ᓭᐣᐟ ᒑᐣ 12

1ᐁᑯᓯ ᒋᓴᐢ ᓂᑯᑖᐧᓱ ᑭᓯᑳᐤ ᒪᐧᔦᐢ ᐁ ᐅᑎᐦᒋᐸᔨᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ ᑭ ᐯ ᐃᑐᐦᑌᐤ ᐯᐦᑕᓂᐃᕽ, ᐃᑕ ᐁ ᐊᔮᔨᐟ ᓬᐋᓴᕒᐊᓴ ᑳ ᑭ ᓂᐱᔨᐟ, ᐊᓂᐦᐃ ᑳ ᑭ ᐊᐧᓂᐢᑳᓈᐟ. 2ᐁᑯᑕ ᒫᑲ ᑭ ᐅᓯᑕᒪᐁᐧᐊᐧᐠ ᑎᐱᐢᑭᓀᑫᐧᐃᐧᐣ; ᒫᕒᑕ ᒫᑲ ᑭ ᐸᒥᐦᐃᐁᐧᐤ: ᓬᐋᓴᕒᐊᐢ ᒫᑲ ᐁᐊᐧᑯ ᐯᔭᐠ ᑳ ᐃᐧᑕᐱᒫᐟ ᐁ ᒥᒋᓱᒋᐠ. 3#ᓬᐅᐠ 7:37,38ᒣᕒᐃ ᒫᑲ ᑭ ᐅᑎᓇᒼ ᐯᔭᑯᓯᑲᐧᐣ ᑕᒪᐢᑯᐃᐧᐣ ᐢᐸᐃᐠᓈᕒᐟ, ᓇᐢᐱᐨ ᐁ ᐋᑲᐧᑭᑌᔨᐠ, ᐁ ᑭ ᑐᒥᓯᑌᓈ ᒫᑲ ᒋᓴᓴ, ᒥᓇ ᐁ ᑭ ᑳᓯᓯᑌᐋᐧᐟ ᐁᐧᐢᑕᑳᔭ ᐅᐦᒋ; ᑭ ᑌᐱᒫᑲᐧᐣ ᒫᑲ ᑕᒪᐢᑯᐃᐧᐣ ᐋᐧᐢᑳᐦᐃᑲᓂᕽ. 4ᐅᒥᓯ ᒫᑲ ᐃᑌᐧᔨᐊᐧ ᐯᔭᐠ ᐅ ᑭᐢᑭᓄᐦᐊᒪᐋᐧᑲᓇ, ᒍᑕᐢ ᐃᐢᑳᕒᐃᔭᐟ, ᓵᐃᒪᐣ ᐅᑯᓯᓴ, ᐊᓂᐃᐦ ᑫ ᒥᓯᒥᑯᐟ. 5ᑖᓀᑭ ᐁᑳ ᐅᒪ ᑕᒪᐢᑯᐃᐧᐣ ᑳ ᑭ ᐊᑕᐊᐧᑲᓂᐊᐧᕽ, ᑭᑕ ᑭ ᒥᔨᑕᐧᐸᐣ ᒫᑲ ᑫᑎᒫᑭᓯᒋᐠ? 6ᐁᐊᐧᑯ ᐅᒪ ᑭ ᐃᑌᐧᐤ, ᓇᒪᐃᐧᔭ ᐁ ᒥᑐᓀᔨᒫᐟ ᑫᑎᒫᑭᓯᔨᐟ; ᒫᑲ ᐁ ᑭᒧᑎᐢᑭᐟ, ᒥᓇ ᐁ ᐊᔮᐟ ᒥᐊᐧᑎᔨᐤ, ᐅᑎᓇᒼ ᒫᑲ ᐁᑯᑕ ᑳ ᐊᓯᐊᐧᑖᐃᐧᐦᐟ. 7ᐅᒥᓯ ᒫᑲ ᒋᓴᐢ ᑭ ᐃᑌᐤ, ᐁᑳ ᑐᑖᕽ: ᐊᓂᒪ ᐁ ᑭᓯᑳᐠ ᐃᑕ ᑫ ᓇᐃᓂᑲᐃᐧᔮᐣ ᐅᒪ ᐅᐦᒋ ᐃᑐᑕᒼ. 8#ᑎᔪᑕᕒᐊᓇᒥ 15:11ᑳᑭᑫ ᑭ ᐃᐧᒋᐊᔮᒥᑯᐊᐧᐊᐧᐠ ᑫᑎᒪᑭᓯᒋᐠ; ᒫᑲ ᓂᔭ ᓇᒪᐃᐧᔭ ᑳᑭᑫ ᑭᐟ ᐊᔮᐃᐧᓈᐋᐧᐤ.

