯ ᐯᔭᑯᔭᕽ; 23ᓂᔭ ᐁ ᑭᑭᐢᑲᐊᐧᑭᐠ, ᑭᔭ ᒥᓇ ᐁ ᑭᑭᐢᑲᐃᐧᔭᐣ, ᑭᑕ ᒥᑐᓂ ᐊᔮᒋᐠ ᐯᔭᑯᐃᐧᓂᕽ; ᐊᐢᑭ ᑭᑕ ᑭᐢᑫᔨᑕᒧᒪᑲᕽ ᐁ ᑭ ᐯ ᐃᓯᑎᓴᐦᐅᔭᐣ, ᒥᓇ ᐁ ᓵᑭᐦᐊᑭᐠ, ᑖᐱᐢᑯᐨ ᑳ ᐃᓯ ᓵᑭᐦᐃᔭᐣ. 24ᓄᐦᑖ, ᐊᓂᑭ ᑳ ᑭ ᒥᔨᔭᐣ, ᓂᐟ ᐃᑌᔨᑌᐣ, ᐃᑕ ᐁ ᐊᔮᔮᐣ, ᐁᑯᑕ ᐃᐧᐢᑕᐋᐧᐤ ᑭᑕ ᐃᐧᒋ ᐊᔮᒥᒋᐠ; ᑭᑕ ᐋᐧᐸᐦᑕᐦᑭᐠ ᓂ ᑭᐢᑌᔨᑖᑯᓯᐃᐧᐣ, ᑳ ᑭ ᒥᔨᔭᐣ; ᒋᑫᒫ ᑭ ᑭ ᓵᑭᐦᐃᐣ ᐁ ᒪᐧᔦ ᐅᔭᐢᑖᕽ ᐅᒪ ᐊᐢᑭ. 25ᐋ ᐅᑖᐃᐧᒫᐤ ᑲᐧᔭᐢᐠ ᐁᑖᑎᓯᔭᐣ, ᓇᒪᐃᐧᔭ ᑯᐦ ᑭᐢᑫᔨᒥᑯᐣ ᐅᒪ ᐊᐢᑭ, ᒫᑲ ᓂᔭ ᑭ ᑭ ᑭᐢᑫᔨᒥᑎᐣ; ᒥᓇ ᐅᑭ ᑭᐢᑫᔨᑕᒪᐧᐠ ᐁ ᑭ ᐯ ᐃᓯᑎᓴᐦᐅᔭᐣ, 26ᓂ ᑭ ᑭᐢᑫᔨᑕᒧᐋᐊᐧᐠ ᒫᑲ ᑭ ᐃᐧᔪᐃᐧᐣ, ᒥᓇ ᒫᑲ ᓂ ᑲ ᑭᐢᑫᔨᑕᒧᐋᐊᐧᐠ; ᐊᓂᒪ ᓵᑭᐦᐃᐁᐧᐃᐧᐣ ᑳ ᑭ ᐃᓯ ᓵᑭᐦᐃᔭᐣ ᑭᑕ ᑭᑭᐢᑳᑯᒋᐠ, ᒥᓇ ᓂᔭ ᐁ ᑭᑭᐢᑲᐊᐧᑭᐠ.
Currently Selected:
ᓭᐣᐟ ᒑᐣ 17: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
