ᓭᐣᐟ ᒑᐣ 16
16
1ᐁᐊᐧᑯᓂ ᐅᐦᐃ ᑭ ᑭ ᐊᔨᑎᑎᓈᐋᐧᐤ ᐁᑳ ᑭᑕ ᐱᓱᑫᓯᓄᐃᑲᐃᐧᔦᐠ. 2ᑭ ᑲ ᐊᐧᔭᐃᐧᐁᐧᐱᓂᑯᐋᐧᐊᐧᐠ ᐊᔭᒥᐦᐁᐃᐧᑲᒥᑯᕽ ᐅᐦᒋ: ᐁᐦᐁ, ᑭᑕ ᐅᑎᐦᒋᐸᔨᐤ ᐃᔨᑯᕽ, ᐊᐃᐧᔭᐠ ᓂᐸᐃᑯᔦᑯ ᑭᓭᒪᓂᑐ ᓂᐟ ᐊᑐᐢᑲᐋᐧᐤ ᑭᑕ ᐃᑌᔨᑕᒼ. 3ᐅᐦᐃ ᒫᑲ ᑭᑕ ᐃᑐᑕᒪᐧᐠ, ᒋᑫᒫ ᐁᑳ ᐁ ᑭᐢᑫᔨᒫᒋᐠ ᐁᐧᔪᑖᐃᐧᕽ ᒥᓇ ᓂᔭ. 4ᒫᑲ ᐅᐦᐃ ᑭ ᑭ ᐃᐧᐦᑕᒫᑎᓈᐋᐧᐤ, ᐃᐢᐱ ᐅᑎᐦᒋᐸᔨᑳᐧᐃᐧ, ᑭᑕ ᑭᐢᑭᓱᐸᔨᔦᐠ, ᑳ ᑭ ᐃᓯ ᐃᐧᐦᑕᒪᑕᑯᐠ. 5ᒫᑲ ᐁᑲᐧ ᓂ ᓈᑖᐤ ᐊᓇ ᑳ ᑭ ᐯ ᐃᓯᑎᓴᐦᐅᐟ; ᓇᒪᐃᐧᔭ ᒫᑲ ᑭᔭᐋᐧᐤ ᑭ ᑲᑫᐧᒋᒥᓈᐋᐧᐤ ᑖᓂᑌ ᐁᑐᐦᑌᔭᐣ? 6ᒫᑲ ᐅᐦᐃ ᐁ ᑭ ᐊᔨᑎᑕᑯᐠ, ᒥᒋᔭᐁᐧᓯᐃᐧᐣ ᑭ ᒧᐢᑭᓀᐤ ᑭ ᑌᐃᐋᐧᕽ. 7ᐁᔨᐁᐧᕽ ᒫᑲ ᓂ ᑖᐹᐧᐣ ᑳ ᐃᓯ ᐃᐧᐦᑕᒪᑕᑯᐠ; ᓇᐃᐸᔨᐤ ᑭᔭᐋᐧᐤ ᐅᐦᒋ ᑭᑕ ᓯᐯᐧᑌᔮᐣ: ᒋᑫᒫ ᑭᐢᐱᐣ ᐁᑳ ᓯᐯᐧᑌᔮᓂ, ᐅᒥᔪᑌᐁᐃᐁᐧᐤ ᓇᒪᐃᐧᔭ ᑭ ᑲ ᐅᑎᐦᑎᑯᐋᐧᐤ; ᒫᑲ ᑭᐢᐱᐣ ᓯᐯᐧᑌᔮᓂ, ᑭ ᑲ ᐯ ᐃᓯᑎᓴᐊᒫᑎᓈᐋᐧᐤ. 8ᐃᐧᔭ ᒫᑲ, ᐃᐢᐱ ᑕᑯᓯᑭ, ᑭᑕ ᒧᓯᓭᐁᐧᐊᒪᐁᐧᐤ ᐊᐢᑭᕽ ᑳ ᐊᔮᔨᐟ ᒫᒋᑎᐃᐧᐣ, ᒥᓇ ᑲᐧᔭᐢᑭᑖᑎᓯᐃᐧᐣ, ᒥᓇ ᐅᔭᓱᐁᐧᐃᐧᐣ: 9ᒪᒋᑎᐃᐧᐣ, ᒋᑫᒫ ᐁᑳ ᐁ ᑖᐯᐧᑕᐃᐧᒋᐠ; 10ᑲᐧᔭᐢᑭᑖᑎᓯᐃᐧᐣ, ᒋᑫᒫ ᐁ ᓈᑕᐠ ᓄᑖᐃᐧ, ᐁᑯᓯ ᐁᑳ ᑭᑕ ᐊᐧᐸᒥᔦᐠ; 11ᐅᔭᓱᐁᐧᐃᐧᐣ, ᒋᑫᒫ ᑳ ᐅᑭᒫᑲᑕᕽ ᐅᒪ ᐊᐢᑭ ᑭ ᐅᔭᓱᐋᐧᑖᐤ.