9ᐊᐧᓂᔭᐤ ᒫᑲ ᐊᔨᓯᔨᓂᐊᐧᐠ ᐊᓂᑭ ᒍᐊᐧᐠ ᑭ ᑭᐢᑫᔨᑕᒪᐧᐠ ᐃᑕ ᐁ ᐊᔮᔨᐟ: ᑭ ᐯ ᐃᑐᐦᑌᐊᐧᐠ ᒥᓇ ᓇᒪᐃᐧᔭ ᐱᑯ ᒋᓴᓴ ᐅᐦᒋ, ᒫᑲ ᑭᑕ ᐋᐧᐸᒫᒋᐠ ᓬᐋᓴᕒᐊᓴ ᐊᓯᒋ, ᑳ ᑭ ᐊᐧᓂᐢᑳᓈᔨᐟ ᓂᐳᐃᐧᓂᕽ ᐅᐦᒋ. 10ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᑭ ᐃᑕᓱᐁᐧᐊᐧᐠ ᓬᐋᓴᕒᐊᓴ ᐊᓯᒋ ᑭᑕ ᓂᐸᐦᐋᒋᐠ: 11ᒋᑫᒫ ᐃᐧᔭ ᐅᐦᒋ ᒥᐦᒉᐟ ᒍᐊᐧᐠ ᑭ ᓯᐯᐧᑌᐊᐧᐠ, ᒥᓇ ᑭ ᑖᐯᐧᔦᔨᒣᐊᐧᐠ ᒋᓴᓴ.

12ᑳ ᐊᑎ ᐋᐧᐸᕽ ᒥᐦᒉᐟ ᐊᔨᓯᔨᓂᐊᐧᐠ ᑳ ᑭ ᐯ ᐃᑐᐦᑌᒋᐠ ᐃᐧᐦᑯᐦᑐᐃᐧᓂᕽ, ᐃᐢᐱ ᑳ ᐯᐦᑕᐦᑭᐠ ᒋᓴᓴ ᐁ ᐯ ᐃᑐᐦᑌᔨᐟ ᒉᕒᐅᓴᓬᐊᒥᕽ, 13#ᓂᑲᒧᓇ 118:25,26ᑭ ᐅᑎᓇᒪᐧᐠ ᓂᐱᔭ ᐸᒼ ᒥᐢᑎᑯᕽ ᐅᐦᒋ, ᐁ ᑭ ᓯᐯᐧᑌᒋᐠ, ᐁ ᑭ ᓇᑕᐃᐧ ᓇᑭᐢᑲᐋᐧᒋᐠ, ᐁ ᐃᓯ ᑌᐯᐧᒋᐠ, ᐅᓵᓇ! ᓴᐁᐧᔨᑖᑯᓯᐤ ᐃᐢᕒᐁᐃᓬ ᐅ ᑭᐦᒋ ᐅᑭᒫᒪ ᑳ ᐯ ᐃᑐᐦᑌᐟ ᑳ ᑎᐯᔨᐦᒋᑫᐟ ᐅ ᐃᐧᔪᐃᐧᓂᕽ. 14ᒋᓴᐢ ᒫᑲ, ᐃᐢᐱ ᑳ ᒥᐢᑲᐋᐧᐟ ᓱᓱᐃᐧ ᒥᐢᑕᑎᒧᓯᓴ, ᑭ ᑌᑕᐱᐤ; ᑳ ᐃᑕᓯᓇᐃᑲᑌᐠ, 15#ᓭᑲᕒᐋᔭ 9:9ᐁᑳᐃᐧᔭ ᐊᐢᑖᓯ, ᑭᔭ ᐅᑖᓂᓴ ᓵᔭᐣ; ᐋᐧᐸᒼ, ᑭ ᑭᐦᒋ ᐅᑭᒫᒼ ᐯ ᑕᑯᓯᐣ, ᐁ ᑌᑕᐱᐟ ᓱᓱᐃᐧ ᒥᐢᑕᑎᒧᓯᓴ. 16ᐁᐊᐧᑯᓂ ᐅᐦᐃ ᓇᒪᐃᐧᔭ ᓭᒫᐠ ᑭ ᓂᓯᑐᐦᑕᒥᔨᐊᐧ ᐅ ᑭᐢᑭᓄᐦᐊᒪᐋᐧᑲᓇ; ᒫᑲ ᐃᐢᐱ ᒋᓴᐢ ᑳ ᑭᐢᑌᔨᑖᑯᐦᐃᐦᐟ ᐁᑲᐧ ᑭᐢᑭᓱᐸᔨᐊᐧᐠ ᐅᒥᓯ ᐁ ᐃᑕᓯᓇᐃᑲᑌᔨᐠ, ᒥᓇ ᐅᒥᓯ ᐁ ᑭ ᐊᔨᑐᑕᐊᐧᒋᐠ. 17ᐊᔨᓯᔨᓂᐊᐧᐠ ᒫᑲ ᑳ ᐃᐧᒉᐋᐧᒋᐠ ᐃᐢᐱ ᑳ ᓇᑐᒫᔨᐟ ᓬᐊᓴᕒᐊᓴ ᓇᐦᐃᓂᑐᐃᐧᑲᒥᑯᕽ ᐅᐦᒋ, ᐁ ᐊᐧᓂᐢᑳᓈᔨᐟ ᓂᐳᐃᐧᓂᕽ ᐅᐦᒋ, ᑭ ᐋᒋᒧᐊᐧᐠ. 18ᐁᐊᐧᑯ ᒫᑲ ᐅᐦᒋ ᐊᔨᓯᔨᓂᐊᐧᐠ ᑳ ᐯ ᓇᑭᐢᑲᐊᐧᒋᐠ, ᒋᑫᒫ ᐁ ᑭ ᐯᐦᑕᐦᑭᐠ ᐁ ᑭ ᑐᑕᒥᔨᐟ ᐅᒪ ᒪᒪᑕᐃᐧ ᐃᓯᐦᒋᑫᐃᐧᐣ. 19ᐸᕒᐊᓯᔭᐠ ᒫᑲ ᑭ ᐊᔨᑌᐧᐊᐧᐠ ᐃᐧᔭᐋᐧᐤ, ᑭ ᐋᐧᐸᐦᑌᓈᐋᐧᐤ ᐁ ᐃᓯ ᐁᑳ ᑫᑲᐧᐩ ᓵᑯᒋᑖᔦᐠ? ᒋᐢᐟ, ᑲᐦᑭᔭᐤ ᐊᐢᑭ ᐱᒥᑎᓴᐦᐅᐠ.

20ᐊᑎᐦᐟ, ᒫᑲ ᐁᑯᑕ ᑲᕒᐃᐠ ᐊᔨᓯᔨᓂᐊᐧᐠ ᑭ ᐊᔮᐊᐧᐠ, ᐁ ᑭ ᐯ ᐃᑐᐦᑌᒋᐠ ᑭᑕ ᐊᔭᒥᐊᒋᐠ ᐁ ᐃᐧᐦᑯᐦᑐᕽ. 21ᐁᐊᐧᑯᓂᐠ ᑭ ᐯ ᓈᑌᐊᐧᐠ ᐱᓬᐃᐸ, ᐯᐟᓭᑕ ᑲᓬᐊᓬᐃᕽ ᑳ ᐅᐦᒋᐟ, ᑭ ᓇᑕᐁᐧᔨᒣᐊᐧᐠ ᒫᑲ ᐁ ᐃᑌᐧᒋᐠ, ᐅᑭᒫᐤ, ᓂ ᐃᐧ ᐋᐧᐸᒫᓈᐣ ᒋᓴᐢ. 22ᐱᓬᐃᑊ ᐯ ᐃᑐᐦᑌᐤ ᐁ ᐃᐧᐦᑕᒪᐊᐧᐟ ᐊᐣᑕᕒᐅᐊᐧ; ᐁᑯᓯ ᒫᑲ ᐊᐣᑕᕒᐅ ᒥᓇ ᐱᓬᐃᑊ ᐃᐧᐦᑕᒪᐁᐧᐊᐧᐠ ᒋᓴᓴ.

23ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᐃᑖᐟ, ᓵᓴᐩ ᐃᓴ ᐅᑎᐦᒋᐸᔨᐤ ᑎᐸᐃᑲᐣ ᐃᔨᓂᐃᐧᑯᓯᓵᐣ ᑭᑕ ᑭᐢᑌᔨᑖᑯᐦᐃᐦᐟ. 24ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᐯᔭᑯᒥᐣ ᐸᑫᐧᓯᑲᓂᑲᐣ ᐸᐦᑭᓯᕽ ᐊᐢᑭᕽ ᒥᓇ ᓂᐳᒪᑲᑭ ᐯᔭᑯ ᐊᔮᐤ; ᒫᑲ ᑭᐢᐱᐣ ᓂᐳᒪᑲᑭ ᒥᐢᑕᐦᐃ ᓂᐦᑖᐃᐧᑭᒋᑫᒪᑲᐣ. 25#ᒫᐟᔪ 10:39; 16:25; ᒫᕒᐠ 8:35; ᓬᐅᐠ 9:24; 17:33ᐊᓇ ᑳ ᓵᑭᐦᑖᐟ ᐅ ᐱᒫᑎᓯᐃᐧᐣ ᑭᑕ ᐊᐧᓂᑕᐤ; ᐊᓇ ᒫᑲ ᑳ ᐸᑳᐧᑕᕽ ᐅ ᐱᒫᑎᓯᐃᐧᐣ ᐅᑕ ᐊᐢᑭᕽ, ᑭᑕ ᑲᓇᐁᐧᔨᑕᒼ ᑳᑭᑫ ᐱᒫᑎᓯᐃᐧᓂᕽ ᐃᓯ. 26ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᑐᐢᑫᐢᑕᐃᐧᒋ, ᑭᔮᒼ ᓂ ᑲ ᐱᒥᑎᓴᐦᐅᐠ; ᐃᑌ ᒫᑲ ᐁ ᐊᔮᔮᐣ, ᐁᑯᑌ ᐃᐧᐢᑕ ᑫ ᐊᔮᐟ ᓂᐟ ᐊᑐᐢᑫᔮᑲᐣ; ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᑐᐢᑫᐢᑕᐃᐧᒋ, ᐁᐊᐧᑲᐧᓂ ᓄᑖᐃᐧ ᑫ ᑭᐢᑌᔨᒫᐟ. 27ᐊᓄᐦᐨ ᒫᑲ ᓂᐟ ᐊᐦᒐᕽ ᒥᑯᐢᑳᑌᔨᑕᒼ; ᑖᓂᓯ ᒫᑲ ᑫ ᐃᑌᐧᔮᐣ? ᓅᐦᑖ ᐸᐢᐱᐃᐣ ᐅᒪ ᑳ ᐃᐢᐸᔨᐠ ᑎᐸᐃᑲᐣ, ᒫᑲ ᐁᐊᐧᑯ ᑳ ᐯ ᐅᐦᒋ ᐃᑐᐦᑌᔮᐣ ᐅᒪ ᑳ ᐃᐢᐸᔨᐠ ᑎᐸᐃᑲᐣ. 28ᓄᐦᑖ, ᑭᐢᑌᔨᑖᑯᑖ ᑭ ᐃᐧᔪᐃᐧᐣ. ᑭᐦᒋ ᑭᓯᑯᕽ ᒫᑲ ᑭ ᐯ ᐅᐦᒋᐸᔨᐤ ᐃᑌᐧᐃᐧᐣ, ᐅᒥᓯ ᐁ ᐃᑌᐧᒪᑲᕽ, ᓵᓴᐩ ᓂ ᑭ ᐯ ᑭᐢᑌᔨᑖᑯᑖᐣ, ᒥᓇ ᒫᑲ ᓂ ᑲ ᑭᐢᑌᔨᑖᑯᑖᐣ. 29ᐊᔨᓯᔨᓂᐊᐧᐠ ᒫᑲ ᐁᑯᑕ ᑳ ᓂᐸᐃᐧᒋᐠ, ᐁ ᐯᐦᑕᐦᑭᐠ, ᐅᒥᓯ ᑭ ᐃᑌᐧᐊᐧᐠ, ᐱᔦᓯᐊᐧᐠ ᑭᑐᐊᐧᐠ: ᑯᑕᑲᐠ ᑭ ᐃᑌᐧᐊᐧᐠ, ᐅᑭᓯᑯᐊᐧ ᐁ ᑭᑐᑎᑯᐟ. 30ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑌᐧᐟ. ᐅᒪ ᐃᑌᐧᐃᐧᐣ ᓇᒪᐃᐧᔭ ᓂᔭ ᐅᐦᒋ ᐹᐸᔨᐤ, ᒫᑲ ᑭᔭᐋᐧᐤ ᐅᐦᒋ. 31ᐁᑲᐧ ᑭᑕ ᐅᔭᓱᐋᐧᑕᒥᕽ ᐅᒪ ᐊᐢᑭ: ᐁᑲᐧ ᑫ ᐊᐧᔭᐃᐧᐁᐧᐱᓂᐦᐟ ᑳ ᐅᑭᒫᑲᑕᕽ ᐅᒪ ᐊᐢᑭ. 32ᓂᔭ ᒫᑲ, ᑭᐢᐱᐣ ᐅᑕ ᐊᐢᑭᕽ ᐅᐦᒋ ᐅᐱᓂᑲᐃᐧᔮᓂ, ᑲᐦᑭᔭᐤ ᐊᔨᓯᔨᓂᐊᐧᐠ ᓂ ᑲ ᐅᑖᐯᑭᓇᒫᓱᐣ. 33ᐅᒪ ᒫᑲ ᑭ ᐃᑌᐧᐤ ᐁ ᑭᐢᑭᓇᐋᐧᒋ ᐃᐧᐦᑕᕽ ᑫ ᐃᓯ ᓂᐱᐟ. 34#ᓂᑲᒧᓇ 110:4; ᐊᐩᓵᔭ 9:7; ᐃᓯᑭᐁᓬ 37:25; ᑖᓂᐁᓬ 7:14ᐊᔨᓯᔨᓂᐊᐧᐠ ᒫᑲ ᑭ ᓇᐢᑫᐧᐊᐧᓯᒣᐊᐧᐠ, ᓂ ᑭ ᐯᑌᓈᐣ ᐅᔭᓱᐁᐧᐃᐧᓂᕽ ᐅᐦᒋ ᙭ ᑲᑭᑫ ᐁ ᐃᑖᐟ; ᑖᓀᑭ ᒫᑲ ᑭᔭ ᐁᐧᒋ ᐃᑌᐧᔭᐣ, ᐃᔨᓂᐃᐧᑯᓯᓵᐣ ᑭᑕ ᐅᐱᓈᐤ? ᐊᐁᐧᓇᓇ ᐃᔨᓂᐃᐧᑯᓯᓵᐣ? 35ᒋᓴᐢ ᒫᑲ ᑭ ᐃᑌᐤ, ᑫᔮᐱᐨ ᐊᒋᔭᐤ ᐋᐧᐢᑌᐤ ᑭ ᐃᐧᒋ ᐊᔮᒥᑯᓈᐋᐧᐤ. ᐱᒧᐦᑌᐠ ᒣᑳᐧᐨ ᐁ ᐊᔮᔦᐠ ᐋᐧᐢᑌᐤ, ᐁᑳ ᐊᐧᓂᑎᐱᐢᑳᐤ ᑭᑕ ᐊᑲᐧᓂᐢᑳᑯᔦᐠ; ᒋᑫᒫ ᐊᓇ ᐊᐧᓂᑎᐱᐢᑲᕽ ᑳ ᐱᒧᐦᑌᐟ ᓇᒪᐃᐧᔭ ᑭᐢᑫᔨᑕᒼ ᐃᑌ ᐁ ᐃᑐᐦᑌᐟ. 36ᒣᑳᐧᐨ ᐁ ᐊᔮᔦᐠ ᐋᐧᐢᑌᐤ, ᑖᐯᐧᑕᒧᐠ ᐋᐧᐢᑌᐤ, ᑭᑕ ᐅᐟ ᐊᐋᐧᓯᒥᓯᒥᑯᔦᐠ ᐋᐧᐢᑌᐤ. ᐁᐊᐧᑯᓂ ᐅᐦᐃ ᑳ ᐊᔨᑌᐧᐟ ᒋᓴᐢ, ᐊᑎ ᓯᐯᐧᑌᐤ, ᐁ ᑭ ᑳᓱᐢᑕᐋᐧᐟ.