12ᑫᔮᐱᐨ ᒥᐦᒉᐟ ᑫᑲᐧᐩ ᓂᐟ ᐊᔮᐣ ᑭᑕ ᐃᑎᑕᑯᐠ, ᒫᑲ ᓇᒪᐃᐧᔭ ᐊᓄᐦᐨ ᑭ ᑲ ᑭ ᓇᔭᑌᓈᐋᐧᐤ. 13ᒫᑲ ᐃᐧᔭ ᐃᐢᐱ ᐊᓇ, ᑖᐯᐧᐃᐧᓂ ᐊᐦᒑᕽ ᑕᑯᓯᑭ, ᑭ ᑲ ᑭᐢᑭᓄᑕᐃᑯᐋᐧᐤ ᒥᓯᐁᐧ ᑖᐯᐧᐃᐧᓂᕽ ᐃᓯ: ᒋᑫᒫ ᓇᒪᐃᐧᔭ ᑫᐦᒋᐋᐧᐠ ᐃᐧᔭ ᑭᑕ ᐅᐦᒋ ᐱᑭᐢᑫᐧᐤ; ᒫᑲ ᐱᑯ ᑫᑲᐧᐩ ᑫ ᐃᓯ ᐯᐦᑕᕽ, ᐁᐊᐧᑲᐧᓂ ᑫ ᐃᐧᐦᑕᕽ: ᒥᓇ ᑭ ᑲ ᐋᐧᐸᑎᔨᑯᐋᐧᐤ ᓂᔮᐠ ᑫ ᐊᔨᑭᕽ. 14ᓂ ᑲ ᑭᐢᑌᔨᑖᑯᐃᐠ: ᒋᑫᒫ ᑭᑕ ᐅᑎᓇᒼ ᑳ ᐊᔮᔮᐣ ᐅᐦᒋ, ᐁᑯᓯ ᑭ ᑲ ᐋᐧᐸᑎᔨᑯᐋᐧᐤ. 15ᑲᐦᑭᔭᐤ ᑫᑲᐧᐩ ᐁᐧᔪᑖᐃᐧᕽ ᑳ ᐊᔮᐟ ᓂᔭ ᓂᐟ ᐊᔮᐣ: ᐁᐊᐧᑯ ᐅᐦᒋ ᑳ ᐃᑌᐧᔮᐣ, ᑭᑕ ᐅᑎᓇᒼ ᑳ ᐊᔮᔮᐣ ᐅᐦᒋ, ᒥᓇ ᑭ ᑲ ᐃᐧᐦᑕᒫᑯᐋᐧᐤ. 16ᐊᒋᔭᐤ ᐱᑯ, ᐁᑲᐧ ᓇᒪᐃᐧᔭ ᑭ ᑲ ᐋᐧᐸᒥᓈᐋᐧᐤ: ᐊᒋᔭᐤ ᒫᑲ ᒥᓇ, ᐁᑲᐧ ᑭ ᑲ ᐋᐧᐸᒥᓈᐋᐧᐤ.
17ᐋᑎᐦᐟ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᑭ ᐊᔨᑎᑐᔨᐊᐧ, ᑫᑲᐧᐩ ᐅᒪ ᑳ ᐊᔨᑎᑯᔭᕽ, ᐊᒋᔭᐤ ᐱᑯ, ᐁᑯᓯ ᓇᒪᐃᐧᔭ ᑭ ᑲ ᐋᐧᐸᒥᓈᐋᐧᐤ; ᒥᓇ ᒫᑲ ᐊᒋᔭᐤ ᐱᑯ ᐁᑯᓯ ᑭ ᑲ ᐋᐧᐸᒥᓈᐋᐧᐤ: ᒥᓇ, ᒋᑫᒫ ᐁ ᓈᑕᐠ ᐁᐧᔪᑖᐃᐧᕽ? 18ᑭ ᐃᑌᐧᐊᐧᐠ ᒫᑲ, ᑫᑲᐧᐩ ᐅᒪ ᑳ ᐃᑌᐧᐟ, ᐊᒋᔭᐤ ᐱᑯ? ᓇᒪᐃᐧᔭ ᑭ ᑭᐢᑫᔨᑌᓈᓇᐤ ᑫᑲᐧᐩ ᑳ ᐃᑌᐧᐟ? 19ᒋᓴᐢ ᐋᐧᐸᐦᑕᒼ ᐁ ᓄᑌ ᑲᑫᐧᒋᒥᑯᐟ, ᐁᑯᓯ ᑭ ᐃᑌᐤ, ᑭ ᑲᑫᐧᒋᑐᓈᐋᐧᐤ ᒋ ᐅᒪ ᐅᐦᒋ ᑳ ᐃᑌᐧᔮᐣ, ᐊᒋᔭᐤ ᐱᑯ, ᐁᑯᓯ ᓇᒪᐃᐧᔭ ᑭ ᑲ ᐋᐧᐸᒥᓈᐋᐧᐤ, ᒥᓇ ᒫᑲ ᐊᒋᔭᐤ ᐱᑯ, ᐁᑯᓯ ᑭ ᑲ ᐋᐧᐸᒥᓈᐋᐧᐤ? 20ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭ ᑲ ᒫᑐᓈᐋᐧᐤ ᒥᓇ ᑭ ᑲ ᒧᐢᑫᐧᔨᑌᓈᐋᐧᐤ, ᒫᑲ ᐊᐢᑭ ᑭᑕ ᒥᔭᐋᐧᑕᒧᒪᑲᐣ: ᑭ ᑲ ᑲᑳᐧᑕᑫᔨᒧᓈᐋᐧᐤ, ᒫᑲ ᑭ ᑲᑳᐧᑕᑫᔨᒧᐃᐧᓂᐋᐧᐤ ᑭᑕ ᑫᐧᐢᑭᓂᑳᑌᐤ ᒥᔭᐋᐧᑕᒧᐃᐧᓂᕽ ᐃᓯ. 21ᐃᐢᑫᐧᐤ ᐋᐧ ᐋᐧᐸᒫᐊᐧᓱᒋ ᐊᔮᐤ ᑲᑳᐧᑕᑫᔨᒧᐃᐧᐣ ᒋᑫᒫ ᐯ ᐅᑎᐦᒋᐸᔨᔨᐠ ᐃᔨᑯᕽ: ᒫᑲ ᐃᐢᐱ ᑳ ᓂᐦᑖᐃᐧᑭᐦᐋᐊᐧᓱᒋ ᓇᒪᐃᐧᔭ ᑭᐢᑭᓯᑐᑕᒼ ᐃᐧᓴᑲᐱᓀᐃᐧᐣ ᐁᐢᐱᒋ ᒥᔦᐧᔨᑕᕽ ᐁ ᓂᐦᑖᐃᐧᑭᐋᐟ ᐊᔨᓯᔨᓂᐊᐧ ᐅᑕ ᐊᐢᑭᕽ. 22ᑭᔭᐋᐧᐤ ᒫᑲ ᐊᓄᐦᐨ ᒣᑳᐧᐨ ᑭᐟ ᐊᔮᓈᐋᐧᐤ ᑲᑳᐧᑕᑫᔨᒧᐃᐧᐣ: ᒫᑲ ᒥᓇ ᑭ ᑲ ᐋᐧᐸᒥᑎᓈᐋᐧᐤ, ᐁᑯᓯ ᑭ ᑌᐃᐋᐧᐤ ᑭᑕ ᒥᔭᐋᐧᑕᒧᒪᑲᐣ ᒥᓇ ᑭ ᒥᔭᐋᐧᑕᒧᐃᐧᓂᐋᐧᐤ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᒪᐢᑲᒥᑯᐋᐧᐤ. 23ᐁᑯᐢᐱ ᑭᓯᑳᑭ ᓇᒪ ᑫᑲᐧᐩ ᑭ ᑲ ᑲᑫᐧᒋᒥᓈᐋᐧᐤ. ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐱᑯ ᑫᑲᐧᐩ ᑫ ᑲᑫᐧᒋᒫᐁᐧᑫᐧ ᐁᐧᔪᑖᐃᐧᕽ ᑭ ᑲ ᒥᔨᑯᐋᐧᐤ ᓂ ᐃᐧᔪᐃᐧᓂᕽ. 24ᐊᓄᐦᐨ ᐃᐢᑯ ᓇᒪ ᑫᑲᐧᐩ ᑭᐟ ᐅᐦᒋ ᓇᑐᑌᓈᐋᐧᐤ ᓂ ᐃᐧᔪᐃᐧᓂᕽ: ᓇᑐᑕᒫᐠ ᐁᑯᓯ ᑭ ᑲ ᐊᔮᓈᐋᐧᐤ, ᑭ ᒥᔭᐋᐧᑕᒧᐃᐧᓂᐋᐧᐤ ᑭᑕ ᑎᐱᐸᔨᐠ.
25ᐅᐦᐃ ᑭ ᑭ ᐊᐧᐃᐧᑕᒫᑎᓈᐋᐧᐤ ᐊᐢᐸᐋᑫᒧᐃᐧᓂᕽ: ᒫᑲ ᐹᐸᔨᐤ ᐃᔨᑯᕽ, ᐃᐢᐱ ᐁᑳ ᐊᐢᐸᐋᑫᒧᐃᐧᓂᕽ ᑫ ᑭᑐᑎᑕᑯᐠ, ᒫᑲ ᑭ ᑲ ᐸᔭᑌ ᐋᒋᒧᐢᑖᑎᓈᐋᐧᐤ ᐁᐧᔪᑖᐃᐧᕽ. 26ᐁᑯᐢᐱ ᑭᓯᑳᑭ ᑭ ᑲ ᓇᑐᑌᐢᑕᒫᓱᓈᐋᐧᐤ ᓂ ᐃᐧᔪᐃᐧᓂᕽ: ᓇᒪᐃᐧᔭ ᒫᑲ ᑭᐟ ᐃᑎᓈᐋᐧᐤ, ᑭᑕ ᐊᔭᒥᐦᐁᐢᑕᐊᐧᐠ ᐁᐧᔪᑖᐃᐧᕽ ᑭᔭᐋᐧᐤ ᐅᐦᒋ; 27ᒋᑫᒫ ᐁᐧᔪᑖᐃᐧᕽ ᐃᐧᔭ ᑭ ᓵᑭᐦᐃᑯᐋᐧᐤ, ᐁ ᑭ ᓵᑭᐦᐃᔦᐠ ᑭᔭᐋᐧᐤ, ᒥᓇ ᐁ ᑭ ᑖᐯᐧᑕᒣᐠ ᐁᐧᔪᑖᐃᐧᕽ ᐁ ᑭ ᐯ ᐅᐦᒋᔮᐣ. 