37ᒫᑲ ᐊᑕ ᒥᐦᒉᐟ ᒪᒫᑕᐃᐧ ᐃᓯᐦᒋᑫᐃᐧᓇ ᐁ ᑭ ᐊᔨᑐᑕᕽ ᐁ ᐋᐧᐸᒥᑯᐟ, ᑫᔮᐱᐨ ᓇᒪᐃᐧᔭ ᑭ ᑖᐯᐧᐊᐧᑫᔨᒥᐠ: 38#ᐊᐩᓵᔭ 53:1ᑭᑕ ᑎᐱᐸᔨᔨᐠ ᐅᐟ ᐃᑌᐧᐃᐧᐣ ᐊᐩᓵᔭ ᐅᑭᐢᑭᐁᐧᐦᐃᑫᐤ, ᑳ ᑭ ᐃᑌᐧᐟ,

ᑌᐯᔨᐦᒋᑫᔭᐣ, ᐊᐁᐧᓇ ᑳ ᑖᐯᐧᑕᕽ ᓂᐟ ᐊᒋᒧᐃᐧᓂᓈᐣ? ᒥᓇ ᐊᐁᐧᓇ ᑳ ᑭᐢᑫᔨᑕᒧᐃᐦᐟ ᑳ ᑎᐯᔨᐦᒋᑫᐟ ᐅᐢᐱᑐᐣ?

39ᐁᐊᐧᑯ ᒫᑲ ᐁᑳ ᑳ ᑭ ᐅᐦᒋ ᑖᐯᐧᑕᐦᑭᐠ, ᒋᑫᒫ ᐊᐩᓵᔭ ᒥᓇ ᑭ ᐃᑌᐧᐤ.

40 # ᐊᐩᓵᔭ 6:10 ᑭ ᑲᑫᐸᐧᐱᓀᐤ ᒥᓇ ᑭ ᒪᐢᑲᐃᐧᑕᐁᐧᐤ ᐅᑌᐃᔨᐊᐧ; ᐁᑳ ᑭᑕ ᐊᐧᐱᒪᑲᓂᔨᑭ ᐅᐢᑭᓯᑯᐊᐧᐊᐧ, ᐊᐦᐳ ᐁᑳ ᑭᑕ ᓂᓯᑐᐦᑕᒧᒫᑲᓂᔨᑭ ᐅᑌᐦᐃᐋᐧᐊᐧ, ᐁᑳ ᑭᑕ ᑭ ᑫᐧᐢᑭᒋᐠ, ᐁᑯᓯ ᑭᑕ ᑭ ᐃᔨᓂᑲᐊᑭᐠ.

41ᐁᐊᐧᑯᓂ ᐅᐦᐃ ᑭ ᐃᑌᐧᐤ ᐊᐩᓵᔭ, ᐃᐢᐱ ᑳ ᑭ ᐋᐧᐸᐦᑕᒫᐧᐟ ᐅ ᑭᐢᑌᔨᑖᑯᓯᐃᐧᓂᔨᐤ, ᐁᑯᓯ ᑳ ᑭ ᐋᒋᒫᐟ.

42ᐁᔨᐁᐧᕽ ᒫᑲ ᐊᐦᐳ ᐅᔭᓱᐁᐧᐃᐧᔨᓂᐊᐧᐠ ᑭ ᑖᐯᐧᐊᐧᑫᔨᒣᐊᐧᐠ ᒫᑲ ᐸᕒᐊᓯᔭ ᐅᐦᒋ ᓇᒪᐃᐧᔭ ᑭ ᐃᐧᐦᑕᒪᐧᐠ, ᐁᑳ ᑭᑕ ᐊᐧᔭᐃᐧᐁᐧᐱᓂᑯᒋᐠ ᐊᔭᒥᐦᐁᐃᐧᑲᒥᑯᕽ ᐅᐦᒋ. 43ᒋᑫᒫ ᐊᐊᐧᓯᒣ ᑭ ᓵᑭᐦᑖᐊᐧᐠ ᐅ ᑭᐢᑌᔨᑖᑯᐃᐁᐧᐃᐧᓂᔨᐤ ᐊᔨᓯᔨᓂᐊᐧ, ᐃᐢᐱᐨ ᐅ ᑭᐢᑌᔨᑖᑯᐃᐁᐧᐃᐧᓂᔨᐤ ᑭᓭᒪᓂᑐᐊᐧ.