28ᐁᐧᔪᑖᐃᐧᕽ ᓂ ᑭ ᐯ ᐅᐦᒋᐣ. ᐁᑯᓯ ᐅᑕ ᐊᐢᑭᕽ ᓂ ᑭ ᐯ ᐃᑐᐦᑖᐣ: ᒥᓇ ᓂ ᓇᑲᑌᐣ ᐅᒪ ᐊᐢᑭ, ᐁ ᓈᑕᐠ ᐁᐧᔪᑖᐃᐧᕽ. 29ᐅ ᑭᐢᑭᓄᐦᐊᒪᐋᐧᑲᓇ ᑭ ᐃᑎᐠ, ᒋᐢᐟ, ᐁᑲᐧ, ᒧᓯᐢ ᑭ ᐃᐧᐦᑌᐣ, ᒥᓇ ᓇᒪ ᑫᑲᐧᐩ ᑭᐟ ᐊᐢᐸᐋᑫᒧᐣ. 30ᐁᑲᐧ ᓂ ᑭᐢᑫᔨᑌᓈᐣ ᑲᐦᑭᔭᐤ ᑫᑲᐧᐩ ᐁ ᑭᐢᑫᔨᑕᒪᐣ, ᒥᓇ ᐁᑳ ᐁ ᓇᑕᐁᐧᔨᑕᒪᐣ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᑫᐧᒋᒥᐢᐠ: ᐅᒪ ᐅᐦᒋ ᓂ ᑖᐯᐧᑌᓈᐣ ᑭᓭᒪᓂᑐᕽ ᐁ ᑭ ᐯ ᐅᐦᒋᔭᐣ. 31ᒋᓴᐢ ᑭ ᓇᐢᑫᐧᐊᐧᓯᒣᐤ, ᐁᑲᐧ ᒋ ᑭ ᑖᐯᐧᑌᓈᐋᐧᐤ? 32ᒋᐢᐟ, ᐹᐸᔨᐤ ᑎᐸᐃᑲᐣ, ᐁᐦᐁ, ᓵᓴᐩ ᐃᓴ ᐱᑯ, ᐃᑕ ᑫ ᓯᓭᐧᐢᑳᔦᐠ ᑲᐦᑭᔭᐤ ᐊᔨᓯᔨᓂᐤ ᐃᑌ ᐁ ᐃᓯ ᐃᐧᒋᐃᐁᐧᐟ, ᐁᑯᓯ ᑭᑕ ᐯᔭᑯ ᓇᑲᓯᔦᐠ: ᒫᑲ ᐋᑕᐃᐧᔭ ᓇᒪᐃᐧᔭ ᓂ ᐯᔭᑯᐣ, ᒋᑫᒫ ᐁᐧᔪᑖᐃᐧᕽ ᓂ ᐃᐧᒉᐃᐧᐠ. 33ᐁᐊᐧᑯᓂ ᐅᐦᐃ ᑭ ᑭ ᐊᔨᑎᑎᓈᐋᐧᐤ, ᓂᔭ ᐅᐦᒋ ᑭᑕ ᐊᔮᔦᐠ ᐯᔭᑕᑫᔨᒧᐃᐧᐣ. ᐅᑕ ᐊᐢᑭᕽ ᐃᐧᔭ ᑭ ᑲ ᐊᔮᓈᐋᐧᐤ ᐋᔨᒥᓯᐃᐧᐣ: ᒫᑲ ᒥᔦᐧᔨᑕᒧᐠ; ᓂ ᑭ ᓵᑯᒋᑖᐣ ᐊᐢᑭ.
Currently Selected:
ᓭᐣᐟ ᒑᐣ 16: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