44ᒋᓴᐢ ᑭ ᑌᐯᐧᐤ, ᐁ ᐃᑌᐧᐟ, ᐊᓇ ᑳ ᑖᐯᐧᔦᔨᒥᐟ, ᓇᒪᐃᐧᔭ ᓂᔭ ᓂ ᑖᐯᐧᔦᔨᒥᐠ, ᒫᑲ ᑳ ᐯ ᐃᓯᑎᓴᐦᐅᔨᐟ. 45ᒥᓇ ᐊᓇ ᑳ ᐋᐧᐸᒥᐟ ᐋᐧᐸᒣᐤ ᑳ ᑭ ᐯ ᐃᓯᑎᓴᐦᐅᔨᐟ. 46ᓂ ᐯ ᐋᐧᓭᐢᑫᐣ ᐅᒪ ᐊᐢᑭ, ᐊᐃᐧᔭ ᒫᑲ ᑫ ᑖᐯᐧᔦᔨᒥᑫᐧ, ᓇᒪᐃᐧᔭ ᐊᐧᓂᑎᐱᐢᑳᕽ ᑭᑕ ᐊᔮᐤ. 47ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐯᐦᑕᐦᑭ ᓂᐟ ᐃᑌᐧᐃᐧᓇ, ᐁᑳ ᒫᑲ ᑲᓇᐁᐧᔨᐦᑕᐦᑭ ᓇᒪᐃᐧᔭ ᓄᔭᓱᐊᐧᑕᐤ: ᒋᑫᒫ ᓇᒪᐃᐧᔭ ᓂ ᐯ ᐃᑐᑕᐣ ᑭᑕ ᐅᔭᓱᐋᐧᑕᒫᐣ ᐊᐢᑭ, ᒫᑲ ᑭᑕ ᐱᒫᒋᑖᔮᐣ ᐊᐢᑭ. 48ᐊᓇ ᐃᔭᑕᐁᐧᔨᒥᐟ, ᒥᓇ ᐁᑳ ᐁᐧᑎᓇᕽ ᓂᐟ ᐃᑌᐧᐃᐧᓇ, ᐃᑕᔨᐊᐧ ᐯᔭᐠ ᑳ ᐅᔭᓱᐋᐧᑎᑯᐟ: ᐃᑌᐧᐃᐧᓇ ᑳ ᑭ ᐃᑌᐧᔮᐣ, ᐁᐊᐧᑯᓂ ᑫ ᐅᔭᓱᐋᐧᑎᑯᐟ ᐃᐢᑲᐧᔮᐨ ᑭᓯᑳᑭ. 49ᒋᑫᒫ ᓇᒪᐃᐧᔮ ᓂᔭ ᐅᐦᒋ ᑳ ᐱᑭᐢᑫᐧᔮᐣ; ᒫᑲ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ, ᐃᐧᔭ ᓂ ᑭ ᒥᔨᐠ ᐅᔭᓱᐁᐧᐃᐧᐣ, ᑫ ᐊᔨᑌᐧᔮᐣ, ᒥᓇ ᑫ ᐃᓯ ᐱᑭᐢᑫᐧᔮᐣ. 50ᓂ ᑭᐢᑫᔨᑌᐣ ᒫᑲ ᐅᔭᓱᐁᐧᐃᐧᐣ ᐁᐊᐧᑯ ᑳᑭᑫ ᐱᒫᑎᓯᐃᐧᐣ: ᐁᑯᓯ ᐊᓂᐦᐃ ᑳ ᐱᑭᐢᑫᐧᔮᐣ, ᐁᐧᔪᑖᐃᐧᕽ ᑳ ᑭ ᐃᓯᐟ, ᐁᑯᓯ ᐁᓯ ᐱᑭᐢᑫᐧᔮᐣ.

Currently Selected:

ᓭᐣᐟ ᒑᐣ 12: KKMs

Highlight

Copy